انـت ياللـي ماخـذٍ قلبـي معـك حجـة وداعـه = تدري انك ماكسبت الأجـر فـي النفـس الحزينـه
شفني مـن العـام خليتـه معـك سمـعٍ وطاعـه = وانـت لارديـت لـي قلبـي وانـا ماقلـت وينـه
شف بعينك واعطنـي قلبـي لعـل ارتـاح ساعـه = ساعةٍ تـروي ضمـى العطشـان وتخفـف حنينـه
ساعةٍ يفرح بهـا المحـرورم يـوم الوقـت لاعـه = لحظةٍ تسـوى علـى المشتـاق مثـل اول سنينـه
افتح ابـواب الوصـل وحـذف مفاتيـح القطاعـه = واقض ديانـك بـدون اربـاح لوهـو ربـع دينـه
مرحباً في ذمتـي لاجيـت مـن عقـب انقطاعـه = تذرف ادموع الفرح وتقـول شيـن البعـد شينـه
قلت لك هـذي طبـوع الوقـت تفريـق الجماعـه = لكن الجمعـى بعـد طـول العمـر فرصـه ثمينـه
قلت لي كنت احسب ان عندي على الصبر استطاعه = واثرني ضايـع ولاكبـدي علـى الفرقـا فتينـه
قلت لك طبـع الصبـر يعتـاش والفرقـا متاعـه = عادته يخلـف ظنـون الرجـل كـون الله يعينـه
الصبر مـن غيـر مانرضـاه يااااصعـب ابتلاعـه = يقهـر الـرجـال ولا يظـهـر الدمـعـه بعيـنـه
من يقول الصبـر مفتـاح الفـرج ماقلـت اشاعـه = غير انـا قدلـي سنـه ماشفـت منـه الا غبينـه
المهـم بـاب الحـزن صكـه بمفتـاح القنـاعـه = خـل ذكـراه الحزينـه فـي ساعدتـنـا رهيـنـه
انتهى وقـت الحـزن والبعـد قضبنـا شـراعـه = وابتـدا وقـت السعـاده تنشـر اشراعـه يمينـه
تدري ان بعدك حريـق القلـب واخـاف اندلاعـه = خايـفٍ نـار الحـزن تشتـب وتشيـع المديـنـه
وتدري ان فرقـاك ليـلٍ مظلـم وقربـك شعاعـه = وتدري ان قربك يعيـن القلـب وان بعـدك يهينـه
وتـدري ان قولـة فمـان الله مافيهـا شفـاعـه = وتدري ان قوله صبـاح الخيـر تغشاهـا السكينـه
ياصبـاح الخيـر ياوجـه السعـد عبـر الأذاعـه = نور وجهك طولـةٍ فـي العمـر لاشعشـع جبينـه
شوفتـك تجلـى همـوم القلـب وتزيـد اندفاعـه = للغلـى وتـداوي جــروح المعالـيـق الدفيـنـه
ادري ان بعـدك ماهـو بيـدك ولاقصـدك لكاعـه = وان طلع مافـي يـدك حيلـه فخلـك وش بدينـه
انت بتسافر ؟ فماااان الله خذ قلبي وداعه = غير لاتبطي ترا الأنوار طفيت في المدينه
صالح آل مانعه المري
05-05-2008, 07:46 PM
العرض الشجري
المواضيع المتشابهه
