لابتـي يالابتـي سقـم المعـادي=لاشتبك بارودهـا والنـار حيـه
الشوامر لابتـي يـوم الهجـادي=محزمي ياعزوتي فـي كـل هيـه
شامرين من صناديـدن عـوادي=في نهار الهوش تقدحنـا حميـه
لازهمنا وأرتفع صوت المنـادي=مانهاب الموت وحيـاض المنيـه
كم عقيدن حدر جموعـن تـذادي=والله اللـي يعلـم السـر وخفيـه
التقيناهـم بخطـلان الايــادي=وعقب اللـي يتقـي ورا المطيـه
فوق سرجن والا من فوق الشدادي=وكل منا يعتـزي ينخـا خويـه
في نحانا دبـرو مثـل الجـرادي=فيهـم البـارود مكـنـا كـويـه
من نصانا يعتلي روس المبادي=ومن عادانا نطح السيه بسيه
أسمعوني يامكثرت الدوادي=الحكي مايرفع النفس الدنيه
وأن رجعنا للكرم وأخذ الوكادي=مايجارينا على الدنيا جريه
العقل يامر بما نوى الفوادي=ضخ دمه في عروق أيده قويه
الكرم والطيب من فعل الايادي=واليدين الحاتميه حاتميه
الولد فينا يقود أولا يقادي=يكسب العليا بدينه لصرميه
لاوقفنـا والله ان حنـا نـكـادي=تصبح الزرقا فـي ديننـا هنيـه
الله اللـي عزنـا رب العبـادي=ونحمـد الله الولـي رب البريـه