يا اسامه القاف يشرّ عليك

[بندر العجمي]

الختام عندك يا اسامه

وصح الله لسانك والله لايشينك وووجهك ابيض

[اسامة]

صح لسانك

وبيض الله وجهك

[هادي بن فهاد]

بندر العجمي

ياصحيبي عليك القاف تشر سهومه = بعد ماطحت فالميدان طيحت حصاني
كل ضيف لفانا عارف وش سلومه = وانت طفيت ضوك يالله المستعاااني

:

اسامة

كبوة(ن) ياصحيبي ماتقهقر عزومـه=والثقة ماتزعزع من هجوس او معاني
كل ضيفاً يّـدور للعشـاء لا تلومـة=مير بعض البشر ياصاحبي مايدانـي

:

بندر العجمي

شبكتك من ثلاث ايام جات معدومه = والتماس اتصالك عجز الكهرباني
يوم شبت شراره ولعت في هدومه = وأن نصحته تقلب والزمن قلباني

:
اسامة

لو شبكنا سلوكه لو دفعنا رسومه=الخطوط القديمه ماعليها ضمانـي
الرسايل تراها.. ف البريد امختومه=والحروف الكبيرة ماتبي ترجماني

:

بندر العجمي

كابتن الباخره ياليت كنسل قدومه = قبل لأيسبب الزحمه بصدر المواني
اكثر الناس ذوده هاملات وسومه = والهمل مايقربها شعيل العماني

:
اسامة

كل حراً يجيله من ورا الحـوم حومـه=والمخالب توقع في ظهـور السمانـي
كلمتك واضحه والعـز ربـي يدومـه=اقرب اشوي واجلس ياصحيبي...وزاني

:

بندر العجمي

انت حرٍٍٍٍٍ ٍ ولكن فيه من ريش بومه = ماكفخ له جناح ولاتعدا مكاني
جعل ربي يسامح كل نفس ظلومه = والعشر يارجال الشعر صارت ثماني

^^^^^^^^^^^^^^^^^^^^^^^^^^^^

بندر العجمي &اسامة


الله لايهينكم على هذي المحاروة

وبيض الله وجهكم

[بندر العجمي]

هادي


مرحبا والله لايشينك وشكراااا لجهوووووووودك الووووافيه