مساجله شعريه .......

[طويل البال]

انت " وجه الخير " بالدنيا علـي
ياحبيب ٍ مختصر ربـع وقرايـب
فيك أشوف الناس ياريحة هلـي
وطابت جروح ٍ قبل عُرفِك عطايب

.

.

[][ .. خــجــل .. ][]

بمَسح دموُعيّ .. وَ آذكرّ الله، وآصليْ،
والله مابه شخصْ ، يسوَى دموُعيّ !
والليّ نكرنيّ وَ رآح : خِله يولي،
ما طاحَ مِنْ صدَريّ .. آخف لـ " ضلوُعيّ "

[مواطن عادي]

ياعين لا تبكيـن خلـن فقدتيـه
تصبري وارجي مـن الله يجيبـه
مدام هو حي مع النـاس شفتيـه
لو طالت الغيبهـلزوم التقـي بـه
قلبي من الفرقى تزايـد بلاويـه
وعهد على ما انسى غرامه وطيبه

[][ .. خــجــل .. ][]

هيهات ينسى .. القلب شخص ٍ لعبّه
و هيهات يدله .. خاطري منك هيهات

لا تحسب إن دمعي .. نزل دون سبّه
أبكي من الفرقا .. و هي ما بعد جات

[مواطن عادي]

تعال فاحت دلة الشوق بالهيل


ما غير أنا وهموم قلبي معازيم

[][ .. خــجــل .. ][]

متى صار العتب بين القلوب .. اعلان حالة حرب
ومتى عشنا كذا .. وادنات شي يسـد فاقتنـا ؟!

[شيخة الغلا]

الله يبيٌض وجه سود الليالي ..

والله يسوٌد وجه هقواتي البيض !!

[مواطن عادي]

تعبت وانا ادور حرف (الضاد).........مالقيت الا,,,هذا البيت:

ضاقت الدنيا على القلب الجريح=والجروح طعون وآآآآآآآآآآهااااااات وقهر

[شيخة الغلا]

أصلا حلاتها كذا ،،ندور الحرف الصعب



رجالاً تربط حزام القبيلة وتنفلت شجعان
وأخوي يربط رجال القبيلة حزام هقواته


كريم(ن) ماهو من يبني فعايل صيته بديوان
في صدره دلته وهيله وفناجيله وتمراته

[مواطن عادي]

(هذولا )رجاجيل الوفا من يام وال مره والعجمان=رجالهم كنه قبيله في اللقا ياطيب فزعاته
هذولا ربعي الوافيين هذولا ربعي الفرسان=فعايلهم فخر تاريخ مجد(ن) هم بطولاته
هم مكرمين الجار والعاني لمن لفو ضيفان=وعلى العدوان شر(ن) كم تشتت في متاهاته
هل الطولات والوقفات والفزعات والايمان=تاريخهم فخر الجزيره والعرب تكتب مقالاته