تفَآصِيْـل [ ـي ] ..!

[نيَـة فراق ..!]

طف العتب ..واوقد شمـوع المواصيـل=وإكتب سماحك .. واترك القلب يقـرى !
بينـي وبينـك يـا حبيبـي .. مراسيـل=لو تنقطع ، ما عاد بـه جـرح يبـرى !
لا تزيد في كيل العتب .. تبخـس الكيـل=وتصير روحك مثل الأيـام .. قشـرى !
رضاك صبح .. وجود غيم .. وهماليـل=وزعلك قفر .. وكسر خاطر .. وغدرى !
مشاعـري ويّــاك ماهـيـب تمثـيـل=لا تختبرها بـ/ الملامـة ،، بالأحـرى !
اصبر علي شـوّي .. وتشوفهـا سيـل=وتلقى لها في عروق خافقـك مجـرى !
ما قلت أحبّك كثـر مـا قلبـك يشيـل ..=مـن المحبّـة لـي ، لكـنّـك ادرى ..
لـو تبتعـد مـات العـزا فـ/ المقابيـل=واصبحت اقلّب لك على البـال ذكـرى !
قم قوّني بـ( محبتك ) .. ما معـي حيـل=لو الجفـا بيّـن .. والأعـذار تتـرى !
ما لي فـ( غيرك ) بعد صبحك .. مواويل=ولا لي بعـد ليلـك ولا ليـل يسـرى !!

[نيَـة فراق ..!]

Exit


ما عاد عندي يا حبيبي [ مشاعر
تحمل زعل ] عشانك تقول : بـ / ارضيك


اشيل لك في داخلي قلب شاعر
وايّة شع ـور أحوّله [ حب ] واعطيك ..!

[نيَـة فراق ..!]

Enter


الحنين اللي على عيني / تشوفه
ما عطاك أكبر دليل اني [ فقدتك ] ..؟


[ رجفة الخفّاق ، واشواقه ، وخوفه ]
ما تدل اني بحثت / وما وجدتك ..؟!

[نيَـة فراق ..!]

من بع ـد غيااااب

أنا [ back ] ..

[نيَـة فراق ..!]

حسبي على اللي فوق الاغصان ناحت
حتى تجرّت واستمالت / شجوني ..!


هزّت قديم الشوق [ في ] واستباحت :
مشاعري ما بين / شكلي ، ولوني ..!


إلين دمع ـاتي على الخد / طااااحت
واحسّها تطفي [ لهايب طع ـوني ] ..!

[نيَـة فراق ..!]

تغ ـيب والا ما تغ ـيب ..؟
[ الله يع ـين ] ..!

انا ..؟
تع ـودت المفارق من زمن !



من كثر ما عاثت وسط جوفي
... [ يدين ] ... ؟؟

حتى الفرح يطلب من شفاتي :
>> ثمن .... !!



اصع ـب من الفرقا وانا ملقى :
[ حزين ] ..؟


تساؤلي :
[ اقفى وخلاني لـ / من ] ..؟

[نيَـة فراق ..!]

عز الله ان الضيق يذكرني / بخير ..! = ما غبت عن باله وطرياه مرّه !
كل ليلةٍ يلفي وضمن المسايير = لو كان مالي منه يا كود شرّه .. !
اقدرّه واروح معه بـ / مشاوير = ابعد من حدود الفضا والمجرّه
واغيب فـ / همومي ومن دون تفسير = اصحى على دمعه ، وغصّه ، وحرّه !
شف كيف دمعي حرّرته المقادير = من عقب ما كان بـ / عيوني مقرّه
وشف كيف في صدري قصيد وتعابير = ولا اقدر اقوله لك ، ولا اقدر اجرّه !
وشف كيف نيرانك بـ / قلبي مساعير = تكرّها ذكراك [ حلوه ، ومرّه ] !
بالرغم من هذا يا [ سيد المناعير ] = طرياك في قلبي ولله درّه
لو غبت ما غابت طواريك بـ / الخير = وصورتك داخل خافقي مستقرّه
ولا انت ؟؟ مالك يا حبيبي معاذير = ومن ضيقتي ما شلت مثقال ذرّه !
ودايم على ذكراي تحتاج تذكير ! = ومالي على رملة طواريك [ جرّه ] !
لو كنت تقطع كل حبال التفاكير ؟ = ما شفتني بين الحزن والمضرّه .. !
اللي بقوله لك ومن دون تفكير = في خافقك كرّره [ مليووون مرّه ] :
ان غبت في وقت القسا والمعاسير ؟ = مابي حضورك فـ / الرخا والمسرّه

notice :

أعتذر لـ / صاحب القصيده [ مشاري البرازي ] عن التغ ـيير في البيت الثامن
فـ / لك سيد الغ ـنادير ،، ولي [ سيد المناعير ] ..

[نيَـة فراق ..!]

على صعيد العلاقات الغراميّه : = قام يتغطرس عليّه غاية مرادي !
تمر الايام ، والاحلام ورديّه = ولـ / الوجد [ رزنامه ] وللشوق عدّادي !
اجاهد الحب بـ / الروح الرياضيّه = وان بادت الذكريات ؟ جروحي جدادي !
ما بادت جروحي ، وعيني شقاويّه = لكن عسى الله يعوضك خير يا فوادي
احذر تضيّع مباديك الحقيقيّه = اللي تعلّمتها من [ يوم ميلادي ] ..

[نيَـة فراق ..!]

تغ ـيب عن ناظري وتع ـذرب / دروبي !
وان جيت ..؟ تسبق قدم رجلك [ تراحيبي ]


عارف وش اللي خذاك ورجّع ـك صوبي ؟
خذاك منّي رداك ، ورجّع ـك [ طيبي ]


يا كبر ذنبك ، لو ان ما هو من ذنوبي
كنّك تقول لـ / هقاويّي مع ـك : خيبي ..!


طيبي بـ / عين الزمن ..؟ ماهو من عيوبي
مع ـك انت بالذات كانت طيبتي [ عيبي ] !


اليوم لاجيت ..؟ لا تستنكر اسلوبي
الع ـام : كنت اكبر من [ شكوكي وريبي ] !

[نيَـة فراق ..!]

حل المسا والحزن في كل مفرق ! = والليل غامض مثل جرحي ومفضوح
وانا خوي الحزن والدمع الازرق = ولا كل حزن بـ / ازرق الدمع مشروح !
غريب ما اشبه للخلايق ولا افرق = عنهم ولكني اعاني من الروح !
نبت في صدري غصن فرحه ولا اورق ! = واورق مكانه بعد يبس غصن نوح !
وانهالت الذكرى على البال واطرق = للي ورا الذكرى من احزان وجروح
ساكت وغيم البوح يرعد ويبرق = في داخلي لكنّي اخشى من البوح
متعلق بـ / صمتي عن البوح لا اغرق = وليا غرقت شوي ؟ حوّلتها مزوح !
اجي لـ / بيبان الحبايب ولا اطرق ! = ليت الحبايب تترك الباب مفتوح !
يمكن يمر القلب مرّه ويسرق ! = [ لحظة لقا ] كانت على باله تلوح ! :)
وان اعتم احساسي من الفقد واشرق = بـ / مرور صاحب ؟ قلت : يا صاحبي روح
رمد شعوري من جروحي لا يحرق = عمرك معي ، والعمر لحظه وبـ / تروح !