سوااالف وخيــــر .. !!!

[أغراب]

ههههههههههههههههه اقسم بالله اني مت ضحك على سالفة العرجاني بدر ... والله اني اضحك والي عندي ينشدون واقرى لهم القصه وكلهم يضحكون عليها ...

ذي القصه حقته ضحكتني وذكرتني بقصه مشاببه صارت لاحدى ربعي يومنا كنا بالجامعه ..كان لنا غرض من واحد من الدكاتره ورحنا له لين مكتبه ويومنا وصلنا للمكتب .. الاخت مدت ايدها على الدكتور تسلم وهي لا اراديا طبعا ...

انا من الصدمه معاد دريت وش اقول وكنت عارفه انها الي من النوع الي يرتبك ولما ترتبك ممكن تسوي اي تصرف...

عاد الدكتور شافها مدت يدها وقام وسلم ... المهم اختبصنا وهي معاد قدرت اتحكي وانا ضحكت من خاطر معاد قدرت امسك حالي...

وهي تمت واقفه لا تضحك ولا شئ... عقبن اقول للدكتور السموحه منك بنروح وبنعود بعدين ...

وطلعنا ..واتصفق انا وحن طالعين ضحك وهي ولا بالدنيا ..ووجها غادي احمر وتنتفض عقبن اواسيها وقلت يا بنت الموقف عادي" وطبعا ودي الموت ولا الي صار" بس عشان هي شوي تهدى ...

وجلنسا برى حروة ساعه كامله انا احكي وهي ساكته...
وعقبها فجأه تنفجر وتبكي من خاطر ... وتقول اقسم بالله مدري كيف صارت ذا الحركه مدري ..وبعدين وهو وش قومه يسلم جعلها السلال...

هههههههههه ...

[غرور]

محمد الشامري
تسلم على الموضوع عزالله موضوع طيب >>>> لانه فيه سوالف

استلموو السالفه
بقولكم سالفة صارت لي الأسبوع اللي راح ايام العيد يعني

ابوي واخوااني كانو مسافرين واختي الكبيره كانت ببيت خالي

المهم كنت انا واختي الساعه يمكن 11 بالليل انا كنت على النت وهي تطالع التلفزيون

انا رحت طلبت عشاء لي ولها بس ماقلت لهاا اني طالبه امي كانت نايمه طبعآ

يوم جت الساعه 11:45 وصل الطلب وكالعاده طق الباب << مسويه اكتشاف

انا طلعت واختي يوم سمعت صوت الباب جت تركض عندي يعني من جاي بهالوقت والبيت

مافيه رجال

تقابلت انا وياهاا وهي خايفه وتصارخ واصاارخ معهاا << قدام بعض وصراخ

انا ماادري وش السالفه وهي ماتدري وش السالفه

ضحكنا ضحك على أشكالنا غبيه الله يصلحنا

قالت الباب يطق قلت لها طيب ماجبتي شي جديد

وقلبناها سوالف ونسيت الرجال برى

وشوي وتطلع امي تلعن خيري لي طالبه بهالوقت وهي نايمه

حرمت من بكرى اذا يوم طلبت سويت اعلان قبل اني بطلب عشان مايتكرر اللي صاار

[ملكعه بس غير]

والله جايه زهقانه بس من قريت موقف اغراب اني مت ضحك ههههههههههههههههههههههههههههههههههههه
الله يستر عليها اجل وصلتها للبكى ههههههههههههههههههههههههههههههههه
بالله سلمي لي عليها وقولي لها ترى مافي منش اثنين انتي :D
الله يسعدش انتي وياها

وياغرور عندي لش فكره اطلبي تالي الليل بس قولي له لاوصلت عند الباب لاتدقه ولابيطلع عليك بابا ويسوي لك جنجان سوي تلفون وانا اطلع لك<< اسألي مجرب

[شيخة الغيد]

الله يعطيك العافية على ذا الفكرة الزينه ياخوي يامحمد

عندي لكم سالفه ولاهيب سالفه
هي احداث<<<< صارت مسلسل ههههههههه

الموهم الاجازة اللي فاتت قررنا نروح للرياض حنا ومعنا ثلاث عوايل
قلنا نصيف ونستانس نوسع صدورنا
كنا ثلاث سيارات وماشين الساعه 6 الصباح<<احد يمشي هالوقت؟؟
قيظ والشمس صاقعه على روسنا ومكيف السيارة خربان
وانتوا حلوها..
وطول الطريق نراقب بعض وين آلفلان؟؟ ما شفناهم ونتصل ونوقف لين يجون وشوي نوقف عند البقالة نص ساعه وشوي عند الاستراحة حشى رايحين باريس (الطريق كان 5 ساعات ومعنا صار 7 ساعات)
يوم جت الساعه 1 الا وحنا واصلين بالسلامة بعد عناء طويل وجا دور الشقة طبعا كلنا دايخين وتعابا وفاطسين حر يعني اول شقة بنستاجرها لو انها بالف في اليوم
وندور في ذا الشوارع وكل مالقينا شقق نلقاها فل مليانه..
وحالتنا حااااله( قلنا الظاهر نهايتها بنروح لمصلى اي واحد من المساجد ونرقد فيه)
وبعد حوسه ودوسة لقينا شقق وخذينا وحدة للرجال ووحدة للحريم
المهم قمنا نتباشر وندخل كلن يدز الثاني ويوم دخلنا للشقة تفاجأنا انها صالة وغرفة ودورة مياه فقط لاغير؟؟!!!!!!!!!!!!!!!!
ثلاث عوايل وبزارينهم يدبون قدامهم وين يرقدون ذولي؟؟المهم تصرفنا كلن رقد في زاويه اما انا رقدت عند باب الشقة <<<حارس عشان البزران ما يطلعون
لانهم فشلونا شقة الرجاجيل في الدور الاول وحنا في الدور الثاني والبزران طالعين ونازلين مع ذا الدرجان تفحيييييييييييييييييييييطوانواع الازعااااااااااااااااااااااااااااااااااااااااااااا اااااااااج اللي ماله نهاية حتى المسؤول عن الشقق قام يتصل على رجالنا ويشتكي << ما مداهم هذا كله بنص ساعه
المهم نطقها نومه لين الساعه 10 بالليل من شافنا قال مرشوشين بفليت منطلين بكل مكان وعجايزنا ثنتين معنا عطيناهم الغرفة عشان محد يزعجهم وانحشرنا في الصالة كل ابونا ويوم قمنا الا الجوع ذابحنا والرجال ما يردون على جوالاتهم والبزران راقدين يعني ما نقدر نوصيهم وقلنا مافيه الا نتصل بالريسبشن وناخذ رقم مطعم ونطلب (طبعا هذا كله وخاااايفين من التهزيء لو يدرون العيال اننا طلبنا)
وناكل ونحرق جوالاتهم عليهم من كثر الدق لين قاموا واول ما قاموا قلنالهم يالله بنطلع << مخفات مافيه شي اسمه راحة على طول حامي بحامي عطونا وجه وزودناها ههههههههههه
قاموا العجايز وقالوا ماحنا برايحين حنا تعابا قلنا بصركم اجلسوا بلحالكم وحطينا التلفون عندهم عشان ندق عليهم كل شوي..




اذا مليتوا صكوه وكملوا بعدين
<<< راعية طويلة خخخخخخخخخخ

ونروح للملاهي المهم استانسنا ورجعنا الساعه 6 الفجر
ويوم جينا قلنا لازم ندور على شقة كبيرة ولقينا شقة وغيرنا موقعنا
عاد الحين صارت شقتنا بوجه شقة الرجال والبزران لقوها فرصة يطلعون من عندنا وصقع بالباب لين كل اهل العمارة يسمعونهم ويدخلون الشقة الثانية وصقع بالباب وطبعا الموضوع ما يخلى من اصدار بعض الاصوات والهواش والخناقة عاد السوداني ارتفع ضغطه وكل شوي داق على الرجال ويشتكي ولا حياة لمن تنادي
(جايبينهم يستانسون مهوب نهاوشهم ونسكتهم)
ما صارت وناااسة عااد
رايحين وراجعين كل دقيقتين للبقالة عاد حنا خذينا الشقق اسبوع
<< ما صدقوا لقوها
والسوداني على اعصابه كل يوم يدعي متى يخلص الاسبوع يارب؟؟
عاد حنا استانسنا لولا قلق ذالمبزرة ويوم خلص الاسبوع ويحلف السوداني ماعاد يأجرنا لو يصير اللي يصير ونقوم نعود بالسلامة لديرتنا

وسلامتكم

(( صارت قصة مهيب سالفة))هههههههههه

[محمد الشامري]

ماشاء االله ماشاء الله

ههههههههههههههههههههههههههههههههههههههههههههه

الله يضحك سنونكم كل ابيكم

سوالف شيء هههههههههههههههههههههههههههههههههههههههه

اللي تبكي واللي انزفت واللي طقت ههههههههههههههههههه


لاهنتوا جميع يالربع ومرحبتين كبار بمروركم ومشاركتكم نورتوا الموضوع ايه والله

ونبي بعد يالربع

ولاهنتوا

برايفت حراب .. ياولد حنا يوم جيناهم قرا عليهم المطوع .. يعني مهوب سكوون .. غير مدري ويشهم

ههههههههههههههههههههه اجل سكني صعيدي هاه ههههه

[أغراب]

صباح الخير مجددا في ديوانية سوالف وخيررر...

الي حصل يا وجيه الخير ..ليلة العيد طلع ابي واخي الصغير وخواتي الثنتين الصغار للسوق...

المهم يومهم دخلوا محل ... الهندي يعرف ابي زين ... ويعرف خواتي... يومه شاف اختي الصغيره سأله سؤال والمكان مزحوم وليه ما انتي بلابسه نفس اختش ... لانه متعود يشوفهم اغلب الاحيان بنفس اللبس كنهم توأم...

عقبن ترد عليه وتقول مالك خص... " مطنقره مره " واكره ماعليها يوم يجي واحد غريب وينشدها عن شئ خاص بها ....

عقبن قرب منها وقال تعالي حبيني ...وعيت ... قام شلها وحبها..يومه يحبها تفلت عليه ههههههههه واطلعت تربع برى المحل وجلست في السياره ..وطبعا ابي واختي الثانيه بالمحل ..

ابي ما شاف الموقف واختي الصغيره الثانيه شافته بس تمت ساكته...

يوم راحت ذيك الي تفلت على الرجال للسياره عينت اخي الصغير فيها..ودخلت وجلست تبكي...

وتقول كذا : حمار .. تيس... حمار ... تيس ... حمار ...تيس .. قليل أدب...

قام اخي ونشدها وش فيش وعلمته ان الهندي يبغى يحبها ويومه حبها تفلت عليه ..قام هو تفل عليها هههههههههه

طبعا اخي مسوي فيها رجال ... قام نزل من السياره ورح للهندي ... وفرد عضلاته قدام أمه محمد ..وقال انت يا القطو الأسود وليه تفل على بنت صغيره ... من زين وجهك تحب البنت ...

ابي شاف اخي والناس وكأن على رؤوسهم الطير... جا ابي وقال ياولد عيب...

قال لامهوب عيب وليه يومه يحب البنت ويتفل عليها ..أخته هي ولا بنته عشان يحبها...

ابي قال انا لفيت عيوني في المحل كامل ادور على البنات ..قال عينت وحده والثانيه لا...

وقام يبي يتفادى الموقف وقال ياولد ما حصل الا الخير وهو اصلا مهوب فاهم السالفه بس قال ابي الموقف يمر عادي....

وطلعوا ... ولما وصل للسياره نشد اختي وعينتها تبكي ... وتقول حمار ..تيس..حمار ...تيس ...حمار ...تيس...

يحاول فيها عيت اتحكي ... وقام نشد العيال وعلموه وهي معلقه على ذا الكلمه وتنتفض من الخوف ومن سؤ تصرفها ...

جابها ابي للبيت وهي مثل الببغاء نزلها .... ونزل العيال ...وفهم السالفه كامله ...

ودق على راعي المحل ..وقال وليه يومك تفل عليها...
قال كذا" أرباب انا في يسوي حب ... هيا يسوي تفو ... انا بس زعلان عشان انا يسوي حب وهيا يسوي تفال وبكره عيد....

طبعا ابي معصب كان جدن ... لكنه تم يضحك عليه ... وعود للمحل وحاسب الرجال .. قال بس ابغى اعلمك شئ ...

لو فرضا ان البنت اغلطت ... تشوفه صح انك رجال وش طوله وعرضه تفل على بنت ست سنين ...

قال خلاص ارباب انتا يجيبها وانا في يسوي حب واذا هي تفل انا مافي تفل بس يسوي حب ههههههههههه والبنت متعقده من حبته ومن كل شئ فيه

قام ابي ايتصفق ويقول لا حول الله ولا قوه

هههههههههه وبس ...

[محمد الشامري]

ههههههههههههههههههههههههههههههه

وين اختش ذي خلني احبها ههههههههههههههه

بحبها وبطق وان كان فيها خير خليها تلحقني وتتفل تكرمون


اغراااب الله لايهينش على ذا الدرر طال عمرش

والله يخلي لش كل من عز عليش

وتقبلي تحايا اخيش محمد الشامري

وترقبوا سالفه قريبا

[ديمه]

وترقبوا سالفه قريبا

دعايه؟؟

حلوو الموضوع ويايوران ننتظر مواقفك ههههههه

طيب انا مره كنت بمحل نثريات في مجمع راقي ناديت على العامل

اسئله على شغله وكنت اشرح اللي ابيه طبعا كنت ارطن انجليزي على بالي

اللي قدامي هندي!!!

المصيبه انه يوم رد قال :زين اختي هالقطعة توفرت عندي بلونين بس لو بغيتي ألوان ثانيه اقدر اطلبها لك

وانا هنا كل اللي قلت :اووه

ثمن تلفت كان ودي اقضب الباب بس طلع بعيد وانا من الفشله استطرمت
يعني بلمت البنات اللي معي قعدوا يضحكون :embarasse

هو دري اني انحرجت فطالعهم بنظره معصبه ثمن قال لي عادي اختي انتي مو اول وحده وضحك :teeth:

هنا انا بردت مصيبتي بس عادني منحرجه ثمن قلت له انا اسفه ورحت

قعد ينادي اختي ماتبين اوفر لك اللي طلبتيه بس انا ماعاد التفت وطلعت من المجمع بكبره

[محمد الشامري]

ههههههههههههههههههههههههههههه

هونتي من كلش عقب الفشيله

ههههههههههههههههههه


لاهنتي ياديمه على مرورش ومشاركتش شرفتينا طالت عمرش

انا عندي لكم سالفه

في اواخر رمضان اللي طاف ذا يمكن يوم 28 او 29 ..
كان الصبح قبل لاتطلع الشمس .. كان الجو حلو وفيه براد شوي
المهم رحنا البر انا واخي وواحد من الربع
قعدنا نفتر في ذا البران ونسولف ومدري ويش يمكن خذينا لنا ساعه ونص

عقبن انا طلعت برا وتعلقت على الباب (( حنا على سوبر بان جديد )) وقفت على ذا البليه اللي مححطوطه عند الرجيل اعزكم الله ومتمسك داخل السياره واسولف معهم ..

انا من جهة السواق واللي يسوق كان اخي حزام .. المهم ابوالشباب يبي يروعني ويجي يبي يمر من وزان طعس اربني اطيح والا احك فيه ..

ويجي ويغرز !!!

كانت الساعه يمكن 7:30 الصبح .. شمسسسسسسسسسسس
غرز تغريزه محقه السياره كلها اندفنت وحنا على سوبر والسوبر لامنه غرز مشكله

كبير وقير توماتيك ولافيه دبل وثقيل .. يعني صعب يطلع
ونقعد من نحفر وننسم التواير ونبقط السياره ونحاول ولاطلعت

المشكله حنا مقطعه ماحولنا سيارات .. رمضان وصبح من بيروح البر ؟؟

ونقعد تقريبا ساعتين .. بغينا نموت هههههههههههههههه

صيام وشمس وحر وتعب ونحفر وندف ونتخانق ههههههههههههههه

الوكاد انه عقب يمكن الساعتين وعليها يو الله ان حنا قدرنا نطلع السياره

والله ان رفيقنا أئيس راح يمشي وخلانا يقول بمشي لين اموت ههههههههههههههههههههههههههه

بس اشوى طلعنا وعودنا لبيوتنا عقب ما امتحق فالنا ..

وسلامتـــكم

[شيخة الغيد]

ههههههههههههههههههههههه
الحمدلله على سلامتك انت وربعك ياخوي يامحمد
وياشينها والله صيام,,وشمس,,وتغريز,,
هذي ما تنحل ابد