~¤ô§ô¤~ ( تـرانـيـــــــــم الـغــــــــــلا ) ~¤ô§ô¤~

[شيخة الغلا]

دمعك سحاب وحزنك اسمى من الذات " = " وجزرك بحور ومـد بوحـك سفينـه
ماينحكي بعض الألم وسـط الابيـات " = " خل القلـوب اللـي حزينـه حزينـه
الحب ماله في سماء الوجـد ميقـات " = " ياللـي علىقسـوة شعـوره تعيـنـه
شيءٍ يجي من سطوته مالـه اوقـات " = " عنوانـه العبـره وهـمـه مديـنـه

[شيخة الغلا]

متى على الله شمل الاحباب يلتـمْ = وترتاح عينٍ .. حاربت لذّة النـوم
ياصاحبي / عطني سنينٍ مـن الهـمْ = واوعدني انّي بعدها / ببتسم يوم !
الى متى ومواصلك / ( حلم ما تمْ )؟ = ياشين حلمٍ ترقبـه عيـن محـروم!
ياكمّ سـدٍ دون صبـري تهـدّمْ = وياكمّ طاحت من سما عيني نجوم!
البُعْد جـلاّب التفاكيـر والغـمْ = حكمٍ رضيته لي وانا فيـه محكـوم
راضي!ولك تقديري وشكري الجمْ = وانا ادري ان الحال لايمكن يـدوم
لابد ماترسي مراكبْـك يـا / يـمّْ = وتلمّ شمل احباب / وتبدد هْمـوم
وياصاحبي يااجمل عذاباتـي اعلـمْ = ان امنياتي كوم / ومواصلك كوم!

[شيخة الغلا]

[الغروب]

للغائبه ... الحاضرة

(( شيخــــــــــة الغـــــلا ))

كل شئ بغيابك صمت ... صمت ... صمت

[فيصل المخيال]

فعلا إشتقنا لهذه الترانيم
:
و إفتقدنا القديرة شيخة الغلا. . . تنمنى أن تكون بخير لنرى قريبا
فراشة المنتدى تحلق هنا مجددا
:
لها

[ما على الدنيا عتب]

طولتي الغيبه

[][ .. خــجــل .. ][]

شيوخ .. لك مهله يومين بس وعقبها اشوفك بيننا
مفهووووووووم !!؟


تدرين :-
ضاق صدر المجالس بـ غيابك
وضاقت صدورنا معه ..!

" شف غيابك وش يسـوي بالصـدور وبالمبانـي
وأنت تدري كيف كانت صدمة غيابـك شديـده "




لا يطول غيابك .. مالنا طاقه عليه



بانتظااااااارك

[عبدالله ابوعجيم]

موفقه خير .. انشالله ونقله جميله

[ألـــماس]

المشاركة الأصلية كتبت بواسطة شيخة الغلا

[نسل يام]

الماااااس سلمت يدااااااااااك على الترنيمة الجميلة .