يا ابن سعيدان انت ترجم للرطين

[هداج تيما]

لا هنت استلم

يا بن الرجال الطيبين الغانمين أعرف مشاكيل العرب وأقرومها=من روس قوم(ن)بالوفاء ندريبها تكفخ قرانيس الهدد بسبوقها
مانيب أشاور غير مثلك خيّرين وأعزاز الأنفس عزّها من قومها=وأنا الهروج الضايعه ما اجيبها وأحلافنا واعهودنا ما ابوقها

[العمري]

الله ياسلام ياشعار لاهنتووووووووو

[بن سعيدان]

استلم ياهداج تيما والله لايهين المتابعين:

وانتوا كفو حطيتوا القاسي يلين من يومها من يومها من يومها=بس الذبيحه لازم تزوزيبها وايدين خلق الله دون حلوقها
انا اشهد انك شيخ وان عقلك رزين اعقولكم تالي الزمن وش قومها=اهل الدوادي يقطع الله صيبها المحلفي عز الهنوف وشوقها

[هداج تيما]

العمري لا هنت
استلم

أليا أجتمعنا راحت العالم طحين شرق الجبال السود غرب أحزومها=كرامتك يا شيخ ما نبطيبها تبي غروب الشمس وألا اشروقها
اهل الدوادي من غثاهم راحلين للديره اللي ما تحوم ارخومها=نعمين في عليا وفي خطّيبها والجوهره وأسعارها في سوقها

[بن سعيدان]

استلم:

الله يعز شيوخ دار القبلتين اتخلي الصّيام تقطب صومها=والا الشفار الحمر بنذكيبها والجوهره ترجع على صندوقها
بنجيك لو نستاجر لنا لومزين مادام دارك طيبات سومها=والبنت ياوجه محلف حليّبها وان قاله الله صرت اساوي موقها

[بن سعيدان]

المعذره البيت االثاني
...........مادام دارك طيبات رسومها

[أبو ناصر]

صح السانك ياهداج و صح السانك يابن سعيدان

[حبيب]

الله الله صح السنتكم ياشعار

سجلوني متابع

[أل سفران]

صح السانك ياهداج و صح السانك يابن سعيدان

[هداج تيما]

ابن سعيدان مشكور لا هنت وبيض الله وجهك
سمو الامير لا هنت وبيض الله وجهك
حبيب لا هنت وبيض الله وجهك