(( سجـل حـضورك ببيت قصـيدة أو حـكمة ))

[هتـــون]

حاولت اجامل كل شيٍّ .. بلياك
ـــــــــــــــ بس اكتشفت اني بلياك .. لا شي !

[كبرياء الحب]

الهوى سجن العشاشيق وانا لك سجين....وودي ان سجني مؤبد ولي حارس وقيد
عزتي لي من فراقك عسي ربي يعين...أدري انه في طريقي ولو وصلك مديد
صابر غصب ورا الخشم لو جرحي مكين...ودي افعل لكن الله يفعل ما يريد

[نيَـة فراق ..!]

مساءكم ابداع ينفرد به / بن فطيس ..



راح وترك في صدري [ وسوم واعلام ] !
وصى علي طيفه ! .. وقفَا بـ / قلبين ..


ليته تع ـذَر ، كان ماهو بـ [ منلام ] ..
بع ـد ما شاف الدرب بـ / يصير دربين !


اشوا عليه شوي من / عض الابهام ..
واشوا علي شوي من [ دمع ـة البين ] !


تمشي بنا الاقدام .. والموت قدام ..!
وميع ـادنا يا مفرَق اثنين ؟ بع ـدين ..


ياعين لا تبكين .. و[ عيونه ] تنام ..
عادك الا ما خاب ظنَي بـ / ترضين ..!

[وافي بن وافي]

مساء الخير والاحساس والطيبه

من يقول الحب مايقتل حبيب ؟؟؟ = الغلا من زود حبي له قتلته

[سنجآر]

اعلان للي ما بعد جرب الحب .. يترك طريق الحب قدر إستطاعه

[عويضه الوقدان]

مساء الخير

أخذ مع الهاجوس سجه وتفكيـــــر=واراجع اللي فات بيني وبينــي
واحسب ذنوبي وادور لتكفيــــــــر=عساي ما قصرت في والدينــي
وعساي ما قارنت من ينفخ الكيـــر=واللي يحمل المسك جعله قريني
ويطري علي يوم الحشر واطلب مجير=ما أعطى كتابي في شقيقة يميني
ويطري علي صدقان كثر الدنانير=اللي تعاديني إذا كثر دينـــــــي
وراعي الهروج اللي سواة المناشير=أصد عنه وأدري أنه يعنينــــــــي
الله حسيبه يوم عرض القواريـــــر=والله حسيبي من صواب مكينــــي
والا طرأ لي واحد كأنه صغــــــير=أما اصغر بيومين والا سنينــــــي
عرفت وش قومي وعينت تفســـير=للضيقة اللي من زمن تعترينــــي
حبه في صدري سالفة سر في بير=وكأن الفؤاد يقول هذا زبينــــــــي
اشفق على علم يجي منه من غيـر=ولا يسمع اللي سولفوبه ونينـــــي
يا كثرهم غيره ولكن خبر خـــــير=ما غير شوفه في الوجود يهنينــي
رأي كذا يا عاشقين الغناديــــــــــر=ماله على وجه البسيطة وزينــــي
العام اجيه من حساب المساييــــــر=واليوم حال عداه وينه ووينـــــــي
خطاي تعليق الأمل في المدابيـــــر=الين راح وشفت حقري بعينــــــي
صبراً جميل وخابر أنها مقاديـــــر=والله على تخفيف حزني عوينــــي
ذي حالتي لين تغبى الشمس و اصير=معطن سراحي عقب ما ني سجيني
والا امتلئ جوف الشجر بالعصافــير=طلبت من رب العباد يهدينـــــــــي
يعتقني المذن عقب ضيقة عصيـــــر=اللي على سجن الفراق تحدينــــــي

[هتـــون]

مرتاح في عالمك .. وأعيش جوّك ..
ــــــــــ .. نسيتني نفسي .. وهسترت فيني ..
شمسك / وبرّاقك / ورعدك / ونوّك ..
ـــــــ .. استوطنت .. روحي / وقلبي / وعيني ..
((غيرك يبي قدرك ..واقـول اْله توّك ..))
ــــــــ ((.. تبطي عظم ! .. مـاجيت بينه وبيني ..))

../

[شمآليه]

خطاي في توضيح وشهي غلاتك
وخطاك في توضيح وشهو تغليك
وشلون توصيني وتنسى وصاتك
وتصد عن صوتن تقطع يناديك

[جـراح]

اللي على حاله خطر من هل السوق= مفروض يمنع مايروح ايتسوّق

[M!Ss LeGeNd]

صبــــ ــــــــاح

::
ألا يـا مرحبـا بـك يــا غــرام ٍ مــا يـبـي بـرهـان
إلـى شـك المشكـك .. شـاف وسْــط العـيـن برهـانـي

وأنا اللي ما دريت إن ( الهوا ) و ( القلب ) ... ( ذيب ) و ( ضان )
إليـن الذيـب شـال الـضـان فــي بطـنـه .. و عـدّانـي

نعـم .. أهديتنـي قلـبـك سلـيـم .. وعنـدنـا منـصـان
وإذا تبغيـه .. خــذ قلـبـي مـعـه .. لـرضـاك مجّـانـي

أنـا وش لـي .. بقلـب ٍ مــا يـضـخ الــدم للشـريـان
عطيـب ٍ لا ذكـر طاريـك .. بــاح الـسـد .. وأشقـانـي
::
للشاعر :العـسر