بنات الغنادير ...

[ناثرة الورد]

لقيت أفكار حلوه وجديده << عاد بالافكار والحفلات ابدع ^_^
وحبيت أشاركم فيها يعني ممكن أحد يستفيد .. ويدعي لي دعوه صادقة بظهر الغيب..
أضفت فقره للحفل بعنوان (مشاعر خريجه )
هذي الفقره عباره عن طالبة تكون ماسكه الميكرفون وتمشي بين الطالبات الخريجات وتسألهم بشكل عشوائي عن مشاعرهم،، بيطلع مره حلو

فيه فكرة أنه الطالبة إذا كان لها أخت ممكن نخليها تفاجئ اختها بالحفل بهديه .. وبكلمه بسيطه سويت هذا الحركه بمناسبهـ كانت عندي السنه اللي فاتت تأثروا البنات بشكل رهيب .. واخترنا أكثر من بنت..
فيه فكره بعد .. إن الطالبات قبل نهاية الحفل ينشدون بشكل جماعي..
يعني مثلا نخلي طالبه من كل فصل تحفظ فصلها النشيده..
طبعا في نهاية الحفل قررت وضع فلاش وداعي أثناء مرور الطالبات على المديره وإستلامهم الهديه التذكاريه ..

ايضا هذه الفكرة التي وجدتها في احد المنتديات-تمثل رأي كاتبها-
قبلها باسبوع جهزي بطاقات للدعوة تكون بشكل حلو وعليها صور بنات بقبعات التخرج او شكل البطاقة على هيئة كتاب وتكون البطاقة صغيرة او متوسطة الحجم وتكتبين بداخلها عبارات جميله عن التخرج او اقوال الرسول صلى الله عليه وسلم عن العلم او احاديث تحث على العلم .. وطبعا تكتبين اليوم والمكان ...

وطرتلي فكـرهـ حلوهـ اكتبي علي البالونات اسماء البنات مرهـ صارتلي مناسبهـ ودخلت لقيت اسمي مكتوب علي البالونات حدهـ استانست وكانت فكرهـ حلوهـ

واذا عددكم مو كبير حيل تقديرين تحطين صور البنات علي بروجكت وتصفين شخصيهـ كل بنت بدقيتين تقريبا ..

وحركه حيل احبها اذا جاء التكريم حاولوا تتكلمون عن البنت اللي بتتكرم وتكون الصالهـ ظلمهـ والاضاءهـ علي البنت اللي بتطلع بس

واممممم في افكار بعد بس جني كثرتها ^.^

[الغروب]

افكار روعه

تسلمين يالغالية

بجد حلووة

[ِِِAL 3ajmiah]

ناثرة الورد ..

يعطييييك العافية ع الأفكــآر بناقشها إن شاء الله مع البنات .. بس ترى الحفل مو رسمي احنا يالبنات

مسوينه .. فكرة إنا نسوي فقرات كنت مفكرة فيها أفضل من أنه يكون الحفــل

هادي وعادي .. وإذا باقي أفكـــآر أعطينا الله يعافيك .. من الحين بديت أشتغل وأدوّر ..الله يسهلها ياارب ~

[البندري القحطاني]

المشاركة الأصلية كتبت بواسطة ناثرة الورد

{ البنـدري }

شرايج فيني قوويهـ خربت النظام انا ^_^

عادي ياقلبي كل يوم ريوقات وقهوهـ وحركتات حياكم معانا

هههههههه الله يهديــج كسرتي ابو النظاآآم ؟؟

مآآش يختي احسه غلط << مستحيه تقول انه غلط

الله يحيج و يبـــــجيـــج .. بس اذا جيتكم بشتغل مابي اكل

جايه اداوم مو آكل


الحين حق العجميه ..

أقوول دام حفلة و بنات بالجآآمعه و فله

حطي دي جي و خليها حفله تنكريه راح تكوون مميزة و

أحلى وغيــر عن الحفـلات الروتينيه الي متعودين عليها ..

وإذا فيه بروجكتر و سوالف عرض ..

خلي الأضواء خافته بالحفلة .. وحطي الكرستاله (( طبعا جم وحده لانه حق قاعه ))

الملووونه الجو راح يصير موصج

ومآآراح تنسي

[عــهــد]

كونجراتشي ليشنز العجميه

عقبال الماجستير والدكتوراه يارب

تبين نصيحتي خلي العالم يحتفلون بك انتي لاتعملي شي ارتاحي

[ِِِAL 3ajmiah]

البندري القحطاني

البروجكتر أتمنى أسويه .. ودي أحط صور الجامعه وجلستنا

وأحط عليها نشيد ولا قصيدة .. بس المشكلة إن البنات صعب يتفقون على راي ..

أغلبيتهم يبون يجيبون فرقة طقاقات .. وأنا والبقية معارضين بس ما أحب أمشّي رايي على أحد ..

استريو يكفي نشغله شوي .. وشوي نسوي فقرات وعرض بروجكتر .. إن جابوا طقاقات مراح نفضى

لبعض ولا يمدينا حتى نسولف أو نحس بالحفل .. ماغير يتلبسنا ابليس ورقص لين آخر الليل ..

هذا احتفال فرح ماودي نحط منكرات أخاف تجيبنا عقوبة ومانتوظف .. أستغفر الله ^^

يعطيييييك العاااافية يالغلا .. وإن شاء الله عقبال مانفرح فيك متخرجة ومتوظفه ~

[ِِِAL 3ajmiah]

المشاركة الأصلية كتبت بواسطة عــهــد

كونجراتشي ليشنز العجميه

عقبال الماجستير والدكتوراه يارب

تبين نصيحتي خلي العالم يحتفلون بك انتي لاتعملي شي ارتاحي

آآآآآمين ياارب .. من بؤك تصعد للسما .. وعقباالك نفرح فيك .. وأبد حفلتك عليّ

بس إن شاء الله تجيني الوظيفة اللي تسر وابشروا بسعدكم ~

الله يسلمك .. ليتك أختي .. تخيلي أوريهم أفكار البنات اللي هنا يقالي بناقشها معهم ..

وأنوااع التطنيش .. أهددهم دايم إني مااعزمهم <<

[الغروب]

ِِِAL 3ajmiah

الف الف الف مبروك يالغالية

ومن رأيي لاتتكلفون مره لان فرحتكم انتم بهالمناسبة هي اعظم شي وحرام يخفيه أي شئ

ماعليه بكل اللي قلتيه بس اهم شئ جمعتكم لا يطغى عليها شئ

والله الله بالبوفيه السنع

[ِِِAL 3ajmiah]

المشاركة الأصلية كتبت بواسطة الغروب

ِِِAL 3ajmiah

الف الف الف مبروك يالغالية

ومن رأيي لاتتكلفون مره لان فرحتكم انتم بهالمناسبة هي اعظم شي وحرام يخفيه أي شئ

ماعليه بكل اللي قلتيه بس اهم شئ جمعتكم لا يطغى عليها شئ

والله الله بالبوفيه السنع

الله يبارك فيك .. وعقبالك ياقلبي ..

أكيد .. نعلن فرحتنا من دون مبالغات .. وإن شاء الله تتم الحفلة من دون منغصات

أما عاد البوفيه .. ولايهمك .. بنحط حرتنا فيه . بس انه مب عليّ .. لأننا قسمنا المهام ~

تسلمون .. الله يسعدكم ويبيض وجيهكم .. والله فرحتي ماتوصف بردودكم وحماسكم معي ~

[القرناسة]

امبييه بندووره الظاهر انتي اختي التوأم لووووول

طاري علي اكتب لها دي جي وتنكري خخخخخخخخخ


حلو الدعوه تكون تنكري على كل الحضور وماله داعي طقاقه شدعووه

ومثل ماقالت اختي التوأم بندوره حلاته يكون غير تقليدي وتستغلون جمعتكم بالفرفشه

في العاب حلوه [ التقليد - بدون كلام - لعبة الصراحه وووو.. الخ الخ ]