مادامت الخـــــــــوه على راس الفســــل

[فيصل بن محمد الوعيلي]

بعد طول غياااااااااااب اليكم اخر ماكتبت من مواليد 13/04/2007
اتمنى ان ترتقي لذائقتكم

مادامت الخوه ولا الرجله علي راس الفسل=يلعنك ياوقت يغير في الرجل هويته
بعض العرب في المرجله ياناس والله منتحل=شخصيتن ماهي ترى بلمرجله شخصيته
وقت الرخي يعجبك في قوله يقول انه فحل =ولي بدا لك شان جاتك بارده حميته
ماكل طير(ن) حط وكره ياعرب فوق الجبل=ولا كل شاعر بلشعر يزهم على جنيته
بعض الطيور منزلن وكره ياعالم بالسهل=وبعض الشعر لي مانوزن مكسورة قافيته
ماكل رجل يحتمل ياناس في شيل الحمل=ولا بدوي(ن) شال حمله من على مطيته
ولا الكفو طبعه كفو مثل الحصان الي صهل=يعجبك لادبر ويعجبك الكفو في جيته
ولا الفسل طبعه نذل يجيك في طبعه خبل=يجيك حاط(ن) غترته من فوقها طاقيته
لايعرف الزله ولا يعرف مشاريه الزلل=عنده خلل في فكرته مختلة نفسيته
وشف بعضهم بلمعرفه حلحيل صعبات الحلل=وليا فزع في فزعة اليامي على ياميته
كريم وافي جامع(ن) يامحمد(ن) كل الخصل=مصادق(ن) زود الكرم والمرجله خويته
احدن ترى خوة عله يامحمد من العلل=لايعرف المخطي ولا يدري متى خطيته
وليا خطا ما ينثني وليا حكى قال الهزل=في الحق ماعمره ترى نزل لهم جنبيته
يسمع بقولة للجنابي نزلوها للعدل=ويسمع بقول الحق ركبك ماعرف ماريته
هذا محرم خوته لوكان يسقيني عسل=محرمه في خوته ومحرمه في جيته
لا تخاطب الجاهل لانه زايد فيه الجهل=تجاهله لانك ترى ماراح تسلم سيته
شوف النحل وش تعتقد تلقى من بطون النحل=وشوف الحرير ليا انطوى تعجبك والله طيته
اما انا شاعر وادور في الشعر على الجزل=شاعر ويرسم بلمشاعر والشعر قضيته
فياقلب لاتطلب بخيل حاجتك عنده امل=لان البخيل يجيك عذره جاهز نطقيته
ربي طلبتك ياكريم(ن) في صلاتي وابتهل=راسي ياربي ارفعه وارفع معه جاهيته

[مهرة النسيان]

صح لسانك ولاهنت ..

[بنت مطير اهل الخير]

صح لسانك على هالقصيد الجزل

ما فيك حيلة


.

[بندر العجمي]

صح لسانك يافيصل والله لايشينك


اخوكــ

[سعود الخويطري]

من حضر ماغاب يافيصل




صح الله لسانك ولاهنت مليار






قصيدة تملتى بالعذوبة والتميز والجزاله ولاعدمناك



وتقبل سلامي واشواقي

[مسفر مبارك]

صح لسانك يافيصل

[فيصل بن محمد الوعيلي]

الاخوان الافاضل كل من رد وكا من قراء قصيدتي اشكر لكم مروركم الكريم


بيض الله وجيهكم على الردود الجميله

شرفتو مشاركتي بتشريفكم وقرائتكم لها

مشكوووووووووورين ولكم تحيااااااااااااتي

[عبدالله آل عامر]

ماكل رجل يحتمل ياناس فـي شيـل الحمـل***ولا بدوي(ن) شال حمله من علـى مطيتـه
ولا الكفو طبعه كفو مثل الحصان الي صهـل***يعجبك لادبـر ويعجبـك الكفـو فـي جيتـه

صح لسانك ولافض فوك يا فيصل الوعيلي على هذه الرائعة

[عـسـاه خـيـر]

شوف النحل وش تعتقد تلقى من بطون النحل ... وشوف الحرير ليا انطوى تعجبك والله طيته

صح السانك يا فصيــل بن محمـد على هذه القصيــده

الأكثـر من روعـه ودمت سالـم يا السنافــي

تقبل مـروري وتقديـري


عســـــــاه خيـــر