(( سجـل حـضورك ببيت قصـيدة أو حـكمة ))

[مهرة النسيان]

مساء الخير
\\
\\

ياحروفي كان وسط الصدر ضيقه=ماعلى المقسوم يالنفس اعتراضي
ان زعلنا او رضينا بالحقيقه=اصبري والوضع ما هو بأفتراضي
الثواني قبل ماعد الدقيقه=وان خلص يومي هذا بيصير ماضي

[مسعطر]

ما نيب من ياتي ولا يدرا به=شطراً حفظته ما أعرف كتابه
شطراً يناسبني لمثل الليلة=و أشوفني في ذا المكان أولا به

[عـسـاه خـيـر]

أولأ به
يامرحبا يا مسعطر وحمد لله على السلامه
نورت مجالسنا يا ورد.

حسبت ان الطريق اللي بعدنـي عنـك يدنينـي = وحسبت ان القلوب اللي هوت بالحـب خفاقـه
وحسبت ان الزمن يعطي ولكن كيف يعطينـي = وحسبت ان الصبر يبقى وانا ادري للصبر طاقه

[عـسـاه خـيـر]

هذي رسالـة والفهيـم = يفهمهـا وهيـا طايـره
لامن تعـوذت الرجيـم = بالـك تقـول اسـايـره
واعرف بأن الله كريـم = واحنـا نـدور بدايـره
حنـا بشـر والله عليـم = قبـل تصيـر الصايـره
خلك مع الطيـب مقيـم = يلحقـك نـور النايـره
ولاصبت صبها بالصميم = ولاخذت خذها مغايـره
ويالله سترك يـا عظيـم = حتـى هبـوط الطايـره

[شــــ الرياض ــــوق]

المرجلة لاصارت هياط وشعر = ما عاد ابيها لعنبوها مرجلة

وان كانها مواقف وقول وفعل = ما عندي الا تم وابشر وازهلة

[عـسـاه خـيـر]

وازهله
ياسلام .
مرحبابك يا اخت شوق
تسجيل رائع جدا
واصلي هذا الحضور
العطر.

يا الحبيبة لو جمعنا الهوا نبعـد وكـاد = نفترق غصبٍ علينا والعنا ليله طويـل
نفترق والحب طهرٍ ينقضه ويل البعـاد = والعهد اللي أخذته نقضه فيني الرحيل
وأنتي الله يلهمك ملهم الصبـر العبـاد = يلهمك قلبٍ يحبك يلهمك غيري بديـل
يا الحبيبة يا غلا كنتي اكبر من مـراد = كنتي شي لو وصفته ماله بوصفي مثيل

[فريج المرر]

وهذا اليوم روح واتبع طريقه =عساه يكون لك آآآآآآآآآخر مطافي
وانا مرتاح من قلبي وواثق =لاني فيك راعيت النصافي
واللي يحكم ويتملك ضميره=يعيش الدهر مستانس وغافي

[مهرة النسيان]

مساء الخير

\\
\\

وين انت ماهي مثل وين انت دايـم=وين انت هالمره عن الفين وين انت
يامطول الغيبـات ويـن الغنايـم=مابي ولا حاجه سواك انت لاهنت

[عـسـاه خـيـر]

صباح الخير
ومرحبا

ياسقـا الله عـام الاول وصوتـك يانـديـم = عام سقت العـذر للوصـل وألغيـت البعـاد
يوم جيت اتسوق حلمك علي القلـب الحليـم = ما دريت الا وانا اعطيـك صـك الاعتمـاد

[مايصح ألاالصحيح]

زدنا وعدينا ورى الحق بقياس

وعشنا بحد السيف في كل وادي

كم واحدٍ نرميه والعج غطاس

والاخر اللي فوق كبده جـــــدادي