شنو الابيات اللي إذا ضاق صدركم ترددونها..؟

[خفوقي عاف دقاته]

ماجيت جنبك اطلب اليوم تبرير
ولاجيت ابشكي لك زمان الهواني
شفت الاذى منك من دون تقصير
زدت الجروح اللي سببها حناني
النفس طابت ماتبي منك تفسير
لاتحسب ارتجي من نساني

[خفوقي عاف دقاته]

يا ليتني إنسان معدوم الإحساس.. !



ما أحس بفراقك ولا أبكي غيابك !

[خفوقي عاف دقاته]

أنا اللي ما وفا حظـي سـوا بـالهـم واللوعـات
أمني قلبـي الطيـب ,, وأشـوف الحـظ خاينـي


أزيف ضحكتي ,, مهما بقى فـي خاطـري ونـات
وأضمد طعنتي ,, مهمـا ظـروف الوقـت ذلنـي


وترى لو شفتني أضحك وأجامل ,, وأكثر الضحكات
ترى كل السنين اللي مضت لـي ماضحـك سنـي

[مسعطر]

^
^
مرحبا بـ من شرفنا





اول مشاركة لي فذا الموضوع ,, والعذر منك اختي ناثره الورد

عليك الله وكبر يا زماني من هموم البال=بدت منها قصيدة بس مدري وين اودّيها .؟
تدور بْي الروابع و الروابع مقفيات إقبال=عسى الله ما يخيّب هقوة العاني و هاقيها
انا يا كيف ببدى و المزاحم بين جال و جال =ولا بانت لي الطُرقة ولا بانت مواريها
لك الله يا (مبارك) ما بقى عندي حكي و ْجدال=سوى اللّي بين ظلعان الحنايا مبتلش فيها

/
/
/

آسولف لك و انا رجّال و اشكي لك و انا رجّال=و انا خابر مرامع شكوتي لا جيت اببديها

/
/
/

و انا مانيب الومك لا عدمتك و انت راس المال =طرقت ْمن الدروب اللي تبيّض وجه ماشيها
وش الدنيا بلا ربع و جماعة يا عريب الخال =ليا ضاقت عليك المنطقة و اقفيت جافيها
تحاصرني همومي و انت تدري عن هموم الحال =و اشغّل موتري مدري وش الوجهه و داعيها..!!

/
/
/

عسفت ْمن (القصايد) مهرة ٍ تصعب على الخيّال=رسنها من هموم الوقت و الضيقة ْتغنّيها

[صمتي أبلغ من الكلام]

ان خسرتك وين ابلقا لك شبيه
وانت من كل شي نادر تحتوي .؟

وين رايح جعل هالزول افتديه
وانت خابرني من البعد انكوي

انت حتى الجرح منك اشتهيه
من غلاك اضمى عذابك وارتوي

انت لا سولفت ماكني هنيه
التزمت الصمت كني منطوي

ليه اسولف لك وهي من غير ليه
تعرف انك تطوي احزاني طوي

[صمتي أبلغ من الكلام]

لاتلومني لاجيت كلي من اقصاي
مافيه غيرك لاتضايقت جيته

[صمتي أبلغ من الكلام]

زعلان حدي منك ضايق ومغموت
وكل من سئلني عنك ضقت بسؤاله

عز الله اني معك ماني بمبخوت
امشي يمين الدرب تمشي شماله

عزآآآه يالدنيا عقب بحت الصوت
صار الرجى منك ترد الرساله !!!!

[ناثرة الورد]

مسعطـــر {{ يا مـرحبـا و مسهـلا نـورت مـوضوعي يالسنـافي

ولا تحـرمنـا من مشـاركـاتك ....

[صمتي أبلغ من الكلام]

لاتسئليني عن سبب ضيقة البال
مبطي وانا ماذقت طعم السعاده

ظروف خلت حالتي ماهي بحال
كافحت ليما مابقت بي إراده

بنيت لي في عالم الصبر تمثال
وباد الزمن تمثال صبري إباده

[ناثرة الورد]

المشاركة الأصلية كتبت بواسطة صمتي أبلغ من الكلام

ان خسرتك وين ابلقا لك شبيه
وانت من كل شي نادر تحتوي .؟

وين رايح جعل هالزول افتديه
وانت خابرني من البعد انكوي

انت حتى الجرح منك اشتهيه
من غلاك اضمى عذابك وارتوي

انت لا سولفت ماكني هنيه
التزمت الصمت كني منطوي

ليه اسولف لك وهي من غير ليه
تعرف انك تطوي احزاني طوي

:

:




مبـدعـه يالغــلا ..

متـآبعـه بـ صمــــت ..~




:

: