(( سجـل حـضورك ببيت قصـيدة أو حـكمة ))

[أميرة الإحساس]

حتى انت ياموج ماتقدر على همي ...... اعطيك همي وترمي به على الشاطي

[شيخة الغلا]

يطري عليه الوله وأطري على باله = يا مرحبا لا ضوى خلي .. على بابي
هجيّت حدب الضلوع .. ونوّخ جماله = لاجله بكت دمعتي .. ولأجله ضحك نابي
كل ما ضحك لي لمحت النور فـ أماله = ولا تجهم .. سترت السقم .. بثيابي
كل ما شكى من عنا همه وغرباله = أقول لاعل به جرح من أسبابي
طال الحكي .. ما لقيت الوصل فـ وصاله = لا ني حبيبه ولا هو أقرب أصحابي
ناديت .. دامك حزين وحالتي حاله = يكفيك همك .. وأنا باصبر على مابي
لو الشجر له نصيب فـ بارد ظلاله = ما حرّق القيظ جفني وأنت باهدابي

~*¤ô§ô¤*~( بدر بن عبد المحسن )~*¤ô§ô¤*~

[عـسـاه خـيـر]

مساء الخير

والله اني مافقدتك وقلبي ماهزه ررحيلك = دام كل خافي تكشف وكل مستور ظهر !

[غـشـام]

مساء هذا ---> ..

لا صرت في LONDON / وجوّك مثلّج = قلبي معك / شوفه ؛؛ وتدفى على الشوق

[][ .. خــجــل .. ][]

تسجيل خروج ..,,



سراب وضاعت سنيني / معك / يا حلمي المغرور
سبقت خطاي لك وارخصت عمري والعمر جاري
تعبت استعجلك نور وظلامي مالقـى بـك نـور
واحثّ القلب لك والقلب / بـالخافي عليّ / داري
انا المجبور بك لو كنت حرّ ومانـي بـمجبـور
ولا ادري ليه اولّع / نرجسيّة ذاتك / بـنـاري !
ضياعي / يا ضياعي والتفتّ وخاطري مكسـور
على ماضاع منّـي وانـت لا بايـع ولا شـاري

[فـارس]

السلام عليكم

ياللي خذيت القلب من عند مغليك=أباسألك قلي وش اللي عطيته
شخصآ يحبك حب مخلص وشاريك=ولا فيه دربن يزعلك قد مشيته
الله هو اللي بدت الناس معطيك=هو عاد به شيئآ بقى ماخذيته
فن الجمال ومذهبه لائقآ فيك=سبحان ربآ جملك ماعصيته

فـــارس

[عبدالهادي ال كحله]

مسا

خذك الغرور ..وكنك ما أنته بمهتم=ولا ترى حالك تبين أحروقه
ياللي تدس السم أحذر من السم=يقتلك من ريحه ولو ماتذوقه
ياكم عنيتك أنت ياكم ...!! ياكم=ونفسي مازلت بالهقاوي صدوقه
ماعاد به لبيه ولاعاد به ..تم=لاسارت تاليت الوصال العقوقه
جالك أمعزم.. راح.. عنّك أمعزم=لو جرحه أيعوقه ..ما عزمه يعوقه

ع.ال كحله

[محمد الغيثاني]

مساكم عسل

قالت مدام الحب فـي عينـي الضـي=لسقيـك مـن صافـي حـلاوة سنيـنـي
وصير انا لك بالكرم مـن بنـي طـي=وأهديك عمري وسط راحة يمينـي
بـس الغـلا لا تنقصـه يـا بعـد حـي=زدنــي وازيــدك والليـالـي حنيـنـي
قلت ابشري عمري لعمرك غدا في=وبــه تختـلـط انفاسـنـا يــا ضنيـنـي
وليـا ضميتـي اشربيـنـي فـنـا مــي=ردي بـي الريـق الجميـل اسعدينـي
بـس الغـلا لا ينتقـص يـا بعـد حـي=زيــدي وازيــدك والليـالـي حنيـنـي

[عـسـاه خـيـر]

ياهلا يالغيثاني , منوّر ومبدع كما أنت دائماً
ويشرّفني وجودك , وصباحك ياخذ من عسلك عسل.

هذي قصيدة قلتها بالشيخ فيصل المالك الصباح , حفظة الله ورعآة , سفير الكويت في المملكة الأردنيّة الهاشيمّة , وقفوا كورسي بسبب نقصان ورقة , ولله الحمد مشت

الطــــــلبة إلي مالها غير تقدير = تقطع يمين القنصل إلي حلفها
يا فيصل المالك صّـــبحت بالخــــير = أبدعيلك دعوّة أم بشوفة ولدها
الله يديمك عزّ ويديمهم ميـــــــر = إنت الفخر ياعزوّة الطلبة وسندها
ماقد جيناك وأبديت تقصــــــــير = شبيت نارك والعرب تدفن رمدها
لا قلت كلمه ماقالوا بعدها غيــــر = كلمتك حد السيف وفعولك حمدها
هذا وانا (....) واحتاج لتقريــــــــر = إمن الوزير الي يمينه سددها
رسم الجامعه غالي واحتاج توفيـــر = بلاش أعيش عيشة تغث منهو حسدها

[][ .. خــجــل .. ][]

صباح الــ خ ــــير ..



جيت اجبر الكسر لكنـه .. كسـر جبـري
مجنـون والحـظ ساقـه يــم مجنـونـه

يتفنـن بلوعـتـي .. واتفـنـن بصـبـري
حتى غـدت لوعتـي مـن اجمـل فنونـه

لا رحم ابوالحظ ساق الهجـر مـن بـدري
وشيّد جسـور الجفـا مـن دونـي ودونـه

وجهمت اسوق الخطا في الدرب واهـذري
تكفـون ياللـي خـذوا خلّـي تردونـه

ابطى .. وخلّـى سـؤال ٍ يلهـث بفكـري
مادري يصون الغلا ؟ .. مادري هو يخونه؟

ويوم اني اسـجّ بيـن ادري .. ومـا ادري
عقب البطا .. جاء يقول : الـدار وشلونـه

قلت انت : دارك هنا.. وأشٍّر على (صدري)
قال انتي : دارك هنا .. وأشًّرْ على (عيونه)