(( سجـل حـضورك ببيت قصـيدة أو حـكمة ))

[شيخة الغلا]

الجنون احيان يشبه .. هالمطر !
باإنسكابه .. لاانهمر .. ثورة جنون

حط نقطة . ابدأ من اول سطر
الجنون احيان .. يشبهني .. مزون

عند هذي أنتبه ! يعني خطر
لملم .. أشيائك .. وأشلائك تكون

شاعر هام و عشق / حب ونطر
كان أغبي ياعزيزي ..... مايكون

بس لحظه ! ليه خلاّهـ ......المطر
يرتكب مثلي أنا .... " ثورة جنون "

[الرسام]

حكمتي فالحياه


اذا اتتك الفرصه من العنز احلبها

[الـحـلـو]

^
ههههههههههههههههههههههههههههههههههههههههههههههههه








++ تسجيل دخول ++


تدري وش اللي يتلف الروووح و الحال ؟؟
(شرب الزقاير) و (الهوى) و (التمـني)

[قوت]

::
::

صدورٍ ما تبوح الاّ الونين بفقدها الغالين
وعينٍ ما تشوف الاّ هواها اللي معذبها


ليالٍ عذبتني بالفراق و ضحكة الـسالين
على دمع العيون وحسبةٍ من وين احسبّها


اسامر كل ليله فالسما يا عاذلي نجمين
هنيك يالنجوم الدالهـه عن من يراقبها


واقول الله يعدل مايل الدنيا على الحيين
يحل المشكله ومسامحتكم يا سبايبها


واقول اثر الغرام الشين ما يرحم وله حدين
يصيب العين لين تهل من فرقا حبايبهـا


بعد حلو السنين وعذبة الايام صرنا وين ؟
نراجع ذكريات الماضي الحلوه ونكتبهـا


تعال اكتب شعر والاّ تعال اقره مع الغاوين
تعال و شتت افكاري على كيفك ورتبها


نعم لك حق لكن حقي الغيره من الباقين
أخاف يحل غيري في مداراتي وينهبهـا

على غصن الحمامة خايفه ياقع غراب البين
ولا ذم السنين السود غير اللي مجربهـا

عسى عقب القسى والضيق ياهجر الزمان تلين
وعسى عيني توالف نومها من عقب حاربها

بـ إحساس / نوره العجمي

[حـــوران]

يصدّني ويقول : ( وينـك عنّـي ؟!! )=وأجآوب : ( إسم الله عليك أمّآ أنته !! )

للشيخ مدحت

[قوت]

/

أقطع الصمت لا يجرحني الصمت
صرت أخافه وأنا ما كنت أخافه


شف على كبر جرحك ما تعلمت
لين طالت على الحـب المسافه


وضـّح اللي بقلبك , لو تكرمت
عطر لـيل اللقا ,, كله صـلافه


أحتريتك على الموعد وما نمت
وراح ليلي بدونك يـا حسافه


وش تركته عشانك وش تغانمت
وأنت مرتاح , ما فيها كـلافه


تحسب إني على الفرقا تولـّمت
منهو اللي لمس جرحي وشافه ؟


كاني أخطيت يوم إني تبسـّمت
يكفي الحـب كلمات , إعترافه


وكان عيـّا الكـلام .. ولا تكلمـّت
ابتسم لي , ومن باب اللطافه

[شيخة الغلا]

مـدام إن | المـطـر | مـا يـعـشـق الا أبـعـد الـوديـان
بـشـيــل الـقـحـط ’ للـمـنـفـى , عـلـى الله تـنـبـت أعـشـابـي
وبـرسـم بـاكـر فـ / كـراسـتـي وأبعـثـر الالـوان
وبـفـتـح كـل شـبـابـيـك الـنهـار وألـمـح < غـيـابـي >
لـو إنـي قـلـت للـمـنـفـى ..
أنـا يـا هـ / الـوطـن بـردان
أكـيـد أنـه يـدفـيـنـي .. بـعـد ما يـحـرق أعـصـابـي ..!

[قوت]

على باب الرجا كنت انتظر رحمة مراسيله
الين الله رحمني من قساه و موّت اعصابي !

[مواطن عادي]

اشتااااااااااااااق واشواقي محابيس الاوراق=واكتم عباااااااير لهفتي لك واخبي

[مواطن عادي]

يطري عليّه من الدنيا مية طـاري=والنفس عن ما تريد اعمي بصايرها
دنيا الشقا ماتريح والفلـك جـاري=والناس خلاقها يعـرف سرايرهـا