((للــشــعــر رأي آخــر..))

[خلاوي الشمالي]

وشلون ماأحبك ولا عدت مغليك
وانت الدوا لـ انسان دونك يعاني






وشلون رحت وكل صوتي يناديك
ياهيييه اسمعني ترى العمر فاني






ماقلت لك من قبل ماني مخليك
ياكيف تنساني ــ وقلبك نساني ؟





كتبت لك في صدر الايام ... ابغيك
وكتبت لي :.. خلاص غيرك خذاني



حتى جدار الصمت لو التفت فيك
بكيت من صمته .. وضيق الثواني





عشقت كل لحظات عمرك وماضيك
ومعك : عرفت ان الأماني .. أماني




وسويت لك في داخلي شي يرضيك
وان كان مايرضيك ؟؟ ... سويت ثاني





نزعت فرحت خاطري .. ليت تكفيك ؟
وزرعتها في داخلك ........ ماكفاني





ضحكت لك وآنا من الحزن أسليك
وحبست دمعي لجل أقدم حناني





وصديت وقت الضيق .. مابيك مابيك
تشوفني أضحك .. وأنا اللي أعاني





ياهـ الزمن تكفى - طلبتك - وأرجيك
لاتبخل بـــ وصل الحبيب الـ أناني




قد قلت له : مقدر أفارق وأحاتيك
وقد قلت له : هـ البعد ياما كواني




لكن حسافه كل صوتــن يطريك
ياما معا نفسي ذكرتك .... أغاني





بـ ايديك كل اللي حصل اييه بـ ايديك
بديت احسك شي ... خااارج زماني





ودامك زرعت انسان غيري بـ أراضيك
فـ أنا ماحب يكون غيري ..... مكاني






بـ تغيب ؟ غيب ولكن اسمع محاكيك
قبل السفن تنوي بــــــ هجر المواني




في خاطري كلمة < ويمكن > تبكيك
ابيك تسمعها / . دقايق عشاني






لو الزمن يعطيك - ماهوب معطيك
شخص يحطك بين عوج المحاني

[خلاوي الشمالي]

افرح ليا بان واحزن لاسـلا عنـي
إلين ماصرت في دور الهوى خبـره





تامرني انساك بنسى ويش يمنعنـي!
لكن ليااجيت في بالي وش الدبـره؟

[خلاوي الشمالي]

نحزن لفراق الاحباب قبل السفر ونحن موقنين بعودتهم بعد وقت طال أو قصر !!

فتجدنا نشتاق بين اليوم والآخر لأجمل لياليهم ويزيد الشوق لملاقاتهم مره اخرى .. !!

هذا فراق السفر ونحن على علم بأن المصير سيعود بهم الينا ...فهذا هو ( الفراق الوقتي )


فكيف (بالفراق الأبدي)


(الموت)


!! وكيف هو الشوق لمن نحب وقد سافر الا ديار لا نعلمها ؟

الرحله الاولى .. (ذهاب وأياب ) الى القلوب

والاخرى (ذهاب ) بلا أياب ..!!


بل اياب الى الذكريات الجميله ...

يا قبر أعز إنسان غالي رقد فيـك
خفف عليه من التـراب الثقيلـي



يا قبر ماني طيب عقـب راعيـك
اللي رعاني صـار عنـدك نزيلـي



أغليك أنا يا قبر من حب راعيـك
مرحوم يا راعي الوفـا والجميلـي



ياللي سكنت القبر صوتي يناديـك
موتك جرح قلبي وهديـت حيلـي



ما أنساك والله لين قبري يوازيـك
وأعلن من الدنيا العريضه رحيلـي



وأمـوت كـل مـا حـل طاريـك
كنت أفتكر عمرك معانـا طويلـي



يبكي عليك البيت من عرض أهاليك
لي دخلت البيـت دمعـي يسيلـي









~


الله يرحمك ياحسين

[خلاوي الشمالي]

موادعك خييره

الله يبارك فيش

ويشرفني متابعتش لي

[خلاوي الشمالي]

قايده الغزلان

يشرفني تواجدش بالقرب من الركن

[خلاوي الشمالي]

تدري وش اللي يذبحك وأنت عايش ؟
أنك تشوف أحـلام عمرك تـلاشى .!!

[خلاوي الشمالي]

أكذب عليك ان قلتلك اقدر انسـاك "
" وانا حياتي وش هي اصلا ً بدونك

حاولت لكن جد ..؟ . ياشين فرقاك "
" صعبه والاصعب دمعي اللي بعيونك

بقولك حاجه ولـو صعـب لقيـاك "
" طاحت على حدب الحنايا إطعونـك

بعيش للماضـي علشـان ذكـراك "
" وعن كيف حال الجرح يكفي شلونك

[خلاوي الشمالي]

ابسألك بالله للحيـن ماأشتقـت "
" انا ذبحني الشـوق الله وكيلـك

بقولك حاجه فرحت او بعد ضقت "
" ان رحت والا جيت ياحبني لـك

[خلاوي الشمالي]

عينك على الصده وعيني عليك انت "
" شف نظرة عيونك ونظرة عيونـي

[خلاوي الشمالي]

خلاص رحنا وانتهينا ولكـن "
" باقي لصوتك وسط قلبي مكانه