(( سجـل حـضورك ببيت قصـيدة أو حـكمة ))

[غـشـام]

مساء العود والعنبر ..
مساء لخفّاقي ما هو يعبّر ..

ألا يا غايب عني / معي حاضرك كما الدستور= خيالك ما يفارقني بفكري ( دق مسماره )

وإلى من ضقت ... أسولف بك / على نفسي وأنا مقهور = وأقول : الوقت ما يعطي على ما آريد وأختاره
عليك أقبل ولك أقفي ... ولا بيّنت لك محظور = أخاف عيون بعض الخلق ،، ترقبنا وسبّاره
أشوف أن الحِسِنْ عقبك ولو يذكر !! غدا مكبور = يقال إنه حِسِنْ !! وإلا أنت !! كل الزين و ابهاره
ألا يا آبوعيونٍ حق / وبعض الوصف خرسٍ حور = عليك الصوت ماهو صوت ,, كما ترنيم غيثاره
بقى قصرك ،، على فعلك ،، عساه بطلتك معمور = تمشّى بردهته حافي ،، وتحيا عقبك أزهاره
بريح المسك والعنبر يخالطهم زراق بخور = إلى أقبلت جاء قبلك ،، وإلى قفيت غدا استاره

[فـارس]

السلام عليكم

خل الدلع يا دوا قلبي وسلاله = وارجع على صاحب قلبه تواضع لك
لك صاحب لو خسر حاله مع ماله = يبغاك ترجع وتشرح له ويشرح لك

[الفرس]

مرحبا بكم ..

الصمت حكمـه والكـلام اكثـر مـن الـلازم غبـا = مــا دام فالدنـيـا مـواقــف مـــا يعـبّـرهـا كـــلام
قمـة غبائـي يـوم اردد (وصــل السـيـل الـزبـا) = واهدّ مرقب هيبتي وابنـي مـن أنقاضـي غـرام
لا والله الا فـــي أمــــان الله والـعـشــق يـهـبــا = ولا ينقّـص مـن روافــد عـزّتـي (مـلّـي جــرام)
يمكن علـى جـال الفـراق يطيـب فـي قلبـي وبـا = واعيـش باقـي عمـري الباقـي بهيبـه واحتـرام
وابحبـس انفاسـي بصـدري وانـت ياحلـو النـبـا = عش ما بقى لك في حياتك في أمان وفي سلام

[محمد الغيثاني]

حنا كبرنا وكلٍ علـّمتـه السنين=ما تثمر المزرعه واشجارها خاويه
أشجار يـبّاس لو هَبّ الهوا ما تلين=اللي من اوّل يهز غصونها الراويه
حاولت اصفـّي مجاريها وأمدّ اليمين=أنوي ولا ادري قلوب الناس وش ناويه
لين اصبح الفرق واضح بيننا يا الثنين=الكل منا يشوف الوضع من زاويه
وإليا انقطع في يدينا كل حبلٍ متين=وش عاد تقدر تحمّل (شعرة معاويه)

[حـــوران]

أسعد الله أوقــاتكم جميع

/
؛
/

ياعيون اللي يهد وهو معشّى=اشقر ٍمهديه ابو مشعل لنايف
من قنص به ماازعله قرب المعشى=من كثر صيده ضحى سامح وعايف
والله ان طاريك فالبال ايتمشى=والله ان باب الرجا عاده مسايف
مالحبك طب مادامه تفشى=في صميم اللي ورى عوج النحايف
الامل مثل الهوى.. لاطال عشى !=وانت بصرك فالهوى وش انت شايف!؟

لـ / محمد بن فطيـس

[محمد الغيثاني]

بيض الله وجه مظلوم يوم انه لحق = لا تجاوز كنه السباح ينقذ له غريق
يوم لم ومقدمه زم والمنكب فهق = مشرفت راس النبا كود معطيها لحيق

[فـارس]

تسجيل خروج وتصبحون على خير

احبس دموعي حبيبي من غلاك =انت دمعه خايف ابكيك وتطيح
يـاحبيب الجـرح اتعبني عنــاك =فــي يدينك قـــلب لكنه جـريح
بنشدك قد صرت نجمٍ في سماك =اومشيت بدرب ماهولي صحيح

[مسعطر]

مساء / صباح ,,
الخير على كل الموجودين ,,

تسجيل حضور بــ / سعاطير

سلّم على : أهل الوفا ذربين الأفعالـي =اللّي لكل الفخـر و الطيـب كسّابـه
اللابـة اللـّي توطـّي كـل عيّالـي =و اللّي نزل في حماهم خـاب طلاّبـه
ربع ٍ لهم في سنام المجـد منزالـي =صعب ٍ على كـل رجـال ٍ تهقوا بـه
عدوهم لاذكرهم فـي خـلا ٍ خالـي =من شدّة الخوف نومه ما تهنـّا بـه
صبيان ( يام ٍ ) حماة العرب الأجهالـي =كم طامع ٍ جا يبيها و اخـذت ركابـه
المال دونه رجال ٍ ترخـص الغالـي =حامينها يـوم كـل ٍ رزقـه نهابـه
الا نصاهم ضعيف ٍ زملـه هزالـي =كنه بعالي جبـال طويـق وهضابـه
مطوّعة راس من به زود و هبالـي =متبين ٍ بالخطـا و الحـق عيـّا بـه
أهل بيوت ٍ بهـا للضيـف مدهالـي =و معـزّب ٍ يبهـج الخاطـر برحّابـه
و إن كدّر البـال شـي ٍ ما تشافا لـي =سلّيت سيف ٍ تنومس قضبة نصابـه
(( صوّت ( ليام ٍ) الا مـن حـدّك الجالـي =و ابشّرك لا رفعـت الصـوت بالثابـه ))
يام ٍ عمود الذرا في كـل الأحوالـي =و البيت لولا عموده طاحـت اقطابـه
غار ٍ يـذرّي و تلقـى فيـه مقيالـي =وغار ٍ الا جيـت صوبـه ما تذرا بـه
ما هي تذل الصعايب كـون برجالـي =و تصبر على الهون يمنى ٍ مالها لابه
كيف ادرك العز و انا فـرد و الحالـي =ما يدرك العز رجل ٍ قلـّوا أصحابـه
خيـل ٍ تنـازي بشيبـان ٍ و جهّالـي =و حبل الرسن ما يجوّد فيـه قضّابـه
// و ضاع العقل من رجال ٍ كان عقالـي =و من الدجر كنهـم للخمـر شرّابـه //
تقدم الجمـع عـاد الفـي مامالـي =هذاك يوم ٍ على العدوان يدعى بـه
خذنا ثلاثين اصيل ٍ سوقهـا غالـي =من فوقها كل شغموم ٍ رمينـا بـه
حريمهم تنتخي مـن قلـة الوالـي =و المال هِمّل و حنّا اللّي حظينـا بـه

[someone]

صباح الخير
الا ياويــل مـن مثـلي ســهر مانـام لو ليـله
يبان الصـبح من حر الالم مانـام سهراني
على الي لي ثمان اسنين ماجتني مراسيله
قطع وصله وعودني على التفكير وشقاني
اذا جاني بحـلم الليل اقوم اركـض اناديـله
احسـبه جالـس عندي وهو بنـوم لاقـانـي

[يوران]

صباح النور والسرور

لاتحسب اني داله عنك ساليك = لا والذي تنصا المخاليق بيته
لاشك حال الياس دون الرجا فيك = ولا لي عن المقسوم لو ما رضيته
ان كان تغليني مثل ما اني اغليك = مجبور تاطا بالهوى ماوطيته