(( سجـل حـضورك ببيت قصـيدة أو حـكمة ))

[مهرة النسيان]

الذكي يفرض على الناس احترامه=والغبي عمره يـروح ولاتسنّـع
قيمة الرجّال تُعرف من كلامـه=والرجل عن زايد الهرج يتمنّـع

[مهرة النسيان]

يابوي لو قالوا لـي اختـار مخلـوق=تعطيه مـن باقـي سنينـك عطيتـك
كلش سوى الله ثم رضاك انت ملحوق=لوعشت عشر اعمار فيهـن فديتـك

[شيخة الغلا]

من قرآني فكر ولاّ شعر واحتـاج الهويه
بنت شيخٍ دون ربعه ماذخر مـآل وعيـآل
قد غذآني( يرحمه ربي ) على كسـب العذيـه
وقد نهاني عن طمآن الهرج والجرف الهيآل
لين صرت الكبريآء بكـل مآتعنيـه فيـه
في قصيدي في حديثي في الحقيقه والخيآل
لي طرف لو دِيِِس والله لأنقلب ( ذنب وخطيه )
ولي خفوق لو تهادى ذوب * نجوم * الليـال

[أميرة الإحساس]

أنـــــــــا منهو حمــــــــل همه على راسه تقول عقال
مـجـاديـف الــزمـــــن دارت عــلــيــه ونـسـف الغترة

أنا مـنهــو فــقــد صــوتــه وبـعض الصوت به مازال
دعـــيــــت الله يــفرجهـا عـــلي وبـــحت النــــــــــبرة

[الفرس]

لارقت .. ماللهم شرّيه وبيعـه=وآناستي دايم .. على مثل ماهيّ
والا ليا ضاقت علـيّ الوسيعـه=ماعاد تسوى عندي المملكه شيّ

[يوران]

أحيان ودي أطيح من التعب وأزري = وتشيلني عــزتي ..وسلوم جــداني

[الغروب]

ترى الكرامة جرحها له نزايف = واللي تمسه طعنة الهرج بيبوح

[الفرس]

تبختري يا نشوة العاشق على القلب الجري=في ذمتي واقسم قسم .. ما هزني مثلك مره

[يوران]

وش علام الحزن عيا لا يروح = وليه ما جفت دموع البارحه
ابتسم والروح لأقصاها تنوح = والوكاد دموع عيني فاضحه
دنيتي جرحي ودنياهم مزوح = مثل مرج الماء فرات ومالحه
أشهد ان العمر مكتوب بلوح = وما لغصات الموادع شارحه
وأشهد ان أقسى من آلام الجروح = حاجة المجروح للي جارحه

[عبدالهادي ال كحله]

مافيه طاروقٍ من الشعر ماقيل=ومن قال ..لا..قلنا تفضل وقلهاا
ألاأن كلاًله ازروع ومحاصيل=مثل الايادي تختلف في عملها

*علي بن بلال