مساجله شعريه .......

[مهرة النسيان]

يا أعدل النـاس إلا في معاملتي=فيك الخصام وأنت الخصم والحكم

[فريج المرر]

من عز نفسه عزه الله عن الناس++وانا عزيز وعزتي راس مالي

مانيب من يتبع سواليف بلاس++اعز نفسي عنه وابعد مجالي

مبعد مجالي عن هرابيد الانجاس++اهل الردى ياجعلهم للزوالي

اللي سوالفهم تجي مالها اقياس++أفلان قال وقال وافلان قالي

اللي بدون احساس يدفن بلا احساس++لاناشدن عنه ولاقلت غالي

[صالح ال كحله]

ياللي عيونك لي وانا ادور لكـ = لبيه لو دارك بعيد ... اجيكـ

[مهرة النسيان]

كلك تعالي غلا والا ارجعي كلك=بعض الغلا منك مايستاهل الجيه
اما تعالي لقلبٍ فز لك كلك =والا اتركيني ما ابي لك بالهوى جيه

[صالح ال كحله]

..هذا هو الدستور في وقتنا الصعب=أما تزيل الصدق ولا يزيلك..
نــافق تعيش و جامل الناس تنحب= و بيع الضمير و تشوف كلن يجيلك..

[الفرس]

كل ٍ يشد الحيـل ويمـس الحبـل

...................................... وان دقّرت يا ربّها .. يـا ربّهـا

ابعد عن المجنـون لادق الطبـل

........................................خذها نصيحـه والمهبـل كبّهـا

[مهرة النسيان]

البارحـة يوم الخـلايق نياما=بيّحـت من كثر البكا كل مكنون
لي ونّـهٍ مـن سمعها ما يناما=ونّة صويبٍ بين الأضلاع مطعون

[الفرس]

نبي نعلمك المساري على الجيش

.................................................. ..تمشي ذلولك لين يفتر جهــدها

[مهرة النسيان]

إلى متى ناوي فؤادي تعنيه=تحرم عيوني منك ياشوف عيني
عمري بلا قربك وشوفتك مابيه =من دونك الدنيا ملل ياضنيني

[الفرس]

يامن يرد الحبيب ويــاخذ اجري

،،،،،،،،،،،،،،،،، قفـّا بلا سبة ربـي حسيبه


ماقــدر الله على المــخـلوق يجري

،،،،،،،،،،،، والعبد لزم تـرى ياخذ نصيبه