مساجله شعريه .......

[فهد الذويب]

الحب سيسان العباده والعباده بالجــهــــر ** إن ماقدرت إتقولــها وجـه الصحيح إيقــولهـــــا

اهل التكلف بالمعرفه والتصنع بالبشــــر ** والله ماهي حول الصحيح ولا الصحيح بحولهــــــا

يسرون عميان المحبه تيه في غي الغدر ** للي تحد سيــوفهـــا واللي تعــــن خيووولــهــــــــا

وحنّا عرفنا كلنا مااطـال من شــيٍ قصر ** والاحــلام ماتـــووا قبلنا الشرهين ماوصلو لهـــــا

ولاتفكــــر في غناه ولاتفكر في فقررررر ** ويشفع لبضان الصدور حــظــوظها وفعووولهـــــا

[! شيخـــــة المنتــــدى !]

انا حروفي في غيابك ** لاهي حكي ولا هي قصيد

[شيخة الغلا]

دنيا( ن) نراوزها تجي دوم بنكاس
من شغلها تنسيك طعم الوناسه
متامل(ن) فيها وتنبيك با الآ فلاس
أهوالها تخلي الفتى شايب(ن) راسه
من جورها تجرعك المر بالكاس
وكل مخلوق(ن) شراب(ن)من كاسه

[غـشـام]

أعذروني

يا حَمَد : لا جـواب / لمن ,,, لا سـأل !!
ولا بـه أحـدٍ بيعطـى ! ,, وهـو ما ســأل
بإسـم ( مُفرد عَلَم ) لا يُعـرف بـ أل
ويل ويله / على فجعتي عزرائيل

آآآه ويلي و ويلااه ,, تكفى يا خـال
شفت بالخـد منها ,, سمّيك يا خـال
حب خال ,, على الخـد منها أستخال
وأنتخيت / بدمع عينٍ ماهو بخيل

في تمايل جسدها / وهو فـ أعتدال
شكل حرفين ,, ( جمع عكس ) دال و دال
ولـ أعترض شفت رقـم 4 لا جِـدال
تِقِل ,, عن كِل عظمٍ / إعطي إسمٍ بديل

. . .

[أميرة الإحساس]

ليت عقل العود في سن الشبـاب
وحكمة الستيـن فـي عشرينهـا

كان ما جرَ القـدم درب العـذاب
وانتهزت ظروفهـا فـي حينهـا

وكان ما ضاعت دقايقهـا هبـاب
وكـل لحظـه أستغـل سنينهـا

كم تركت من الفرص واقفلت باب
بعتها واهـل الفـرص شارينهـا

وان نصحني ناصح أحسب حساب
قلـت يمـدي .. توَنـا بادينهـا

العمر بـاوَل زمامـه لا تهـاب
والَليـلْ طـوال يـا سارينـهـا

ما هقيت إن الزمن مثل السـراب
والَليـالـي خيَـبـت راجينـهـا

أثر ساعات العمر مثل السحـاب
بالظلام تمـر مـا نـدري بهـا

[مسعطر]

غشوووم .. مهندسة .. أحسنتوا الإختيار

و نكمّل ..

أحسب إني .. دلهت .. و صار قلبي متين=و أثر عاد ( ..الجروح الخافية.. ) لا تزال
مرحباااا .. بالحبيب اللي : كلامه ثمين=عدّ ذاري هبوب ٍ سايقته الشمال
يا جميلة : ( ..عساك بحالتي ترحمين.. )=لا تتلّين القلب تلّ : دلو المحال
بشتكي : حاالتي لك .. كود قلبك يلين=ربّ باقي لنا (..بأطراف غصنك ظلال..) .. ؟؟؟؟

حرف اللام ..

[شيخة الغلا]

لاضاق صدري دون كل الخلايق
وحسيت بأن القلب تبكي ركونـه
ذكرت منهو لا لفا الصدر ضايق
أقبل يجر الصوت( لاتضايقووووووووووونـه)
وضحكت كني طول هالوقت رايق
مدري لصوته ولا لخاطر عيونـه

[مسعطر]

هذي حقايقها و هي مستهلّه= بأحلام ( ..ليل العاشقين.. ) النزاوي
يرخي سدول الليل سطر المجلّة= و ( ,,أنا عن ْسطور المجلة غناوي,, )

[شيخة الغلا]

ياقلب لاتشكي همومك على الناس
............ماكل شخص(ن)يعذرك في مصابك

لاتسكب الدمعه على خد حسـاس
............ولا تحرق اوراق الزهر في عتابك

ولا تضيق الصدر المولع بالانفاس
............ولاتقطع عروق(ن)بكت عند بابك

ياقلب ولله مابقى بعيني انعـاس
.............يومك شكيت الحب محد(ن)درابك

النار ماتحرق سوى رجل من داس
..................وللي كواه الحب يفهـم خطابـك

قبلك شرب مجنون ليله من الكاس
.................واليوم نفس الكاس تسقى شرابك

ياقلب اعرف معدنك معدن الماس
...............توفي لحبيب الروح لوهو رمابـك

ياقلب خلك بالشدايد قـوى بـاس
..................لا تلتفت للجرح لوهـو سطابـك

ياقلب لا تسقي عروقك من الياس
...............وخل الامل والصدق دايم زهابـك

مادام طاحت فاسك اليوم بالـراس
...............اعذر جميع الناس واخفي عذابـك

[! شيخـــــة المنتــــدى !]

كفاني عذاب الله يجازيك بأفعالكـ ** جرحت الضمير ولا طرالك تداوينـ