مساجله شعريه .......

[الفرس]

الدروب اللي معابرها تضيق فـ جيّتي=لا تضايق ، والله إني ما نويت أمرّها
كنت عابر في طريقي والمطية / نيتي=ما تعرف الا الدروب البيض 00 لله درها

[مهرة النسيان]

ابشر يامسعطر

أغفي على همّي وبي خوف لا فقت= القى الظـلام يعانـق الاتجاهـات

[محمد الغيثاني]

تنـزل علـي واصعـد لهـا .. وصعودنـا مثـل النـزول=مــا بلّلتـنـي فــي مـطـرهـا .. ومـاقــدرت أوصـلّـهـــا
أصـيـلـة مـــا تسـتـريـح الا مــــــع ولــــد الأصــــول=أتـلّــهــا .. وحــبـــل الـتـقـالـيـد الــرفــيــع يـتـلّــهــا

[مهرة النسيان]

..
..
..

الله مــن جــرحٍ قـديـمٍ مكـنـي=أمداك نزفـه لكـن ادواه مـا أمـداك
علـيّ كـم جـار الزمـان وطعـنـي =أسمع صدى صوت المعاليـق تنخـاك
وين أنت ياللي كـل مـا غبـت كنـي=واقف علـى بـاب الأمـل وأتحـراك

[محمد الغيثاني]

كــلـــه عـلـشـانــك .. وعـشـانـهــا كـــلّـــه=نـفـس تسمـيـك بـيـن ضلوعـهـــا .. غـالــي
أقـفـيــت عــــن عـيـنــي وخلـيـتـهـا مــلّــه=يـدفـى عـلــى شـوقـهـا لـيــل بـــرا حـالــي
أتـــل حــبــل الــرجــا .. والـهـقــوه تـتـلّــه=وكنـي علـى جيّتـك .. مـرخـي لــك حبـالـي

[الفرس]

ياصانع المعروف لاتشقـى علـى رد الصنيـع=خذ من سعد دنياك مايطرى والآخـرى سرّهـا
واللي تضيـع بمُغتْلَقهـا لقّهـا السـد المنيـع=إسجـن رداهـا فـي مداهـا لاتبيـح بسرِهـا
في سيرة العشاق ماشـاق القلـوب إلا شجيـع=وأبردهموم القلب فـي وقـت اللـزوم أحرهـا

[محمد الغيثاني]

القلـوب الخضـر مابيـن عـوجـان الضـلـوع=كـــل مـــا هـبّــت علـيـهـا الـهـبـوب تـرفّـهـا
والدمـوع اتزيـد الاوجـاع وابـن آدم جـزوع=غـطّـهــا بـجـفـونـك الـنّـاعـسـات و غَـفّــهــا
قـبـل لاتـفـزع عـلـى خــدّك النّـاعـم فـــزوع=شـيـلـهـا بـكـفـوفــك الـنّـاعـمــات و كِـفّــهــا

[يوران]

احدٍ يحاول بالردى بنت عمه =واحدٍ يحاول ستر عذرا عوانيه

[الفرس]

هلا يا مرحبا ترحيـب غالـي=من أعماق الفؤاد أرحب هلا بك
على بساط الكرامـة والمعالـي=هلا بك يا هلا يكرم جنـا بـك
ليا منك حضرت يطيـب فالـي=تفل هموم صدري لـو تشابـك
ضعيف وعبد تغرينـي الليالـي=شياطيني وسط راسـي تدابـك
معاك أحس بـأن المـر حالـي=لو الضيقة تزايـد فـي ذهابـك
يمر العـام بعـده عـام حالـي=نعـد العـدة ونشحـن زهابـك

[يوران]

كونت لي عرش رفيع مقامه = مايوصله جن ولا يوصله ناس
ورفعت نفسي فوق هام الغمامه = اشوف زلات البشر وارفع الراس
واليوم كلن خصني بإحترامه = واللي معاديني بالأقدام ينداس