هذا ما قاله الشاعر خالد فهيد في الشيخ فيصل المالك الصباح

[عجمي ولي الفخر]

السلام عليكم ورحمه الله وبركاته

هذي قصيده قالهـا الطالب // خالد فهيد بن زويد العجمي

بمناسبه تولي الشيخ //فيصل حمود المالك الصباح سفاره دوله الكويت في المملكه الأردنيه الهاشميه

وكانت بعنوان (( سيف السفاره ))

عمـان زاد إلهـا جبـل يـا ريـاجيــل = واعـلى جبـل..هذا الجبـل في علـوّه
الواقع المشهود يعتاز تأويل = دام الـعيون تروغ دايــم لسـوّه
هما البدو..ترقب لنجمة سهيل = انت سهيل السما وفي سموّه
فيك البصاير تحدى شبح دربيل = (ياويه)..يا زرقا اليمامه ويوّه
دولة سفير لدولة(ن) فالها السيل = كويت المعزه والكرم والمروّه
سيف السفـاره معدل الميل تعـديـل = مـا رد بـابـه تـو ربعـه وتـوّه
منصى الرجال وقبلة(ن) للمشاكيل = فيصل (إبن) مالك فـلا تموت ضـوّه
ماهـو يكيـل الطـيـب وزن المـكاييـل = له شاكله في الطيب دايـم رهـوّه
صوته حشيـم إليـا تحـاكـى بترتيـل = ينبيـك عن صـامل قراره هـدوّه
سيـاستـه ماهـي سيـاسـات تمثيـل = سيـاستــه يطغـى عليهــا جـروّه
يعـالــج المـوقـف بـدقــه وتفصيــل = ماشــاب حكمه شايبــه للاخـوّه
معــك ولــو تبــغي نشــب الافــاتيل = ولو الـــزمــان الشــين زايـد فتـوّه
نقــوم قبــل الصــبح في تـالي الليل = بعــد الصــلاه يزيد في العـزم قوّه
والـكــايد الــلــي ما تــغلــه لغـاليل = بــقــو حيــل الله...يصخر مـشوّه
عــزاي بــك لعــمـان زيــن المداهــيل = وأهــنــي الاردن ســمــاهــا ونـــوّه
وقبــل الختــام وقبــل هـز الفـناجـيل = ودي عـلى سـمع الصـباحـي انــوّه
إبن الدعيج...اللي سوات الهماليل = غيـث(ن) يشـاد النابيه في نـبـوّه
يسعى مـع الطـلاب فالصبـح والليـل= نكـن لـه التقـدير رمـز الابــوّه
يــعـين ويعـاونا ويــشـيلنـا شـيل = واللـي معـارضنـي فـغـبـه دنــوّه
عمـان زاد إلهـا جبـل يـا ريـاجيـل = وأعـلى جبـل هـذا الجبـل في علـوّه

الشاعــر // خالد بن زويد ال هادي

الله الله

ياسلام ..

قصيدتن طيبه . وعزالله انه مدحه .

وخالد رجال طيب . وفيصل المالك يستااهل .

ولانستغرب الكلام الطيب والمديح .

لاهنت ياغالي وصح الله لسانه ولاهنت

[عجمي ولي الفخر]

مرورك الطيب يابن دسمه

ولا انت يالغـالي .. وصح بدنك

شاكرلك على ردك ومرورك

[مسعطر]

عجمي ولي الفخر ..

صح لساااانك و لساااان ابن زويد ..

و يستاهل ابن صباح ..

تقبل مروري ..

[الاب الروحي]

صح الله لساااانه

لاهنت

بيض الله وجهك

ودعتك الله

[عجمي ولي الفخر]

مسعطر صح بدنك

ولاهنت على مرورك يالغـالي

وابن صباح يستاهل

[عجمي ولي الفخر]

ولا انت يالأب الروحي

ووجهك أبيض

والله لا يهينك على مرورك وردك