هنـا ...> مـوادعك خيـره ..!

[موادعك خيره..!]

.

.

.



اشعر اني ذبت .. من كثـر الهيـام
والملاقى برد .. واشواق .. وعرق

اتنـاقـض فالمحـبـه والـغـرام
وارتجف في نـار بعـدك واحتـرق

ابتدع صمتـي وانـا عنـدي كـلام
يـوم مفتـاح المعاليـق انسـرق

جيت اعبر عن شعـوري والسـلام
جيت لك صاخب على (مركب ورق )





.

.

.

[موادعك خيره..!]

.

.

.



فمان الله ياحـبٍ تمركـز فالضلـوع العـوج
فمـان الله ياوجـهٍ عرفنـي حـزة الحـاجـه ..!

أنا ماني بلا ,,غاوي ولا ,,ضايع ولا ,,مرجوج
أنا لو أجرحه جـرحٍ صعيـب ياجـد علاجـه ..!

على وضح النقا بسج رجلي والدروب فجـوج
وأنا أدري يوم قفيت أصبحت هامتـك منعاجـه ..!

تحملت الصبر وأودعت سرك بالضميـر دروج
وأقفلهـا بمفتـاحٍ صعيـبٍ فتـحـة زلاجــه ..!

أنا ياما سهرت الليل صاحي والعبـاد سجـوج
الا ياليت لي نفـسٍ مـع ذا النـاس سجاجـه ..!

الا يابو الثمان الوضـح بيـضٍ كنهـن ثلـوج
متى تحكم على قلـبٍ سجيـنٍ يبغـي فراجـه ..!

ترا حبك وسط صدري مشيـد ياغـلاه بـروج
الا منـه فقـد زولـك يهـدم غالـي أبراجـه ..!

تدور !زبدة المنتـوج هـذي زبـدة المنتـوج..!
تكلم في قفـاي وفيـك أنـا ماطعـت هراجـه ..!

فمـان الله ياحـب تمركـز بالضلـوع العـوج
فمـان الله ياوجـهٍ عرفنـي حـزة الحـاجـه ..!



.

.

.

[موادعك خيره..!]

البارحه من واد . فـي واد . فـي واد
لله در الـحـب.. والله حسـيـبـه

بين الخيال و واقعي.. شـدّ وعنـاد
مابين صدق.. وبيـن شـكِ وريبـه

عقب البطا جاني يقـول الغـلا زاد
اثره صحيح الحب الاول مصيبـه!!

معقول ياجمل حلم بالعمـر تنعـاد
؟!!عندي سؤال.. و لازم انـك تجيبـه

أستحلفك بالله.. راجع لي ضمـاد؟!
يا راعي الجرح الاخيـر وطبيبـه؟؟

او جازلك جرحي؟! وناويلك جداد
لا تلومني!! ..جيّتك هـذي غريبـه

!!قال انت ناسي إن حظك ليا جاد
؟مهمـا تمنـى شـي حظـك يجيبـه

قلت العفـو .. والعـز بالله ليـا راد
والعبـد بأمـر الله نصيبـه يصيبـه

[موادعك خيره..!]

.

.

.


العيشه بلياك ماهي بعيشه••••
••••لو قلت أنا في خير وسهود ومهود

الياس طوقني بخيله وجيشه••••
••••وأنا برجليني عن آمالي قيود

صوت الهوى إسمع عند بابي وشيشه••••
••••كنت أحسبنك جيت ياأعز مفقود

وأثر من يجاري جنونه وطيشه••••
••••ترسمله ظروفه عن الواقع حدود

قلبي موفرلك ظروف المعيشه••••
••••إرتاح فيه عقود وعقود وعقود

شعري على راسه من العام ريشه••••
••••يوم إني أكتب فيك يالين العود

إما إفتح لنور المواصل دريشه••••
••••وإستنشق حضوري مع هبة النود

ولا ترى كل الليالي وحيشه••••
••••وأيامها فيها من عيونك بنود

أعلمك وش أصعب إحساس أعيشه••••
••••إني أحس بغيبتك وأنت موجود

[موادعك خيره..!]

.


.


.




إستمتعت بسماعها فـ إستمتعـوا ..!



http://www.5ymah.net/inf/voices-action-show-id-3266.htm

[شيخة الغلا]

{موادعك خيره } .. متنفس اكثر من رائع وعجبني بعد توقيعك تقبلي اعجابي ومتابعتي

[موادعك خيره..!]

شيخة الغلا


مرورك هو الرائع ..


لاهنتـي

[موادعك خيره..!]

يالي تبي .. من جور وقتي .. ! ملخص
وقفت [ شاره ] للحياه .. ورمتني .. !

[موادعك خيره..!]

.

.

طوّل وقوفك .. وانا صبري وصل حدّه
الله مخيّرك .. بين الوصل والفرقا !

تراي صابر على هالحال , من مدّه
ما ابغى اتسبب بـ.. شوف الدمعه الزرقاء

قبل آصل القمه الوقت انكشف سدّه
وعجزت لا آرجع وراي ولا قدرت آرقا

وان قالوا الناس / جت له مثل ما ودّه
قلت ايه , ليت البحر يدري عن الغرقا


.

.

[موادعك خيره..!]

.....
....
...
..
.


صحيح .. أحبك .. بس ( بيني و بيني )
ودي أصارح ، بس مافيّ [ حيله ]


انا متعود ، من .. ( تجارب سنيني )
اللي أحبه ..! لازم .. أخلي سبيله


لو أربط أحلامي بـ ( أصابع يديني )
يمكن .. يطيح [ الكف ] بـ أهون وسيله