وكل الذي باللابة الدوسرية ،،، صوت ٍ لبن شرفان مطلوب إلزام

[بنت ابيها]

"بســـم الله الرحمن الرحيم"
السلام عليكم ورحمة الله وبركاته..

انقل لكم هذي القصيده في مدح المرشح عبدالله الشرفان من ملتقى الشعراء في جريدة الوطن،،،

قصيدة شاملة وجزاة ووافية كتبها حسن منصور الدوسري وقد شملت كل العلوم الغانمة وذلك من باب الواجب والتقدير ليقدمها لعبدالله بن مهدي وذلك لجهوده الكريمه واخلاقه العالية مع كا من يعرفه .. ليبقى الشعر حافظا للمواقف الطيبه.

بسم الله ابدالي حروف ابجديه = ما بعد نشرة بالصحافة ولعلام
يا سامع ٍ صوتي سلام وتحيه = اعداد ماضم البشر دين الإسلام
واعداد ما هلّـل بعيد الضحيه = واعداد ما بالحرف خطّ الأفلام
عليك ياللي جيتنا بالعشيّـه = واللي لفا وياك احشام وكرام
تستاهلون البن والمقدريه = كبش ٍ سمين لو غلت فيه لسوام
والعود الأزرق فوق جمر اللظيه = كمبودي ٍ اصلي من النادر التام
ومن بعد واجبكم ابطلب حذيه = كل الذي ابغيه من خال وأعمام
وكل الذي باللابة الدوسرية = واللي قريب الدار والجار والزام
تكفون ياربعي ويااهل الحميّـه = صوت ٍ لبن شرفان مطلوب إلزام
لنّـه كفو.. معروف له قابليه = اثبت وجوده بالليالي والأيام
من جاه يرخيله يدين ٍ نديّـه = يسر معاملته بدقه مع احكام
وكلا ًعلى دربه اعلومه مطيّـه = من يفعل المعروف يلقاه قـدّام
واليوم له حق ٍ وجوب ٍ عليّـه = وملاّ عطا الواجب على النفس ظلام
بعطيه شعري في بيوت ٍ نقيّه = ولا ترى صوتي على الكل اعدام
معروف مايحتاج بالعسكرية = وصوت المدام ايجيه لو كان برغام
ما قلت هذا طامعن بالجزيّه = يشهد على ما قول بالقلب علاّم
واختامها صلوا صلاة زكيّـة = على شفيع الكون وقت التصرام

حسن منصور بن حزمي الدوسري..

والله يوفق مرشحين العجمان في كل الدوائر.