تفَآصِيْـل [ ـي ] ..!

[نيَـة فراق ..!]

.
.

عز الله اني يوم حبّيت حبّيت = ما كنت احسب الحب هذي علومه !
ضحّيت ، واخلصت ، وعطيت ، وتفانيت = لو ان نفسي من عطاي محرومه
الظاهر انّي طحت وانا ما سمّيت = ولا اظن لي من بعد ما طحت [ قومه ] :(
ما جت لي الدنيا على ما تمنّيت = حلمت ! ، والاحلام [ شبه معدومه ]
عجزت وانا اللي الى قلت ؟ سوّيت = حظّي فتر حيله ، وبردت عزومه
ياما قطعت من الدروب وتعنّيت = وسريت ليلٍ ما تشعشع نجومه
وكم ليلةٍ روحي على كف عفريت = واقول : [ ما احدٍ ميّتٍ قبل يومه ]
ما تحت رجليني ياكود الديناميت = آطا الخطر كنّي معارض حكومه
وقفت في وجه الظروف وتصدّيت = وقفة شجاعٍ راس ماله سلومه !
وش عاد اخذت من المحبّه وخلّيت ؟ = حبٍ مضا وقته وبقيت رسومه
عليه أجر مع الونين ، التناهيت = لا أخذت لي في جوّه الرحب حومه !
ذكراه ؟ حولي كل ما اصبحت وامسيت :( = رحل ، والاصعب من رحيله ؟ [ قدومه ] !

[نيَـة فراق ..!]

تع ـبت

....... أشتآق !

...

[نيَـة فراق ..!]

سامح الله زماني ليه جار وخذاك ؟ = و[ آآآه يا قو قلبك ليه خلّيتني ] ؟! :(
صاح من نار بعدك خافقٍ ما نساك = وصحت بـ / افزع لـ [ صوته ] بس ، ما اوحيتني !
عقب ما فاض قلبي بـ / الغلا ، وامتلاك ؟ = في شقا ساحة الاحزان صبّيتني !
ليتني قبل أعرفك ما ابتليت بـ / هواك = بس ما عاد تنفع [ ليتك ، وليتني ] :(
هاك دمعي ، وجرحي وهاك حزني ، وهاك = قطعةٍ من غلاتك ردّها ان جيتني
غلطتي في حياتي يوم [ أبيّن غلاك ] ! = وغلطتك في حياتك يوم خلّيتني :(

[نيَـة فراق ..!]

لو حلمك [ ألعاب ، ومخدّه من الريش ] ؟ = تمسّكي به زين ، لا تفلتينه
من عاش ماله حلم ، وش هو له يعيش ؟ = [ ميّت لو ان له قلب ، وتشوف عينه ] !

[نيَـة فراق ..!]

لا احدٍ يحاكيني ترى الخاطر [ أقصاه ] = والدمع يا قلب العنا ما يطيبك !
حتى لو ابكي ، وش ورا دمعي وماه ؟ = ويلي على ادري ويش قلبي يبي بك ؟!
تطري علي ، والقلب ماجاه [ كفّاه ] = غايب ، ولكن غيبتك ، ما تغيبك !
خذيت تلفوني القديم اتقراه = الين فاحت شاشته [ ريح طيبك ] !
رقمك ، مسجاتك ، وصوتك ، وطرياه = كن الطيوف قبال عيني تجيبك !
لابوك يا التلفون ما تسمع الـ / [ الآه ] = في ذمّتي انّك صدق ضيّعتني بك !
متعومس الخاطر ، وياقلب ويلاه = ما قد ذبحني الا [ سكوتك ، وطيبك ] :(
والا انت يا لاهي ، ولا ادري وش ألهاه ؟! = طف بـ / وصالك ما بقا من لهيبك !
ياحبّك لـ / قطع المواصيل حبّاه ! = قطعت قلبي منك ، لاقطع صيبك
وسوّيت في اللي سواتك ما سوّاه = وأتحمّلك ، مهما جرى وارتضي بك !
يا ذابحي ياصبر ذالقلب صبراه ! = ذبحته بـ / كفّك ، وهو ملتجي بك !
بـ / تروح ؟ روح ، ودربك الله يرعاه = لو ابغا اجيبك ؟ اعرف شلون اجيبك !
در في ثرى الدنيا و [ مثلي ] ما تلقاه = تبطي عظم ما شفت زولٍ يذيبك
حظ الهوى اللي تعيش به بس حظّاه = لانه الوحيد اللي قدر [ يختلي بك ] !
أدرى عليك من الهوى ، واتحاشاه = وأروف بك ، واهيم بك ، واعتني بك
لانك سحاوي ، والسحا ؟ يكسر جباه = وشلون ما تبغي الهوى يستحي بك ؟!
عيبي ؟ [ أحبّك لو غرامك معاناه ] ! = وانت الغياب اللي بلا عذر / عيبك !
اضيق من جفواك ، واجرّها آآه = أخاف من غدر الزمان [ يغدي بك ] !
لو انك تدري خاطري عقبك شـ / جاه ؟ = يمكن تنوح اللّيل ، وتطر جيبك !
أشره على الحب اللي اعطيتك اياه = ملعون حظٍ حط حبي [ نصيبك ] !
همّلتني بين الامل ، والمحاتاه = مدري عدوّك صرت والا حبيبك ؟!

[نيَـة فراق ..!]

Exit


صوتك :

.. محطات ،
.... وسواليف ،
.......... وعلوم ،


دايم

يجيب الع ـيد فيني

بـ / أحبّك !

[ناثرة الورد]

{{ عقـد منثـور }}

,
,

متصفح رآقي
مقتطفات عذبـه .. ابيات تحمل الكثير من الروع ــه

آآبداع غير مستغرب منكـِ
دمتـي بهذا الرقي

تقديري ..,

[نيَـة فراق ..!]

المشاركة الأصلية كتبت بواسطة ناثرة الورد

{{ عقـد منثـور }}

,
,

متصفح رآقي
مقتطفات عذبـه .. ابيات تحمل الكثير من الروع ــه

آآبداع غير مستغرب منكـِ
دمتـي بهذا الرقي

تقديري ..,

ناثره غلطانه

الباب اللي جنبي الله لا يهينك

[قضى ليل الهوى طلابه]

نيّه

لله در ذائقتس


متابعه

[ريمية سبيع]