((المعـــــرّف)) تعريف جميع المصطلحات

[أميرة الإحساس]

8
8
8
الحمد لله والشكر شنو هذي طريقة جديده للحلف


عراتيب = شكلها معناها تراكيب

[مهرة النسيان]

هذي طريقه غيثانيه للحلف


وموودري بعد ماعرف الكلمة ..

[الغروب]

عراتيب ___ حسب علمي انها العوائق

[! شيخـــــة المنتــــدى !]

ارررررررررحبووو

الغشيش = الضعيف بجسمه المنقطع
العراتيب = مثل اللي فيه ملمس مرتفع يقاله عرتوب

والله اعلم

[راشد العجمي]

ارحبوووا



طيب


وش يعني الصخيف ؟
^^

[مسعطر]

و البقا و البقا ,,,

تعديل بسيط لأختي شيخة المنتدى ,,

الغشيش ,, يعني اللي بطنه حالّه

يقول الشاعر :

الجـرب لا غـطّ صيّوره يبين ,,, (( و الغشيش إليا ملا بطنه قذاهـ ))


و البقا و البقا يا راشد الصخيف يعني : النحيف ,,,




طيب الصمعا وييييشهي ؟؟؟

[راشد العجمي]

جبتها يامسعطر


والصمعا اللي بليا اذان او اذون


طيب

وش معنى كلمة تقسه نقول ماتقسه عظامه
^^

[! شيخـــــة المنتــــدى !]

صبحكم بالخيــــر

اولااا حبيت اصحح لمسعطر المعلومه ، ان الغشيش بالمعنى اللي انا ذكرته اصح من المعنى اللي انت قلته ، واللي اكدلي الجمله اللي انت ذكرتهاا (( و الغشيش إليا ملا بطنه قذاهـ )) يعني من رداة حاله وضعفه مايتحمل الزايد من العيشه ، تقذيه في بطنه

وثاني شي ماعلقت على العراتيب هي صح والا لأ

وثالث شي اتوقع ان معنى "تقسه" تشله او تحمله

والله اعـــلم

[راشد العجمي]

صح ^^


والصمعا لها معنى ثاني وهي نوع من انواع السلاح


^^

[مسعطر]

العراتيب ما عرفتها

طيب الكلمة عندي ,,,


البو ويييييييشهو ؟؟؟ << ويييشهو على ما قال شايب ٍ من الجماعة