وحشة ٍ بالقلب من عقب الاحباب
تخنق انفاس الفرح والسعاده
ذكركم حاضر ولا لحظة ٍ غاب
يحرم افكاري هدوء وركاده
للحزن فيني قصور ٍ وأبواب
بالحزن همّي لقى استفاده
الزمن ياخذ ولا مرة ٍ جاب
وان عطى جا بعدها واستعاده
يادموعي سيلك اليوم بأسباب
يالهيب الشوق ليتك رماده
ذا شبابي من عقبكم ترا شاب
بس انا قلبي تصابى وداده
المشاعر كنّها اليوم أغراب
تاهت بصدري تدور فؤاده
والهواجس طارت طيوره اسراب
هاجرت والجفن هاجر رقاده
طيفكم سكّر بعقلي انا ذاب
يامرارة هالفكر بابتعاده
الليالي عقبكم كنّها احجاب
والفجر يشكي الظلام اضطهاده
وسلااااامتكم