ياناشد بخيتـان عـن كبـر سنّـه
ليتك سكـت ولا سألـت السؤالـي
وتنسى سؤال الشيب وش صار منّه
رأسي ورأسـك تاليتهـا الزوالـي
وليتك تعرف القـدر فيـه المحنّـه
وتترك شؤون الناس مالك ومالـي
بـس البلـى غريزتـك مستكنّـه
مثلك كثير مـن البشـر ماتبالـي
كشـف الخوافـي همّهـا تعرفنّـه
ما فكـروا يـوم ٍ بـدور الليالـي
بعطيـك ردي وأسمعـه وأكتمنّـه
ما حب أنا الشمات يسمع خبالـي
بسـرد لـك القصـه بيـاءٍ وأنّـه
يامرحبا بالقاف لا جـاء المجالـي
بديت أنا المشوار مـن دون منّـه
أمشي خضار سهولهـا والجبالـي
وأمتـع الانظـار فـي كـل جنّـه
روضه بها ريح الخزامـى زهالـي
وأسمع خرير الماء ويازيـن رنّـه
من مصدره شلال يجـذب خيالـي
يطرب هدير النوق سمعـي بحنّـه
لا جات تبغى البيت قبـل الزوالـي
وأطيع مـن كلّـف محمـد بسنّـه
وأخفض جناح الذل للـي شقالـي
وأن شفت درب العز ماروغ عنّـه
وأجيب طيب المسك لوكان غالـي
ومن ظن بي ظـن ٍ تعديـت ظنّـه
وأقول قول الصدق والصدق فالـي
وأسامـر نجـوم الليالـي بونّـه
وأهيـض القيفـان فيمـا جرالـي
تطفي هجوس ٍ بالحشـا مرجهنّـه
أقنع بها من هو من الهـم سالـي
هـذا الجـواب وسيفكـم لاتسنّـه
وعساك تعرف رد نفس السؤالـي
ياناشـد بخيتـان خلّـه وفـنّـه
فن الرجوله صعب يابـري حالـي
ممتاز.
صح.السانك.ولاهنت.ابدعت.حقيقه
تحياااتي