(( مساجله من ابداع الشاعر ))

[الفرس]

رماني سهمك القاسي ولا تنشد عن علومي..........عليك الله مقوى صدتك مامثلها صده

انا لوامَ منهو لايمي والجرح مكتومي..............تلوموني ولا ذقتوا طعم من ذاق من جده

[الفرس]

هداك الله وش حدك على اوجاعي ..................ترى والله ماني قد اوجاعك

ترفق بي وارحمني ولا داعي .................... وامر والذي تامر به انصاعك


انا اعتذر على الهاء عشان كذا ابدلته بالكاف عساه ارحم

[محـMـد الـMـري]

لا داعي للاسف يالفرس

انا اللي اسف اني اطلع فجأه وارجع فجأه

لكن يعلم الله انها ظروف لا يعلمها الا الله

تفضلي حرف الهاء

هب لنا ياخالقي مما لديك=رحمةٍ طول العمر نحيابها
كلنا منك وسنرجع إليك=يوم نفسي ماتفيد احبابها

وحرف الكاف

كان من جدك فقولي له تراي=حايرٍ مدري الى اين السبيل
مادري اجيه او ارجع وراي=ابغي الزبده من الهرج الذبيل

[الفرس]

ليل الليالي وش بقى من تواليك...................اللي بقى ياصاحبي منك هاته


اخبر وليفك عن خوافي خوافيك...................وان صاحبك والا الاخوه سماته

اعتذر عن الهاء بس والله عيت علي الا هي

[محـMـد الـMـري]

هجرس بخاطري بعض الكلام اللي=مبغي ابديه يفرح به علي شامت
قلت برمي بعيد هناك لاعلّي=مازعج عيون بعض الناس لانامت

[العرجاني محمد]

تعمنّي سود الذنوب الحاضرات الماضيات=وتذرف دموعي من الندم إلا من ذكرت مجونها
ثورة عقل مدري جهل مدري وماقد فات مات=أمس أمتطي سود الذنوب واليوم أنا مرهونها
جيتك إلهي لك ضعيف وأيقنت إن مابة نجاة=إلا برحمة من لدنك علي تهل مزونها

[الفرس]

اشتكي والا اشتكي والا تراني بشتكي.............. والا اقول ؟؟... ذلة ٍ لغير من له يشتكي

[العرجاني محمد]

ياغايتي يامنيتي يا مهجتي ياأغلا نديم=ياالجادل إللي فارقه بكيفها و بكمّها

[الفرس]

ابكي على حظي المقرود............... والا اقهقه على صغر التماني

[محـMـد الـMـري]

يامحمد رَيّح البال محدٍ لك يثيب=حتى من تغليه عيّا يصرّح بالجواب
يقرا ماتكتب ويَحْسِبْك تكتب في غريب=مادرى انك فيه تكتب ولو حتى ماجاب
يامحمد دُق راس الجرس مافيه عيب=المحبه من إله البشر فيهم تجاب
فيه من يهوى غريبٍ ومن يهوى قريب=كل شي بقدرة الله ومعمول بحساب