(( سجـل حـضورك ببيت قصـيدة أو حـكمة ))

[الحزن دااري]

تزعل واراضيك ,, واتلذذ بتزعيلك=تبي الصراحه ,, انا مجنون زعلاتك
لا قمت تبعد وانا اقرب وادنيلك=وامسك طرف غترتي وامش دمعاتك

[شيخة الغلا]

لا تمادى في الأماني .. والأمــاني مــســتــحــيــلــهـ ''،،
لا توقف فالمسافهـ بين احساسي و ظــلــهـ ؛؛!!
ايييهـ ياللي تحسب إني رايقهـ.. شفني عــلــيــلــهـ ''..
لا تصدق بإني لا صرت اغني مـســفــهــلــهـ ؛؛!!
عـــادة الدنيا على العشاق فاللقـيا بخيلـــهـ ''..
وان بغت تجزل عطاها جابت هجوس،، مــمــلـــهـ ؛!!
بس اقلب ذكرياتي .. ليلـهـ من بعد لــيــلــهـ ''..
والألم بعضهـ ترى يذبح .. وشلون كــلــهـ ؛؛!!
ياترى وش اخــرة صبري على حمول(ن) ثــقــيــلــهـ
''.. هو بقى فالعين دمــع ما نشف .. حتى اهــلّـهـ ؟؟
وانت ياللي تحجج بالهـــوى .. عطني دليلـــهـ ''..
مير ياكثر الهواويــهـ ويا قل الأدلـــــهـ ؛؛!!

[الفرس]

	انا والله ان قدلي شهر مع شهر وليال = وانا احس في صدري بضيقه ومتألم ليا نام بو قلبن من هموم بقعا خال = يطير الكرى كني موقض ومتحلم همومي لحال وهم جرح الزمان لحال= في لم الجروح ولم دم جرح ما ينلم لكن اعتبرها يارفيقي على ماقال= صلى الله على وجه اشرف الخلق وسلم اذا انّ الطّلوع اسهل كثيرٍ من المنزال = طريق العلام وطريق الحدور اظلم

[شيخة الغلا]

أبيات في قمة الروعه والجمال .. شكرا يارائعه

^
^
^

الخيانه تذبح ان جاتك من اثنين ٍ ؟ سوا
لايبررها كلام .. ولا يعالجها طبيب

وين ابلقى لي دوا ؟ لجروح مامنها دوا
بالظهر طعنة ( رفيق ) وبالصدر طعنة ( حبيب )

[عـسـاه خـيـر]

سريت بليل مدري بـه علـيّ وطـوّل المشـوار = ابي شرق وخذانـي الـدرب مـدري باتجاهاتـي
وطال الدرب والغربه على مـن يجهـل الأسفـار = ادوّر خطـوةٍ تـاهـت تخاويـنـي بمتاهـاتـي
واحاول اقنـع ايامـي تساعدنـي علـى الأقـدار = لعـل الليـل يتكـرم ويـأذن للفـجـر يـأتـي

[غـشـام]

مســاء الخـيرآآآت
*
*

هـل بدّل الله القـلوب بغـيرها ؟

ما لي أرى .. الأبواب لا تهواني ؟ = ومن أحـب لا يحـب يرانـي !!
ومـا لأسـوار المدينـة كأنهـا = ألواح تابـوت حـوا أكفانـي !؟
وما لحـراس المدينـة أنكـروا = صوتي و وجهي ورفيع مكاني ؟!

أم أنني ماعدت أنـا إياآآنـي !!

::. لـ أبو منصـور .::

[عـسـاه خـيـر]

مسيت بالمثل عزيزي غشام وكل يسعدني حضورك المتواصل

ابطيت عني ياهوى البال وين انـت = نسيتنـي وإلاّ منعتـك الظـروفـي
تدري اذا جانا المساء مـا تبيّنـت = يظلم جميع الكـون يانـور شوفـي
وشلون لا مرت شهـور وتماهنـت = بين الرجاء والياس يـزداد خوفـي
خايف عليك وخايف منـك لاهنـت = مدري سبب غيبتك واخشى العزوفي ؟

[مهرة النسيان]

مساء الورد


\
\
\

لولا الشجاعه .. ما عرفنا وش الخوف=يا رمـز عشّـاق القلـوب النظيفـه
الساعه اللي دون همساتـك اتطـوف=احسّها ساعـة عـذاب .. وسخيفـه
الى متى حنا مـن ظـروف لظـروف=واشواقنـا حيّـه .. والايـام جيـفـه
اكبر طموحات العمى نعمـة الشـوف=واكبر طموحي معك .؟ لحظه ظريفـه

[مطلق اليامي]

ها نت عليك المحبة يا بعد روحي=تجرح عيووني و دمعي لجلك يهلي

[العفيفه]

مساء الخيرات
.

.

إيه أنا طفلة مدام إن السكوت أصبح طفولة=وإلا متعود ضجيجي يملأ غرورك شماته
يارجل مو بالتحدي عرفوا معنى الرجولة=الرجل: شخص لجل عين الوفا ترخص حياته!