تصميم شركة سبيس زوون للأستضافة و التصميم و حلول الويب و دعم المواقع

نيَـة فراق ..! · #**361** 13-01-2010, 02:17 AM

Enter

المحبّه ..؟

ماتجي من دون داعي ..!

ادعني ، وادعيك

و [ تصير المحبّه ] ..!

خلاوي الشمالي · #**362** 13-01-2010, 02:41 AM

هنا كان الابداع رفيق الركن

تقبلي اعجابي

ومتابعتي

نيَـة فراق ..! · #**363** 13-01-2010, 02:45 AM

طب طب على قلبي ترى قلبي سريع الارتباك = يخاف بسم الله عليه من الهوى لا هب له :)
حاول تهدّي روعته ، واحذر تشيله في يداك = يمكن لا شلته ينفجر مثل انفجار القنبله ..!
الله وكيلك كم جرى له من هذاك ومن هذاك = مير انتبه لا تنشده وش سوّوا [ الاحباب ] له !
يا صاحبي لا تحبس اشواقك وعطني من غلاك = واعطيك كل اللي ذخرته لـ / السنين المقبله !
خذ ما تبي من خبرتي بالحب والباقي فداك = وحافظ على اسرار المحبه واصدق العشق [ أنبله ]

نيَـة فراق ..! · #**364** 13-01-2010, 03:04 AM

Exit

من غبت عني طاري الشوق جابك
اغفى على ذكراك ، واصحى لـ / ذكراك !

تع ـبت احايل ضيقتي في [ غيابك ] !
واضحك على روحي وانا احاول / انساك

نيَـة فراق ..! · #**365** 18-01-2010, 01:55 AM

Enter

جمّرني أبدفى من

[ التجمير ] .. !

وبـ / افرح لو ان

[ النفس نقّاده ] .. !

نيَـة فراق ..! · #**366** 18-01-2010, 02:00 AM

اقتباس:

المشاركة الأصلية كتبت بواسطة خلاوي الشمالي

هنا كان الابداع رفيق الركن

تقبلي اعجابي

ومتابعتي

خلاوي يامرحبا

والله لا يهينك

يسلموو على الطلّه

نيَـة فراق ..! · #**367** 18-01-2010, 02:13 AM

الشوق وثنتينٍ لـ / شوفه ملاهيف ! = وصورته واللّيل وظنون امخلوفه
والحب لا فاق لجميع التواصيف = والنوم لا قفّا يخاوي [ طيوفه ] !
من بعد هذا كيف يا صاحبي كيف = تنشد تقول : النوم ما به مروفه .. ؟!
السمع ظامي ينخا صوتك بـ / تشريف = تعال يا أغلى من يجي من ضيوفه
غلاك فيني للملا ظاهر ، وشيف = عجزت اخبّي [ لهفةٍ ] لك شغوفه !
تعال واجلس يا الغلا دون تكليف = وانزع من اضلاعي خفوقي وشوفه !
تلقاك سايد به لحالك بـ / تكليف = من الحبيب اللي يضمّك بـ / جوفه
حبّك حبيبي ما تجيبه تعاريف = نايف بـ / نوعه ، شامخاتٍ وصوفه
لو ان حبّي قادك لوضع تخريف ؟ = حبّك حبيبي [ عالياتٍ كتوفه ] !
الشعر ما يرغب بغيرك يجي ضيف = وعسر القوافي من غلاك امعسوفه
محبّتك جتني على الذوق والكيف = لو ان بعدك قاسياتٍ سيوفه
في غيبتك تقبل همومي بـ / تكثيف = والقلب يشكي حزن بعدك يلوفه
ولو يطلب الخافق مروفه ، وتخفيف = جتني على ما قيل : عكسٍ ظروفه !
ليلي حزين بغيبتك ، مظلم ، مخيف = حتى قمر دنياي معلن خسوفه !
والكون لامنّه بغا شوي تلطيف = ياخذ من آهاتي أغاني امعزوفه !

pass

إلى :

والورده اللي باهظه بـ / التكاليف ؟ = راحت من ايديني ويديك مخطوفه :(
يا ناس ؟ شفتوا لو تجور الصواديف ؟ = عمري ، وروحي له ، ولا به كلوفه
بعض الحقايق ثابته دون تأليف = ثنتين عندي واضحه ، وامعروفه :
اقسا فراق يكون [ فرقا مواليف ] = واعذب دقايق / ضمّة ايدي كفوفه

نيَـة فراق ..! · #**368** 18-01-2010, 02:36 AM

الحين .. ؟

لو اوصلك من بع ـد / فرقاك .. ؟

مثل الذي ينتحر :

[ خايف من الموت ] !

نيَـة فراق ..! · #**369** 18-01-2010, 02:57 AM

الحب حبّك والمحاني معازيب = ماداج غيرك وسطها وانت داري
تغيب لكن كيف ذكراك بـ / تغيب ؟ = انا لعيني من طيوفك مباري !
غلاك نار ووردتني مشاهيب = ولاجزعت ! ومنك ذقت العزاري
لو كان من راسك لرجلك عذاريب ؟ = اشوفهن مثل [ النجوم السواري ] !

نيَـة فراق ..! · #**370** 18-01-2010, 03:22 AM

يجيب السفر طاريك يا حيّ ذالطاري !
وانا بين [ تغميض الع ـيون ، ومدامع ـها ]

غريب السفر والاغرب ؟ احساسه الناري
[ ياكم ناس فرّقها ، وياكم ناس جمّع ـها ] !

على الرغم من كميّة الكبت الاجباري :
[ يبيّن شع ـور الناس لمّا توادعها ] .. !

الذين يشاهدون محتوى الموضوع الآن : 1 ( الأعضاء 0 والزوار 1)

مجالس العجمان الرسمي

تصميم شركة سبيس زوون للأستضافة و التصميم و حلول الويب و دعم المواقع