اخواني الاعزاء اعضاء المنتدى اقدم لكم هذه القصيدة المرسلة لي من الشاعر / حمود بن لطيّف العنزي وردي عليها وهي من القصائد القديمه بالنسبه لي بحيث يتجاوز عمرها ثمان سنوات.
ارجو ان تحوز على رضاكم.
يابو محسن وش جرالي وش حصل= ما جرالي بالهوى شيئ(ن)عجيب
سهم نظره من عيونه بالعجل= صابني بالقلب واصبحت الصويب
ظلمها في عين عاشقها عدل=وبعدها في ناظري جداً قريب
تسقي العطشان من نهر العسل= هو علاجي بالهوى ليّّه طبيب
الجدايل فوق متنه والخصل= فوق هذا ما بها شيئ(ن)يعيب
له شبيه(ن) بالسماء منّه خجل= ليا تبين صاحبي اشقر سبيب
جامعه كل الوصايف والمثل= كامله بالعقل والمنشا عريب
عطرها ريح الخزامى والنفل= في رياض(ن) نبتها ليه يطيب
عايش(ن)دنياي في رجوى وامل=عل رب الكون يجعل به نصيب
اشتكي لك ودي بلم الشمل= يابومحسن انتظر منك المجيب
الشاعر / حمود بن لطيّف العنزي
ما جرالك يالسنافي محتمل= دايم(ن) درب الهوى امره غريب
مرة(ن) يرفعك في راس الجبل= ومرة(ن) يرميك في بطن الشعيب
انت ماشي في طريق(ن) متصل= آخره مثل اوله درب(ن) تعيب
يا حمود اشوف انا جسمك نحل= والسبب كله من افراق الحبيب
يوم وصفت الجمال المكتمل= بان لي كيف انت يالنشمي صويب
صادك المزيون بسهوم الغزل= والهوى طبعه على العاشق غليب
اشتكيت وجيت انا لك في عجل= فزعة(ن) يالله عساها ما تخيب
والله اني لجعل الصعبه سهل = لجل عينك نركب الامر الصعيب
مهرها عندي ولا ليّه فضل= واجب(ن) لو راح مالي له ذهيب
وفي النهايه فرحة(ن) عقب الزعل= يجتمع فيها حبيب(ن) مع حبيب
ابو محسن
09-01-2005, 09:29 PM
العرض العادي
المواضيع المتشابهه
