ليتــــه درى صبحيـــة العيد وش صار.. لشاعرة عابرة سبيل

[{عـالـي مستــواهـ}]

السلام عليكمـ ورحمة الله وبركاتهـ

عيدكمـ مبارك قبل الزحمهـ

وتقبل الله منا ومنكم


[[[ العيـــــد باكــــــر ]]

العيد باكر اسعد الله ممســـاك

والله مدري وين خد جلسته

وين انت ياللي عيدنا في محياك

كف القدر من ضيقه الخلق بسته

من يوم مالوحت لي كف يمناك

لليوم دمعي بالخفا ماحبسته

ومن يوم ماذوقتني حر فرقاك

والياس زرعه في حياتي غرسته

شريت لي ثوب على شان لقياك

والثوب راحت موضته مالبسته

وشريت عطر مازهاني بلياك

اربع سنين بعلبته مالمسته

ودفتر قصيد كل يوم يترجاك

مافي يوم ماسهرت ودرستــه ....


[[[ صبحيه العيــــد]]]


ليتــــه درى صبحيـــه العيد وش صار

ياهي جرت لي من عذابي هــوايـــل

يوم العذارى بيحن بعض الاســــــــرار

وجت الســـــوالف بين قيــل وقايل

هذي معــايدهــا قبــل وقـــت الاسحــار

وهذيـــك صاحبهـــا عطــاهــا رســايـــل

وهــذي تقــول انه لفــا البيــت زوار

وهذيــك راحــت له زياره عوايــــل

وهــذي تفاخــر في غـــلا الصــاحب البــار

تقـــول عايدهـــا بكـــل الوســايل

وانا اطـــالع فــوق ويمـــين ويســـار

بالعيــــــد مـــا حتـــى مشطـــت الجــــدايــل...



تــحــيـــاتــي