ضَحْكتي فِيهَآ غْمُوض و دَمْعَتي فِيهَآ غَرآبَــه

[عذبه الاطباع]

إن كتمت الجرح .. من طيبي .. ولعيـون الأخـوّة
وإن كتبته.. ما كتبتـه غيـر .. لعيـون الكتابـة

الكتابة جرح ,, يا جرحي .. وضعـفٍ فيـه قـوّة
والكآبة.. عيب فينـي ,, تعـرف حـدود الكآبـة

والمشاعر لـو أبخفيهـا , غصـب عنّـي, تفـوّه
والقصيد يدق بابـي ... لـو ... مـا دقيـت بابـه

غارقٍ (حضرة جنابي) في هوى (حضرة سمـوّه)
وفي هوى (حضرة سموّي) غارقٍ (حضرة جنابه)

والإجابـة ,,, يالسـؤال اللـي تسميهـا .. مــروّة
أي مروّة ,, وأنت حاديني علـى,,( مـرّ الإجابـة)

هو أنا اللي ,, مـن عذابـه يرفـق بحالـه عـدوّه
وإلا أنا اللي,, دون فرحه وقّفـوا كـل القرابـة!؟

هو أنا ذاك ( الصغير ),, اللي بدنيـا الحـب تـوّه؟
وإلا أنا من( ضاع عمرهـ ) بالهوى وأفنـى شبابـه ؟

هو أنا اللي عن ( سيوف البرد ) قام وشب ضـوّه
مـا درى .. إلا ونـاره ,,, أحرقـت زاهــي ثيـابـه

والا أنا ذاك اليتيـم الجاهـل ابمعنـى الابـوّة ..؟
إنجرح صوته.. وهـو يسـأل ,, ولا حـيٍ درابـه

من عذابه ,, يسأل أمه كيف غاب ؟ و ويـن هـوّه ؟
يسأل أمه من عذابه ,, هـو متـى ينهـي غيابـه ؟!

كل فرح , وكل جرح/ ن/ في طرف عيني .. تشـوّهـ ..
ضحكتي فيها ( غموض ),,, ودمعتي فيها ( غرابه )

سـو فينـي يـا زمانـي كـل مـا تبغيـه ,,, سـوّه
وإلا أنا ( ماعاد تفـرق ) .. دامهـا الأشيـا تشابـه

والسؤال اللي من اسبابـه لقى(المجـروح جـوّهـ)
انتثـر همّـه حـروف ,,, وعـاد ( لجنـون الكتابـة)

وارجع آقول الكتابة.. جرح( ضعف) وجرح ( قوّة )
واالكآبـة عيـب فينـي ,,,( تعبـر ) حـدود الكآبـة

[وافي بن وافي]

عذبه الاطباع
سلمت الايادي على النقل الطيب... وصح لسان الشاعر
تقبلي تحياتي

[ناثرة الورد]

{{ عـذبــه الاطبـااع }}
.•.

يســلم لـنـأ هالــذوق في أختـيـأإأر القصـائد الرائـعه ..

الله يواليـج العافيه.. وعسـآج عالقــوهـ .. ولاتحرميـنــآ جديدج ..

دمتـي ودآمـ توآجدكـ عطرآ لصفحـآت المنتدى ..

ولاعدمـنـآ روعـتج وتـمـيزج ’’
...

[ليــه يازمـــن]

صح الله لسان قايلها

ومشكوره على القصيده

[فهد ال مفرح الضاعني]

والا أنا ذاك اليتيـم الجاهـل ابمعنـى الابـوّة ..؟
إنجرح صوته.. وهـو يسـأل ,, ولا حـيٍ درابـه

ابداع وشعر يلتمس معاني خارجه من صميم القلب المجروح

اشكرك اختي الكريمه على هذا الطرح

[راعية اطيب قلب]

الله الله
قصيده جميله وبها معاني كثيره

تتملك جميع المشاعر

اسعدك الله دنيا واخره

[عذبه الاطباع]

شاكره لكم حبايبي علي مروكم الطيب لي

والمبدع لكم ودي


عذبهــ الاطباع

[عمر الرشيدي]

لاهــنتي الاخـت ][ عـذبه الاطبـأع ][

يعطيج الله العافيه على النقل الجميل

تقـبلي تحـيأتي ][ عــمر الرشــيدي ][

[ِِِAL 3ajmiah]

صح لسانك يالغلا ...

وتسلم يمينك ولا هنتِ ..

مشكورة ع المشاركة الطيبة

[حادي الشوق]

عذبة الاطباع شكرا وتسلمين على الذوق الرفيع ...

ابداع منش ومن الشاعر بس منو شاعرها ,,,,