(( سجـل حـضورك ببيت قصـيدة أو حـكمة ))

[شيخة الغلا]

فمان الله ياقلبي مـع انـك جـرح مـا يبـرى
كتب ربي عليّ اعيش من دونك .. وانا ما اعيش

[بطاح]

مسائكم احلى من الــورد

,, الجادل ,, اللي لفتته ورد وشموع=يا حيف [ قلبي ] اللي احترق في لهبها
يمد لي حبلٍ , من الود // مقطوع //=غير السلام وبسمته ما عقبها
يا قلــَب .. يا قلــَب الخطا دونك ضلوع=يا شين قل لي راحتي هو نهبها ..!؟

.

[تــاج راس الــعــز]

مساء الخير ....

لعلمك كل ماتكبر غلاك بداخلي يكبر
واشوفك داخل اعماقي بوسط القلب واعماقه


انا لا من تذكرتك يضيق الصدر واتعذر
واقلب دفتر ايامي وابعثر كل اوراقه


قهر ياقلب لا تشكي ولا تحزن ولا تسهر
سنين البعد تلعب بك ونار الشوق حراقه

[على دروب الغانمين]

تعبت ادور من احطه بقلبي = كل ما عشقت انسان خان وتركني
وفيت لكثر احبابي وخانوني =ووفاهم اللي في غيابي طعني
بديت احس ان الغدر والخيانه=هي الوفا والصدق !! للي خذلني
ياماهقيت وهقتني ظنوني =وتعبت اظن وفي البشر خاب ظني
تكفون ياهل الطيب واهل الكرامه =رفعت صوتي بس محد(ن) سمعني
ياوين ابلقى لي رفيق(ن) سنافي=يغليني وانا بعد اغليه ماهو تجني
اعاهده عهد الوفا مااخونه=وآخذ صدوق العهد منه ومني
وانا اعتقد مافيه ناسٍ وفيه = من كثر من جربت ...والي خذلوني

اعذروني هذا ابيات منقوله والوفا والصدوق موجود في الجميع

[على دروب الغانمين]

اقرا قصيده في غيابـه واناديـه=ماكنه اللي هجرني واخلف الهقوه

[على دروب الغانمين]

من يبي له قلب وافي =مايخون اللي يحبه
ومن يبي له سر خافي=يحفظه في وسط قلبه
كنت احبه حب صافي=حب صافي دون سبه
وكنت ارسمه بحر ضافي=ايلمني دون غبه
كنت احسبه لي مرافي=عن العواصف وقبه
وكنت ارسمه لي قوافي = ولجروحي علاجه وطبه
واحلم به وانا غافي =وينبني طيفه وانبه
واقول في نفسي خوافي=بجيه مع اهلي واخطبه
ولاغاب ياالضيقه ياكافي =والنار اشعلها واشبه
كنت احسب الدنيا عوافي= وارسمه نجمه واحبه
واليوم وينه راح ياشافي =ادوره ابغي اخطبه

[على دروب الغانمين]

حبيتهـم حـب الشـرف واتركـونـي
ولانويـت الهجـر وانـشـد بـريـده
ارسلت لـه (عـذري ) ولا راسلونـي
واصبح كمـا غيـم(ن) بروقـه بعيـده
اشـوف برقـه لاح حولـي ودونــي
وامطر على غيري وانـا اللـي اريـده

[خالد وبس]

الجو مشحون بـ غثا .. وانتخابات
وكلٍ يبي الترشيح .. ويدوّر الصوت

:

هذا يقول انه كفو .. فـ المهمات
ومن دون ربعه مستعد انه .. يموت

:

وهو سبب كل القهر .. والمعاناة
يسرق .. ويآكل مثل ما يآكل الحوت

:

ما عنده الا البلبله .. والشعارات
افكار حشاش .. وطموحات سربوت ..!

[هتـــون]

الوفا عهدي معك والا الجفا مهدوم ساسه
ـــــــــــــــــــــــــ والحياة ارزاق وانته فرصة القلب اليتيمه


لو تضيع يضيع عالم باكمله وتموت ناسه
ـــــــــــــــــــــــ وانطوي في ذكرياتك طي الاوراق القديمه

[][ .. خــجــل .. ][]

الوقت عودني على نشفة الريق
دايم يعرضني لهآيب .. سمومه

ماهي غريبه لا غزى صدري الضيق
الا الغريبه لا تنحت همومه

نكتم ونكبت فالصدور المغاليق
والوقت ياليته يخفف هجومه

صدرونا للهم مثل الصناديق
يوم ان بعض الناس بيح علومه

/
/