...( بنت البــدو ما يجرفن أي تيــار )....
السلام عليكم ورحمة الله وبركاته
صبـــاح الورد
..
..
حار الفكر يرسل جزيلات الأشعار=للي غلاهم من سنين ٍ مديده
يازين مالي بالهوى ربع مشوار=خاوي قليبي!! وش يبي بالنكيده
بنت البدو مايجرفن أي تيار=مرباة جدي عالحياة الزهيده
عريبة الجدين من نسل الأحرار=وافين ربعي من حمولة شديده
ماني من اللي بالخفا كومة أسرار=تسرح..وتمرح تاخذ اللي تريده
أمشي على وضح النقا مشي الأخيار=أعيش دنيا صرت فيها سعيده
أمي وأبوي..وجدي محلّي الدار=هم نور عيني والسعاده الوحيده
خلني أعيش بدنيتي دون الامرار=خلني عن دروب المحبه بعيده
وبآخر كلامي لاتقدم لي أعذار=ياولد (....) يالعزيز الوليده
وسـ لـ ا مـ تـ كـ م
التعديل الأخير تم بواسطة : فهد بن محسن بتاريخ 15-06-2006 الساعة 10:38 PM.
|