يــوم شـفـت السـراب

[نــبــع الــقــصــيــد]

اعتزلت الخلايق واجتنبت اصدقاي=واكتفيت بوجودك عن صغير وكبير
كل هذا على شانك رضيت بشقاي=واعتبرتك شريك الروح واغلا عشير
احسب انك ولو مـّره تحس ّ بعناي=تدري انك معرّضني لموقف خطير
قلت يمكن ظروفك تمنعك عن لقاي=ما توقــعت شي ٍ صار منك يصير
لين ظنـِّي معك خاب وتبدد رجاي=خنت عهدك وميثاقك وخنت الضمير
ما توقــعت هذا منك يصبح جزاي=يوم سلـّمت نفسي لك بدون استشير
كل هذا تلقــّيته نتيجة خطاي=ما عرفت اتــّجاه الدرب قبل المسير
يوم شفت السراب يلوح نثــّرت ماي=احسب اني وردت بجال منهل غدير

للشاعر/سعيد مهدي آل مهذل الصقور منقولة من ديوان / آل مهذل الصقور .
كما سبق ان نـُشِرت بالعديد من الصحف والمجلات مثل جريدة الرياض صفحة خزامى الصحارى ايام محررها الأستاذ الشاعرالمرحوم / محمد بن زبن بن عمير رحمه الله وكذلك في مجلة تجارة نجران وجريدة عكاظ وعلى العديد من مواقع الإنترنت ولهذه القصيده صدا واسع لدى الشعراء ومتذوقى الشعر كما ان لهذا الشاعر قصائد ومشاركات سوف نقوم بنشر مانقدر عليه إن شاء الله.

[حبيب]

كل هـذا تلقّيتـه نتيجـة خطـاي ما عرفت اتّجاه الدرب قبل المسيـر
يوم شفت السراب يلوح نثّرت ماي احسب اني وردت بجال منهل غدير

نب القصيد صح السااااانك والسان شاعرها

ولاهنتي على نقل القصيده

[فهد بن محسن]

لاهنت اخوي

نبع القصيد


على نقل وذكر هذه القصيده للشاعر مهدي ال مهذل

وصح لسانه


تحياتي لك