تفَآصِيْـل [ ـي ] ..!

[نيَـة فراق ..!]

أهتوي [ طاري هله ] من حبّي لـ / طاريّه = والدروب اللي تجنّبهم ماهي بـ / دروبي !

[نيَـة فراق ..!]

أحيان محتاج امتّع بـ / الغياب النظر = يمكن يسلّي عيونٍ [ غابوا احبابها ] !
الله يا ذا الغياب المر كم يختصر : = في داخلي [ ذكريات أموت وأحيا بها ] !
تهزّني ذكرياتي ، واتساقط شعر = وقوافل الحزن تاقف بي على بابها !
واللّيل ؟ [ طفلٍ تربّى في عيون السهر ] = لاجله عيون السهارى / حثّت ركابها

[نيَـة فراق ..!]

.

.

حقّك علي اعيشك [ احلام واوهام ] = يا اللي من اوّل في حياتي [ حقيقه ] !
نمشي على كف القدر طول الايام = وافراحنا ، واحزاننا في دقيقه !
على الورق وسطوره تنوح الاقلام = صبرت لين الصبر ما عاد اطيقه !
عروق قلبي سجلّت ضمن [ الايتام ] = والكون يا وسعه ، وعندي يا ضيقه :(
الى ذكرت العام ، واللي ورى العام ؟ = تشب في داخل خفوقي حريقه :(
الله يجازي من زرع بيننا ألغام = خلّا المفارق صح واسهل طريقه !

.

.

[نيَـة فراق ..!]

له

اناظر ، وتناظرني ، ونظرات العيون تمون = لا قمت أسألك بعيوني ، وبعيونك تجاوبني
أحبك كثر ما قلبي يدق ، وخاطري مشحون = وأحبك كثر ما طيفك على طاريك يجذبني
وأحبك كثر ما شابت من لحون الغرام لحون = وأحبك كثر ما تقراني عيونك وتكتبني
رميت بفلسفة عشقك على سقراط وافلاطون = ولا فكّوا رموزٍ في غرامك بيتها مبني !
تغيب ، ويمتلي صدري من الشوق ويضيق الكون = تقول إنّك مع غيابك عن الدنيا مغيّبني !
اخذني معك يا سيد الحبايب لا تقول : شلون ؟ = على كف المحبّه ودّني في قلبك وجبني
لا تتركني تحت رجوى وصالك والجفا ملعون = عقوبه ! مالي ومال العقوبه لا تعاقبني !

[نيَـة فراق ..!]

خذينا من دلال الغلا الذاعره فنجال = قنادٍ ليا أضمرنا ، المواصل يقنّدنا
وذا اليوم حبك طاريٍ ما وراه آمال = وماضي بلا حاضر وذكراً تعود بنا !
على صفحةٍ مطويّه وموعدٍ لازال = ياكم نوعد ننسى ، ولا جاء في موعدنا !
يقولون : من له حيلةٍ في الهوى يحتال = وأنا أقول : صك الباب ، وش عاد في يدنا ؟!
لنا الله يا حبٍ بقت جثّته [ تمثال ] = جسور الهجر تُبنا ، ولا الحين ما تبنا !
بكت جارة الوادي على ساعة الترحال = وغبنا ، ومجروح الهوى ميتٍ غبنا !

[نيَـة فراق ..!]

.
.

على قلبك وردت مغير واللي فـ / الضلوع مغير = عزاويه الغلا والشوق والقلب وتنهاته !
دقايق قبل لا تاخذ قرارك ؟ [ عاود التفكير ] = وقول : شلون اخلّيه لـ / جروحه ، ولـ / معاناته ؟!
حبيبي ، والعمر لحظة وفا وأيّامنا التقدير = تغانمها وعوّض قلبي اللي فـ / العمر ، فاته
حبيبي والعمر بسمة غلا يبقى لها تعبير = في وجه ايّامنا لا شح غيرك فـ / ابتساماته !

.
.

[نيَـة فراق ..!]

Exit


ما بغ ـيت اتغ ـيّر .. !

بس جاني :


من علوم الهوى :

[ قهر ، وغبينه ] .. !

[نيَـة فراق ..!]

Enter


أصد عنك ،،

ومن سألني ؟ قلت :

[ أبيك ] .. !


عزّي لـ / قلبٍ ما عرف

وش نيّتك .. !

[نيَـة فراق ..!]

.
.

أقول : طيّب وأنا [ راوي تعب ومغبون ] ! = ما عقب حلو السنين الا / مرار الأذى !
أحس كنّي بلا / قلب ، ولسان ، وعيون = وأسوق عمري على درب الليالي [ كذا ] !
تعبت من [ رجوة آمالي ، وحسن الظنون ] = وعلوم دارت رحاها بين هذا ، وذا
والشعره اللي بقت بين العقل والجنون ؟ = خلّيتها في [ كفوف اللي عطيت وخذا ] !

.
.

[نيَـة فراق ..!]

سولف وناظر ، وابتسم لا يهمّك = لو شالت ظروف الليالي وحطّت
تدري متى بـ / تضيق ؟ ويفور دمّك ؟ = بكره ليا قالوا : [ تراها تغطّت ] !