(( سجـل حـضورك ببيت قصـيدة أو حـكمة ))

[حـــوران]

ســلام

/
؛
/

مالي الا طلق وجهي بالقصيد وبالطبيعه=ماينزّلني قصيد ,, ولاتطبّعني طبايع
هاجسٍ متفرّد ومحشوم وأفكاره بديعه=وهاجسٍ في ساحة الشعّار متجرّد وصايع !
غالب الجمهور مايدري وذايقته شنيعه=يحسب الضايع يدل ,, ويحسب المندل ضايع !
والا انا ماهمي الا راي الاذواق الرفيعه=اكتفي منهم لاقالو : شاعر ومبدع ورايع
وداعي الشهره وزيفه لاجبرني للهزيعه ؟=ماني بسبّار برق , ولاتبوع امن التبايع
أرتفع واحفظ مقامي في محله بالطليعه=وكان ماذيع بقصيد ؟ اسمي على المسروج ذايع !

[عـسـاه خـيـر]

مسعطر قال مشتاق قال

صعــــبة أقـــول مشتـآق ويجـي منـك صـــدود = وصعـبة أسكــت وتحســب إنـي نســيتك

يوران عندك ياه !

اشوفك من صف السعاطير صبرك علي انتِ وولدك الشايب

[يوران]

لاخلاص انا معك


<< ذلت

تبي الدليل لي كرهتك وخلصت = لامرني طيفك اغمض عيوني

وصباح الخير

[مسعطر]

اررحب يا ابو بدر
علومك بس ؟؟

البيت ذا اللي انت كتبته اشهدددني ادور له من مبطي ,,

تجيب لي قصيدة كاملة اذا ما عليك امر

قول : بسم الله و قول : اللّي توّده=لا تجاذبنا الحديث الإرتجالي
الكلام اللي بنيته 00 لا تهدّه=إسفهلّ و هِلّ علمك لا تبالي
ما بدا لك يا معرّب الجد بدّه=وسّع الله خاطرك لا ضاق بالي
سمّ و إسلم و المسامع مستعدّه=ما تخلّي من صدى صوتك توالي
هات لي ما طاب من روعك وهدّه=لا تضيع السالفة ما قلتها لي
البساط الأحمدي مِدّه و أشدّه=و استريح 00 و فلّها يا همّلالي

[مسعطر]

سرع البورة يا يوران

نص التلاميذ باروا فيك يا معلّم=لكنّ ..!! على طاري البورة وش اخبارك ؟

[يوران]

الخوف ومايسوي

في ذا الزمن ضاع الوفاء ما عاد به خلٍ وفي = حتى الصديق المرتجى يلحقك شرهات وعتاب

[عـسـاه خـيـر]

يـــــــــــاهلا بيـــورآان , منوّرة

على فكرة ! إن لم تـكن معـي فإنت ضـدي ( يا أبيض يا أسود ) منـاطق محـــــايدة ماعنـدي


أنا ومسعطر وآحد , ولا فيهـآ أدنـى شـك ( توهقي يايوران )

بيـن أمس والليلة مسـآفات وكلام = ودي أقـولة بس لاشفتك سكـت !

[مسعطر]

وش لونكم





اسجل حضوري :

قَالت : ( مضى عمرك و قلبك وحيدي=هذى زهد ولا خفوقك نسيته
كأنك على عيشتك هذي سعيدي=لا عاش يوم ٍ فيه مثلك رجيته )
قالت لي اللّي قولها ما يبيدي=عندي و يعصاني العمر لو عصيته
إلى متى ناو الصبر يا وليدي=الرَجل مبدا عيشته بني بيته
( يا ليتها ) تدري بقيد الحديدي=اللي لي سنين أنقضه ما قويته
مع لومها لي همّ قلبي يزيدي=( يا ليتها ) تدري عن الوضع ( ليته )
مع كل صبح يزيد قفل ٍ جديدي=من كف دنياً ظلمها ما هقيته

[عـسـاه خـيـر]

هلا مسعطر

أبشرك على ماتحب.
اما بالنسبة للقصيدة ماتحظرني حالياً لكن أبشر بشوفها لك.

يالله صباح خير قلبي منقبض وشبة = من رهبة الناس ولا القلب متطــيّـر!

أعتقد إنها الثانيّة

[حـــوران]

تسجيــل خروج

/
؛
/

والبارحه , ليله مهيب تعدّ مـن ضمـن الحيـاه=لوانّه ايكاشف علـي نـور القمـر .؟ ياسودهـا
أغبط خليّات القلوب اللّي لـو اتحصّـل لهـاه .؟=اتسجّ فـي جـرّة ربابتهـا , ورنّـة عودهـا .!

؛
؛

وقتٍ على عْيال الشيوخ , ايقدّم عْيـال الرّعـاه=لوانّـهـا ماكـبّـرت ضيّانـهـا ووقـودهــا

؛
؛

وأنـا هنيّـا , يامنقّلـة العلـوم امـن الـرواه=وإن كبْرت القالـه .؟ ترانـي قدّهـا وإقدودهـا
أطقّها فالوجْـه , وأضـرب فالخشـوم وفالجبـاه=إلين أميّز بيـن صاملهـا , وبيـن شْرودهـا .!