سوااالف وخيــــر .. !!!

[يوران]

تستاهل انت واخوك :D

ديمه احمدي ربش انتي ترطنين انجليزي مهوب انا اقول له هييييه رفيق

<< دفشه

وكالعاده طاح وجهي يوم قال امري شتبين

طيب انا موقف صار لي من فتره واليوم ذكرتني به اختي

مره من المراريت جالسه وعندي ولد اختي الصغير باول ابتدائي ويحب يتشابه بالكبار

وانا عادني اسولف الا وهو يطلع من جيبه بوك وقعدت اضحك

قلت خنزنا قد عندنا بوك واضحك

قلت تعال اشوفه

المهم يوم عطاني البوك الا وشوف ذي الشينه جنب صورة اخوي

قلت ياااااااو وش جاب صورتي عندك جعل امك تبكيك

قال كل العيال حاطين صور خوالهم وعمانهم

قلت وثول خوالهم مو خالاتهم

اكثر ماعندك خوالك وعمانك مالقيت الا صورتي تحطها لا وبعد كني فيها هنديه مصوره عشان الجواز

المهم اني هاوشته وخذيت الصوره وشققتها

ولي رجعه مع سالفة الدعمه والبزران << يصلح اسم فيلم سينمائي :D

[محمد الشامري]

الله يسلمش اختي شيخة الغيد

وجعل يجيش ماجاني يايوران خانوم




هههههههههههههههههههههههههههههههههههههه

كان خليتي الصوره عنده عشان يروع فيها البزارين ههههههههههههههه

وناسه ولد اختش ذا ههههههههههههههههه

لاهنتي على ذا السالفه ولاتحرمينا مثيلاتها

[يوران]

لاتخاف قد البزران كلهم متروعين من قبل يشوفون الصوره

قهر ماعاد حد دق باب بيتنا

شكل البوك مر على الجماعه كلهم ههههههههههههههههههههههههه

[محمد الشامري]

ههههههههههههههههههههههههههههههههههههه

عزتي لهم كلهم تروعوا وخلصوا


انا عندي لكم سالفه

هذا طالت اعماركم .. اول ماحطوني مشرف هنيا (( كلمني ابوحمد .. قالي بنحطك مشرف وكذا .. قلت انا .. لابدن اهدا وان شاء الله اكون عند حسن ظنكم ))

عقبن حطوني مشرف .. على طول جاتني رساله من عضو كان معنا في المنتدى .. كان مشرف بعد الله يذكره بكل خير ان شاء الله ذاك الرجال

المهم جاتني رساله يبارك لي .. وانك تستاهل ومن ذا الحكي .. كتب في ’آآآخر الرساله .. بس ليه اسمك برتقالي ؟؟؟

وارد عليه برساله .. ياولد مهوب برتقالي الا هذا هو ازرق ويش زينه

قال لا والله انه طالع عندي برتقالي .. وانا لو قالي ذاك الرجال ان الشمس سودا وحلف بصدقه على طول

عقبن قلت له عادي خله عشان اصير مميز هههههههههههههه

قالي لا يالخبل بيضحكون عليك ولابيصير عندك صلاحيات المشرف واكيد ان ذا الشيء خطا من الاداره .. كلمهم علمهم بالمشكله اللي عندك

وانا كنت عجل .. قريت رسالته ذي وطلعت من النت ..

عقبن اجي وارسل رساله لأبوحمد على تلفونه اعلمه بالمشكله .. عقبن رد علي قال لا ياولد انت لونك ازرق وصلاحيات المشرف عندك ..

واعلمه بالسالفه ويقعد يضحك علي ههههههههههههههههههه

قال ماعليك منه يلعب عليك .. وعادني مستشك

واكلم العوود وانشده قال لا اسمك ازرق

واعلمه بالسالفه ويقعد يضحك علي

دريت ان ذاك المشرف الله يذكره بالخير كان يلعب علي ويبي يضحك الناس علي

ورجعت واحرقته برساله ناريه بس ويش الفايده بعد ماخلاهم يضحكون علي ههههههههههههه

[أبو مسعود]

محمد نفدى قلبك يصير احقق في السالفه ولا لأ \

[محمد الشامري]

ههههههههههههههههههههههه

يصير لبى كبدك

انت اذا ودك بشيء يصير بيصير لو انه ويش

ياااويه صدق ابومسعود يبي شيء ولايصير ؟؟

مستحيييييييل

حقق منا لين تعجز طال عمرك

هههههههههههههههه << ثقه

[أبو مسعود]

هههههههههههههههههههههههههههههههههههههههههههههههههه هههههههه


يا لبى عمرك الوعد قدام اكتب شي ذلحين

[محمد الشامري]

شي




<< هاه وش بتسوي




ههههههههههههههههههههههههههههههههه

[بدر العرجاني]

السلام عليكم ورحمة الله وبركاته

أما سالفتنا اليوم يا طوال العمار


كان فيه إثنين من الشباب (واحد ولد عمي والثاني أعرفه عز المعرفة) راحوا لجدة ما أدري والله وش عندهم من الأشغال يبون يخلصونها

المهم يوم جاء يوم وهم اللي يتفقون يبون يروحون لمطعم وكان ذا المطعم فخم جدا

المهم صبيان بدوة متعودين على مطاعمنا العايدية وجلسات أرضية وباب المطعم من حديد وفوقه شبك بعد (كن أحد بيسرقه)

لكن ما أدري وش اللي خلاها تمسك معهم ذاك اليوم على مطعم فخم

المهم مالكم من طويلة

يوم أقبلوا على المطعم لين قزازة نظيف من جد

تقول ما فيه قزاز من نظفه

المهم قام ذا الرجال اللي أنا أعرفه وجايك مسرع وهو ما شاء الله عليه جثة

وقام وصقع رأسه في القزاز وما وعى الأ هو طايح في الأرض والقزاز صار كنك فارمة في فرامة

هههههه

والمشكلة إن ذي واجهة المطعم

المهم رفيقنا جلس عند رفيقه وهو منسدح وأهل المطعم جاوك مسرعين ناوين بالشر ما أدري هم مصريين أو أتراك

الذيابة خويانا دروا إن أهل المطعم يبون يفتحون لهم سالفة هم في غنى عنها عشان ذا القزاز اللي أنكسر

قالوا خلنا نتغداهم قبل يتعشونا وأنطح الهوش بالهوش تنجى مثل ما يقولون

المهم جاوك أهل المطعم يوم أقبلوا على رفيقنا ودرى إنهم قريب قام يون ويتوجع (بدت اللكاعة)

آآآآه يرأسي

آآآه يرآسي

والله ما أخليهم

آه يرآسي

بدوخ

بدوخ

تكفى يا ... أمسك رأسي

المهم عمال المطعم جاهم بلى وقالوا ذا بيورطنا في قضية ذلحين وبننشب مع الشرطة والبلدية ويمكن تعويض

وقاموا وشلوا الرجال داخل المطعم ورشوا وجهه بالماء البارد وعطوه عصير

وقالوا له سلامات وإحنا وإحنا من الحكي اللي أنتم خابرين

عاد يوم شاف خوينا الموضوع صار من صالحه ويآخذ شوي وهو منسدح عقب يآخذ شماغه ويطلع من المطعم وهو يتمايل في مشيته على باله تعبان وما أقن على الله متى يركب في الموتر ثم يكفخ

إن شاء الله أعجبتكم

[محمد الشامري]

هههههههههههههههههههه

ايه بالله اعجبتنا هههههههههههههههههه

انطح الهوش بالهوش تنجى هاه هههههههههههههه


لاهنت ياولي العهد ولاتحرمنا مثيلاتها يابومحمد