شـــعـ؟؟ــف السنــيـن

[عامر الهاجري]

[عامر الهاجري]

[عامر الهاجري]

طالت بك الغيبه وبانت ..!=بعض النوايا مصففها ..
الهايمه ودك إن خانت ..= تنسى الوصال وتجففها ..

[عامر الهاجري]

بشّر عساك اليوم سارح وسالي ..=وأخذت زود من الحقوق فوق حقّك ..؟
خبرك تغيّر فيّ ما عاد أبالي ..=إن جيت ولا رحت طقّاق طقّك .. !

[عامر الهاجري]

جعل اللقا يعود يا أم عيون نعسانه .. = يا حي شوف الهنوف اليوم يا حيّه ..
حتى لو صدوف بقعا جات مليانه .. = الي غصب جمّعتنا وسط .. جمعيّه ..
دقيت سلفي وسقت الرجل من شانه .. = ولمحة بصر .. إلا أنا فسوق الصباحيه ..
جيت ولمحته وقام يسلهم أعيانه .. = والعمر تحت العباه إميه على ميّه ..
قام يتقضا ما فارق أحد شيبانه .. = حتى فهق روحه الي جات مرميه ..
ألو .. هلا .. بسرعه .. خاف الله فـ إنسانه ..! = قلت أسرعي صوب الرفوف الجنوبيه ..
يوم أقبلت جف دمي وسط شريانه .. = ونبضات قلبه تعدت رقم الألفيه ..
الخوف والربكه قام يغيّر ألوانه .. = وصاحت وأنا داري إنها جات عفويّه ..
راحت ورحت وتركت القلب وأشجانه .. = في جفرةٍ جمعت غالي وغاليّه ..
جعل اللقا يعود يا أم عيون نعسانه .. = في شرق .. ولا ماجيك .. ولا الصباحيّه ..

[عامر الهاجري]

الوقت .. والأيام .. والحظوظ .. يسدون اللزوم .. = ماني بقايل غير .. وينك .؟ بهذلتني غربتك ..!

[عامر الهاجري]

السلام عليكم ورحمة الله وبركاته



أتمنى أن تحوز على رضاكم ..

المشكله لا صرت سالي من قريب ..= يسوى بعينك الآوادم كلها ..
لو كان ماله فيك يالطيّب نصيب ..! = بصره .. حياته شلتّه ويشلها ..
دق الموبايل إبرقم ماهو غريب ..= هاض المدامع والأنامل شلها ..
يا مرحبا .. وأهلين ! يالوجه الرحيب .. = جيت أبشره .. قال هذي خلها ..
شحالك .. وحال الحبايب يا حبيب ..؟ = وبشّر من الذكرى عساك تملها ..؟
قلت إسمع وركز ترى حالي [ عطيب ] ..= عندي مشاكل لازم إنك تحلها ..
أبطيت عني والرجاوي ما تخيب .. = جات الخوافق فازعه في حِلها ..
أنت الدوا / والعافيه / وأنت الطبيب .. = وأنت الذرا للروح مدري ظلها ..
وأنت الذي بغيابك الفرحه تغيب .. = وتدلي هواجيس المعنّا دلها ..
الروح تصرخ .. يا عررب ! هل من مجيب .. = كابوس هجرك جالها وإحتلها ..
هذي علومي وأبغي الراي الصويب .. = وشهو علاج فراق خِل وخِلها ..؟
عم الهدوء الي على قلبي صعيب .. = ومع السكوت دموع عينه هلها ..
قال [ الوداع ] وسج ..والله الحسيب .. = الي عقدها يا غناتي إيحلها ..
ومع السلامه .. يالغلا .. يأقرب قريب .. = ومع الأماني .. والحظوظ وظلها ..

[عامر الهاجري]

الله أكبر يالغضي .! ترحل وتتركني جريح ..!=ما طاوعك قلبك تودّع عاشِقك وتجامله ..
تقول لي حكم القدر .. ولا يصح إلا الصحيح ..=وأنا أسمعك والعقل وإحساسي في حاله ثامله ..
قلنا على خبري صريح وتفضل الطرح الصريح ..=بس الصراحه تقتضي طول الصبر .. ومعامله ..
العين ترمش .. والخطر مقبل .. وأنا جسمي طريح ..=مقدر على رده ولكن العيون تآمله ..
هذا الوداع الي زاح الجبل لو إنه ما يزيح ..!=حطم فؤادي .. والمحبّه .. والرجال الصامله ..
الي أبي .. توصلني أخبارك .. سالي ومستريح ..=وأنا بقولك طيّب و جروح هجرك دامله ..!
وأبي لا مت ودفنوني تحتسب عند الضريح ..= وتسقيني دموعك [ حزن ] .. وتصيح ساعه كامله ..
والله أكبر يالغضي ترحل وتتركني جريح .. =ما طاوعك قلبك تودّع عاشِقك وتجامله ..!!