~¤ô§ô¤~ ( تـرانـيـــــــــم الـغــــــــــلا ) ~¤ô§ô¤~

[شيخة الغلا]

خلاوي 1111 ألف شكر لحضوك الراقي

[شيخة الغلا]

مضت معك عشرة عمر مثل الخيال بسرعته = هذا الزمن حلو الليال يطوي علُي شراعهـا
لو قالو اطلب ماتبي قلت الطلب لي رجعتـه = تراه الاول والاخير كـان الصداقـه باعهـا

[شيخة الغلا]

أتثيقل والثقل مـن طبـع حـوّا = واتحلّى الصبر وادّعـي الثبـات
واتعزّز فـي شموخـي واتقـوّا = واجحد أن الجفن قد عاف المبات
واجحد أنّ البُعد سوّابـي وسـوّا = وارمي التهمه على ظْروف الحياة

[شيخة الغلا]

ألا..ياقصيدي خلّني وانت دوووم..أصحاب = وتصبّر علي وانكـان يالشعـر جافيتـك
تفتّح عليّ..أبواب وافتح عليـك أبـواب = وعطيتك مفاتيـح الضمايـر... أوّلّيتـك
ترى العين ماتحلى..بلى صفّـة الاهـداب = وأنـا الوقـت مايحلـى... إذا ماتغنّيتـك
خفوقي وروحي والمشاعر..معك تنسـاب = وتذوب الحروف إلى اشتهى القلب قافيتك
رجيتك توسّع خاطري..دون شرح أسباب = وكلٍ يفسّر...وانـت يالشعـر.. ناهيتـك

[شيخة الغلا]

كن قلبي يافهد جنحـان طيـر = شالوا البرقع وُفَرْح بْالانْطْلاقـه
فرح من عقب انحباسه بالمطير = وانطلق يكفَخ طرب والجو شاقه
أشهد أن البارحه حالي خطيـر = كدّروا جوّي وأنا كنت بْرواقـه
علّموني علم كالسيف الشطيـر = قصّ معلوق الحشا والدم راقـه

[شيخة الغلا]

أرجوك تعذرني وانـا صـدق عـاذرك = واحفظ مكانـي واوعـدك ماتناسـاك
مسكت دمعي .. خفت لاطاح يقهـرك = الين ماتمشـي وانـا آطالـع خطـاك
بس يوم رحت وراحت العيـن تنظـرك = ماطاح دمعي طحت ( أنا ) كلي ( هناك)

[شيخة الغلا]

الجديل اللي كسا بـرق الجبيـن = وجمرك اللي كاسي حلو البـرد
العيون الموت واهدابـك كميـن = من نظرهن طاح في وسط السهد
كملك ربي وانا اقسملـك يميـن = مانظرت يشابـه لزينـك احـد
من جمالك تودع القاسي يليـن = آمر انت آمـر ويفدونـك بلـد

[خلاوي الشمالي]

ياسلام ياسلام

ابدااااع

متاااايع

ولاهنتي على ماتقدمينه

[شيخة الغلا]

خلاوي الشمالي

[شيخة الغلا]

لاصرتي أمي ليه قولي لي أضيق = وإن قلت يمه تنجلي ألف ضيقه
لو إن همي معتلي هامة طويق = سبحان ربي ينجلي في دقيقه !

إيي واللـــــــــه