مساجله شعريه .......

[الرسام]

راح تشوفني شي غير وراح تمـوت م الحسـرة=و(أنا) ذاك الزمن بضحك وأشوف القهر بطرافـك
راح تعود لي (مكسـور) وغيـرك شـاري ودي=ولما تجيني راح أمنعك وأقول يا هي( تري طافك )

[عبدالله الوعيلي]

وسط الكويت بيـوت ربعـي معاميـر=وفي بطن نجران ومـن دون الافـلاج
وفي ذروة الصمان ربعي هل الخيـر=خيالـة العجمـان لبـاسـة الـتـاج
والاد مـره مكرمـيـن الخطاطـيـر=في الربع والا في الحسى ابراج وابراج
ابـراج عـز مانصوهـا المعاثـيـر=يلقـى ظلالـه تحتـهـا كــل دواج
وانا من اللـي يحتمـون المضاهيـر=ربعي(( وعيل))مروضـة كـل فـلاج

[مسعطر]

فرّ قلبي فرّة اللي في الهوا مفترّه=ما يوّردها علياني ولا جفّالي

لابن وسّـام

[مهرة النسيان]

يالربع تراكم لعبتوا في ام المساجله :D

ولو كلن يسجل على كيفه مافيه التزام بحرف

[عبدالله الوعيلي]

جفّالـي

المواقف والقوافى والحقـوق اصنافـى=والرجال اسماعهـا وقلوبهـا عساسـه
والتجارب مدرسه والشرح شرح وافى=والزمان استاذ وظروف الحياه دراسـه

[الرسام]

طيب ابدي من جديد وكل من يخالف يتحاسب يا اداريه :d

[مهرة النسيان]

مسعطر والفرس اللي يخالف احذفوا مشاركاته واول المشاركات مشاركتك يامسعطر :D

[مسعطر]

طيّب طيّب و انا والله ما انتبهت ...

و اذا كررتها مرّه ثانيه صكوني بمخالفه ..

و انتي يا مهرة بلاشي تذمر مرة ثانيه .. اذا احد خالف صكّيه بمخالفه حتى لو كان ابو حمد

و يالله نبدا بالمشاركة ..

هلّت على خدي دموع من العين=كنّي غريب عن دياه مجلّى

حرف الأف..

[عبدالله الوعيلي]

الحمد لله رب العالمين الذي تقدست عن الأشباهِ ذاتُه

همسه
مشاركاتي .. هُنا .. بهذه المساجله ..( إكليلُ زهر .. * .. بأرضٍ قفر ) .... ليس أحدا ً مُلزم بـ التقيد بحروفها ...
ابو حمد الشامري .. ما يحمله قلبي لك من عظيم ودٍ يشفع لـ مشاركاتي الشعريه بـ الحصانه .
شكرا ً لك مقدما ً ..

[الفرس]

	السجه اللي تجيب اسمك على بالي = مرباع قلبي عسى ربي يحييها