حماية غنم الجار

[الوايلي]

السلام عليكم

هذه قصه للمطارفه وهم احد فخوذ السلقا من العمارات من عنزه وكان لهم جار يدعى

النفيشى من شمر راعى غنم وهم اهل ابل ومن المعروف ان الغنم لاتستطيع مجارات

الابل فى السير وقد جائهم نذر بان هناك قوم اعداء عادين عليهم ... ونظرا لقلتهم امام

القوم العادين عليهم ارادوا الانهزام قبل المعركه والخيل تثنى دونهم بالهوش وهو يسمى

هوش الساقه وهو مشاغلة الاعداء عن الاهل والاموال وقالوا لجارهم الشمرى دع غنمك

ونعوضك بعددها من الابل ولكنه رفض وقال هذه الابيات

انا شياهى مزبنها عن اللى يريدها .= زحول الرجال اهل الافعال المطارفه
يافون بالشطات ويدلهون بالرخـــا = يوم ان بعض الناس ينكر معارفــــه
ياويل من هو بالملاقــا يضدهـــــم =ينهج كما واد غثا السيل جارفــــه
ماقول قول يقال شوفى بعينــــى =فى ساعة به دمعة العين ذارفــــــه
حامو هل العشوا على حق جارهم= فى موقف فيه المنايا امشـــــارفــــه
اليا ورد عد يبشـــــــــرونه بالروا = يروون ولو انه تصافق مـــــــغارفه
من لابة لاقيل يضرب بها المثل = هنى من هو بالصداقه ايحالـــــفــــــه
كل قوم ولا عناز ياجاهل بهـــــم = اهل ناقة بالكون بالخوف واقفـــــــه
سكان دار الخوف مرهبة الــــعدا = بكل ديــره جيتــها شفــت طارفــــــه
وفريسهم يوم اللقا يندعى بــهم .= من لا تعرفه عرف تسمع سوالفــــــه

وعندما سمعو قصيدة جارهم قسمو الخيل الى قسمين قسم يحمل الشياه ويعديها امام

المظاهير وينزلها ثم يعودون الى قومهم لمنازلتهم ومن ثم احتملها القسم الثانى وهكذا عملوا

حتى نجو من الاعداء وقال شاعر المطارفه هذه الابيات

يوم العرب غاير وناير بلا شــــوار = وكل على فعله يسوى تماثيـــــــــل
ربعى هل العشوا بعيدين الاذكـــــار = اللى يشيلون الضواين على الخيل
قصيرهم مايجدعونه على الــــــدار = فى راس عيطا نايفات الشهاليـــــل
يوم السويطى يدب القوم واغـــــار= جتهم سرايا الخيل مثل الهماليـــل
سامو شياهه سومة الصدق ببــكار = وعيا يبيع وصاح ينخا المشاكيــل
ردو هل العشوا سبب صيحة الجار .= نقوة ارجال كل ابوهم حلاحيــــــل
عند النفيشى هية تشتعـــل نـــــــار = فى ساعة وقت الضحى تقل بالليــل
صاحو عليهم صيحة تجلا الامـرار = يشبع بها ذيب الخلا بالرجاجيــــــل
كم خير بارماحهم ثقل مصهـــــــار = صاحن عليهم لابسات الخلاخيــــل
مركاضهم ذل من العيب والعـــــار = يبونها تحكى لجيل ورا جيــــــــــــل
يم الجريعا جدعوهن بالاذكــــــــار = بحسابهن كل المضاريع والحيـــــــل
خيالة العشوا على الكود صبــــــار = مايقبلون لجارهم يلحقه ميـــــــــــــل
وشهودهم شمر على كل ماصـــــار = وهرج بلا فعل يسمى تهاويـــــــــــل

واضيف كلمة غنم الى جرعا بسبب هذه الحادثه وهى معروفه بهذا الاسم حتى الان

فى شمال المملكه . وسلامتكم

[عبدالله الوعيلي]

يعطيك العافيه يا الوايلي

[أبو محمد]

لاهنت يالوايلي على القصه والقصيده

[راكان اليامي]

لاهنت يالوايلي وتسلم ولا تندم يالغالي على ذالموضوع الجزل واسمحلي طال عمرك تراني نسقت الموضوع

[محمد الشامري]

ونعم والله بعنزه وشمر

ولاهنت يالوايلي على القصه والقصيده

[محب العجمان]

كفو والله يا الويلان قول وفعل ياعيال وائل

[monamora]

الله يعطيك العافيه يالوايلي

[ابومحمد الشامري]

لا هنت يا الوايلي وعز الله ان الشمري استفزع بهم ونعم في عيال وايل اهل الردات ربع ابن هذال شيخ الشيوخ.

[السنافي]

لاهنت يالوايلي على القصه والابيات الجميله

[وسيع البنايد]

ونعم بربع الشيخ ساجر الرفدي اهل الشويهات
لاهنت يالوايلي
تحياتي