((حيــــــاكم الله في مـــاســـــنجـــــر المجــــــالس))

[ناصر الحميداني]

الحاله <<<< لايعمل على الجهاز

هيا ياخت العرب

اعطنا موضوع نقاشك لنتسامر قليلا<<< الله يقطعك ياحوران

[][ .. خــجــل .. ][]

طيب طيب



بسم الله



اول شي الموضوع هذا انا سامعته فـ واحد من برامج الافتاء قبل فترة طويلة نسبيا ً
شخص اتصل على الشيخ وطلب منه استشارة تقول :-

" انا خطبت بنت مذكورة لـي بحسن اخلاقها وتدينها واحتشامها يعني البنت مطمع
وبعد الخطبة اكتشف ان ابوها سكيّر "

يعني جد عياله راح يكون سكيّر .. احتار الولد هل ينسحب عشان ابوها والعمل الحرام اللي يسويه
او يتوكل على الله والاهم فـ الموضوع البنت وبس .. خصوصا ً انها مالها ذنب بالاساس !؟


انا سمعت راي الشيخ اللي هو :-
" افضل انك تنسحب " وذكر له مساؤى الموضوع وان نسابتك يكونون كذا ومدري وشو بعد
وكان الولد مصّكر الخط ورجع اتصل مره ثانية وقال يا شيخ " ولا تزر وازرة وزر اخرى " مالها ذنب
فقال ان البنات واجد .. مافيه بهالبلد الا هالولد !!؟


مش بالضرورة اني مقتنعه فيه
لكن ابي رايكم انتوا .. لو كنتوا محله " لا قدر الله " .. هل بتستمرون والا بتنسحبون
دامكم على البر ؟



نورونا

[مانع الوعيلي]

انا بالنسبه لي بستمر

[EmpeRoR]

وأنا بعد مع مانع بستمر ويش ذنب البنت

[لبيك]

أول شي صباح الخير للموجودين

وكيف الحال ومنورين المنتدى الربع ماشاءالله كلهم في الترفهي,,,

وبعدين انا رايي ان البنت ماله شغل لأن اهم شي أخلاق البنت

ومعها بعد سمعت العائله اكيد,,

وبعدين اذا كان الاب يشرب على حسب بعضهم يشرب بس انه رجال يعني ما هوب برخمه <<<<< كذا يمكن استمر


واذا كان الأب يشرب وضفعه بعد لا والله ما أستمر ,,,


وهذا رايي

[EmpeRoR]

صباح النووور..
وكلامك سليييم 100%

[حـــوران]

والله الموضوع فيه تعقيد شوي , لأنه بيختلف من نظرة بيت الى بيت


اول شي الحمدلله ان البنات اللي فيهم خير ومشهود لهم وااجد
لكن النسب مطمع دايم

يعني الشخص يطمح ان يكون زوجته بنت رجّال وسمعته طيبه واخوانها كذلك واسمهم يشرّف
القصه زواج مهوب مجرد علاقه غراميه عشان يتنازل من بعض الأشياء

انا أشوف انه يختار غيرها دامه بيقدر ,

وبصراحه الخمر مهوب عيب فطري فالانسان , يعني ممكن يوقفه في اي ساعه دام ان الله ساتر عليه ولاعنده مشاكل مع الناس وهو طيّب وينطمع فيه

بعكس ان الشخص يصلي قيام وتراويح لكن ضوَه طافيه ولااحد بقارب بناته من رداه

وصاحب الموقف المحرج هي البنت اللي مالها ذنب

[خالد وبس]

طرح جميل .. وردود اجمل
واكتفي بالمتابعه





الله يذكرك يا مهرة النسيان بالخير
كانت تسميّني الدكتور النفساني .. من كثر ما اجاوب على مثل
هالمواضيع

[][ .. خــجــل .. ][]

^
^
^
اجل وراك ما جاوبت ؟



يعطيكم العافية جميع على المناقشة الحلوة .. بالرغم من اختلاف وجهات نظركم
لا هنتوا

[" مــــابه جديــــد "]

الرسول صلى الله عليه وسلم قال
(( تنكح المرأه لاربع : لمالها ولحسبها ولجمالها ولدينها فاظفر بذاتـ الدين تربت يدآك ))

النسب الي ينطمع فيه سواء في الدين او في مجتمعنا او بالفطره الي عشنا عليها
وان كانت البنت راعية دين فذا مايخليني اغمض عن باقي الاشياء ذا بكره جد العوال
ان اقول الله يعين البنت الكنها راعية دين على مبتلااها ويرزقها
واقول لشاب افركلها دامك في سعه
وقول لخجل شكرا جزيل