كويت الماضي ودبي اليوم وقطر المستقبل
كوني مواطن بحلم وتمنى أن مسجاتي تصل لسمو الشيخ ناصر المحمد
أبشرك عندك اليوم ربع الشعب مديون من هالبنوك ومن بعض ذوو الكروش المنتفخه التجار الجشعين عليهم ضبط واحضار من 100 دينار الى 100 ألف دينار
عندك اليوم بعض الاسر والله ما يأكلون ماجلتهم غير من التمويل ! ويوقفون طوابير ويدفعون أرباع ونصاص يالله المستعان يدل على قل دخلهم.
عندك البعض من أول الشهر مايقدرون يودون عيالهم ألعاب ولا يشترولهم من الجمعيه لقل دخلهم ولا ألتزاماتهم ؟
عندك متقاعدين يضربون أخماس بسداس وقلوبهم أتعصر على حال منظر بيوتهم اللي كله جيري ونصه منهدم مايقدرون يعدلونه ؟
بس أبشرك رقم قل دخلهم
ورغم فقرهم
بس والله أغنياء بحب الكويت وحكامها ويدعلولكم ليل ونهار
وهذا غيض من فيض وصابرين وبيصبرون
أولا بقول وبخص بقولي لك شكرا من القلب على هالموضوع وخل نتمنى 
ثانيا رسائل msm
وزيرة التربية : كفايه عدم أهتمام برواحح بناتنا وعيالنا هذا وباء كفانا شره وأنتي كل يوم طالعه وكأنج تعاندين نفسج والله بيتنا مافيهم اللي بداوم
يخسرون نص سنه وسنه ولا نخسر أرواحهم ربي يحفظنا وياكم من هالوباء
أنا أقول لكل ولي أمر طالب أو طالبه أصيبو أطفالهم بهالوباء أتمنالهم الشفاء وقبل لا يأخذون عيالكم المصل المضاد ودوهم للوزيره خل يصافحونها ويسلمون عليها .
وزير الصحه : يامعالي الوزير أنت محاسب أمام الله قبل لا تتحاسب أمام الحكومه والشعب عن هالمرض وهالوباء الفتاك اللي أصابنا واللهم لا أعتراض بس من الاول وغالبية الشعب يذكر تصريحاتك
أول ما أنتشر الوباء بالعالم
صرحت تحديدا أن مطار الكويت أمن وأنكم ركبتو 11 جهاز وأكدت مرارا أن مستحيل حاله تدخل
وثاني يوم أكتشفو الاخوه بالبحرين أربع حالات قادمين على طيرانا من لندن وتصلو عليكم وستدعيتو الركاب ولقيتو أكثر من 6 أشخاص مصابين وأهل الكويت يذكرون
بعدها صرحت لنا أن المصل المضاد متوفر ويكفي سكان الكويت كلها ولمن بدأ يفتك هالمرض بالشعب أكتشفتو أن الادويه منتهية الصلاحيه !!!!!!!!!!!!!!!
طيب ليش ماوجهة رساله من الاول وصرحت للحكومه والشعب أن هالمرض مع دخول الشتاء يسبب الموت حسب تصريحاتك اليوم ؟؟؟؟ ليش هالسكوت ؟
ولا أرواح البشر عادي عندك طيب يامعالي الوزير أنت وينك كل هالفتره ؟ وين خططك ؟
البلديه والاشغال (بيض الله وجهكم على قضية الـــــمــــجــــاري وما وصلت له) أكرمكم الله
بس والله هذا أخرت الاهمال بوزاراتكم .
وزير الشؤون يامعالي الوزير يا سعادة اللواء محمد العفاسي الفساد موجود وتجار الاقامات موجوده بس ما نسمع الى مواطنين وشركات وهميه ؟؟؟؟؟؟
طيب والشركات الكبار خط أحمر محد يجيهم ؟
ولا حيل هالوزاره على المواطن الغلبان !!!!
أجل مدراء أدارات يعششون بأداراتهم ويتكسبون من وراها ما تعرف تدزلك مندوبين يشوفون حال أداراتكم ؟
خذ عندك مثلا
أراجع أحدى أدارات العمل وأقسم بالله أن الموظفات يطردون الكويتيين شر طرده وياويل ويله من يرد عليهم يعذبونه طلبات ويدخل مندوب شايل جهاز هاردسك مفرمته لها ومسلمه لها ومزندها معاملات وحنا بره والمصري أبو هاردسك يضحك وداخل الكونتر معاها ؟
وين حقوق أصحاب العمل من أداراتك فكنا من وراثة كراسي هالمدراء .
وزير الداخليه نبي نعرف مصير الخمسه مليون يريت تصرح لنا بارك الله فيك أخر مستجداتها .
وزير الماليه فكنا من تصريحاتك يوم يتنظرون للقروض ويوم لاء قبل كم يوم مع سالفة المجاري كرمكم الله بتريحون المواطنين والنواب قلتو سنعيد النظر بجدولة المديونيات وجرائد اليوم رافضين النظر فيها وتقول ماناقشتوها يالشمالي قبل كم يوم
أمر رئيس الحكومه الاماراتيهاخراج 604 مواطن ومقيم مطلوبين على قضايا ماليه وصادره فيهم أحكام حبس
ليش حكومتنا ماتبادر هالخطوه دائما سباقه بدول العالم حنا بعد نبي خير حكومتنا لنا؟ .
وزير الخارجيه يامن نحب ونحترم وأنت من نسل وذريه محبوبه لدى كل شعب الكويت قبله أبوك رحمه الله ومن بعده أخوانك رحمهم الله لا تنظرون لا لديون العراق ولا غير العراق شعبك اولى من غيره
وأوباما هذا خدعنا عقب تصريحاته والحين بيت النيه لديون العراق تكفه ياشيخ محمد خلو خيركم للشعب
وزير الدفاع جابر المبارك مبارك عليك الشهر نتابعك بالايام الجايه .
معالي الوزير احمد الفهد لنا عوده لك لا تحاتي.
معالي الوزير احمد راشد الهارون نبي نعرف أخر الاراضي اللي ثار عليها البلبله بصبحان القسائم الصناعيه ؟ شصار عليها ومنو أخذها المنتفعين بس :9 المواطن يغسل أيده ؟ وأرض الدائري السابع منو له اللي فيها التريلات تخصصت له ولا للحين مثل ماقيل وضع اليد ؟
معالي الوزير احمد العبدالله عسام على القوه ولنا عوده لك رصيدي خلص ماقدر أدز رسائل .
معالي الوزير الدكتور بدر شبيب تكفه ياولد عطا لا تشرب قلاص ماي وتقول من بحرنا والله مستبشرين فيك خير تكفه ولا بنهلك عطش يالغالي .
معالي الوزير روضان عبدالعزيز يامن نحب ونحترم ونقدر كلكم واحد بس أنت بزياده وين فزعاتك وهباتك ومطالباتك للشعب ؟ علامك مالك بينه بالجرائد الكرسي غيرك ولا أشغلك عن الشعب ؟
معالي الوزير الدكتور محمد محسن البصيري تكفى يالبصيري شسويت بموضوع الموظفات المسائي مالهم غيرك أنصفهم يالبصيري وهقوتنا فيك طيبه !!! ولا هالكرسي أشغلك ؟ الله وعلم وننتظر فعلك ان شاء الله .
معالي الوزير راشد الحماد فيه من ابنائك وبناتك يامعالي الوزير عليهم ضبط واحضار بعضهم من أيام وبعضهم من شهور وصدرت بحقهم ـحكام قضائيه بالحبس
تكفه يامعالي الوزير كونك رجل فاضل وكنت رئيس القضاء الاعلى ولك باع طويل بهالقانون ماكو طريقه تمهلونهم كم شهر خل يطلعون يحاولون عقب هالحكره والتخشش أنهم يطلعون يدبرون أمرهم وتفرح قلبهم بهالعيد ! .
أما نوابنا الافاضل فمالي أي رساله لهم لآن هم أبخص بواجباتهم
وهم وصلو الكرسي برغبة الشعب ونحترم هالرقبه سواء أيدناهم او أختلفنا معاهم كل مواطن يحاسب ناخبه بمعرفته
أنا رسالتي لاربعه
ماودي أذكرهم واحد سقط ياحسافه عليه
وثلاثه نجحو ومع الاسف أخذت مقلب فيهم لآنهم أثبتو فعلا أنهم ناس مالهم كلمه
وهم قول أقوال لا أفعال ياحسافه عليهم بس
واحد حكومي بصام
وأثنين مالهم مصداقيه مع الاسف
10-09-2009, 05:53 AM
رد: رساله الى الحكومه والمجلس شارك برساله؟؟؟
العرض العادي
المواضيع المتشابهه
