((حيــــــاكم الله في مـــاســـــنجـــــر المجــــــالس))

[أميرة الإحساس]

هيلي يارمانه ... هيلي يا رمانه ... الحلوه زعلانه ... منهو يراضيها ..

انا اراضيها .. وبروحي افديها ..

وهيلي يارمانه ..




صباح الخييييييييييييييييييييير

[m!ss-83]

مسا النور

الله يسامحج على هالتوقيع

كل ماشفته قعدت ألعب

[][ .. خــجــل .. ][]

طهر
تروحين وترجعين بالسلامه يا الغاليه .. ولحد ينسى الصوغه
وحـ توحشينا آآآوي

[! شيخـــــة المنتــــدى !]

طهــر جعلش من العايديــن الفايــزين

وابغــي تجيبيـن لي معــش تبولــه من لبنــان وشمــاغ انقليزي من لنــدن <-- قلّــت الصوغات خخخخخخخ

مانبغــي الا شـــوفتــش وتــروحين وتاتيــن بالســـلامه نفــداش

وتدرّوا من البهــــم

[][ .. خــجــل .. ][]

فـ خاطري اجاوب على الاسئله اللي حطتها طهر
عجبتني



1- صفه تحبها فيك ؟
انا انا مهما يطول الوقت استحاله اتغير
اللي فـ قلبي يظل فـ قلبي استحاله يطلع منه
راسي يابس يعني لا اقتنعت بشي ولا قوة بالدنيا تقدر تغير قناعاتي

2- صفه تكرهها فيك ؟
اكره في نفسي التناقض فـ بعض الاحيان
اكره المحاتاه الزايدة على سنع ولا غير سنع
اكره عصبيتي وحساسيتي من بعض الامور

3- شي تحبه بشكلك ؟
ماني معلمة
4-شي تكرهه بشكلك ؟
ورمة صغيرة فوق عيني .. برتاح منها قريب ان شاءالله

5-شخصيه تعجبك وتعتبرها قدوتك بالحياه ؟
امي بدون ادنى شك
قدوتي بكل شي يطري على البال .. شخصيتي متقمصة شخصيتها الى حد كبييييير

6- احلى مراحل حياتك الدراسيه ( ابتدائي - اعدادي - ثانوي - جامعه )
ثنوي

7- شخص تفتقده هالفترة ؟
جدي

8- معلم مميز في حياتك الدراسيه ؟
ابلة نورة العجمي .. يا حبني لها مدرستي الرياضيات بالثنوي .. لازالت علاقتي معها مستمرة

9- جريمه قمت بارتكابها عندما كنت طفلا ؟
مره كنت ماخذه قاري اخوي " سيكله " لغير الناطقين باللهجة الكويتية
كبير وصعب الواحد يسوقه .. من لقافتي الزايده ركبته وقعدت امشي فيه بالحوش
جات اختي وكان عمرها تقريبا ً4 او 5 سنين .. وركبتها معي ورا وقعدت افرفر فيها اختل توازنا شوي والا اختي طايحه على راسها على عتبة المقلط وانفلعت والدم والليل الساري وخموها على المستشفى و3 غرز .. وطبعا ً انا تولجوني اخوي واختي اللي اكبر مني وبكوني وسويت اعتصام في الغرفه .. خايفه يرجعون امي وابوي ويقولون اني ذبحت اختي


10- هل انت متشائم ؟ او متفائل؟
قبل كنت اتأرجح بين التشاؤم والتفاؤل .. لكن الحين الحمدلله متفائلة حتى وصل تفاؤلي اعنان السماااااااء

11- شي قديم لا زلت محتفظا به ؟
كرت من عمي بمناسبة تخرجي من الثنوي + كتاب مذكراتي
صورة لي وانا عمري 4 شهور

12- كم تقضي من الساعات على الانترنت ؟
قبل اوصل 10 ساعات على النت .. لكن الحين اخفف كثر ما اقدر .. والنية تقليص المدة الى ساعتين مع بداية الدوامات

13- اكثر شخص تسولف معه على المسن ؟
يا لباااا قلبها والله .. خوية اختي " نديم الليل " .. اكثر شخص اسولف معه بالماسن

14- كيف تعبر عن فرحتك الشديده ؟
اناقز

15- شي كنت تعتبره مستحيل .. وصار لك دون سابق انذار ؟
شي

16- لو فيه اختراع طاقيه الاخفاء اللي تلبسها ومايشوفونك الناس وين بتلبسها ؟
كل ما ضاق صدري لبستها وركبت اي طيارة وغيرت جو .. ورجعت

17- فيلم سينيمائي اضحكك كثيرا ؟
ما اذكر

19- فيلم سينيمائي ابكاك كثيرا ؟
نفس طهر .. ذا نوت بوك كان حزييييييييين

20-عمل منزلي تحب القيام به ؟
الترتيب

21-ماذا لو طلب منك شخص السماح وقد اخطا بحقك كثيرا ؟
مسموحه الغلطة الأولى من الغالي
والغلطة الثانية ماهيب مسموحـه

22- صفه ما تبتعد عن الاخرين بسببها ؟
التشره + النفاق

23- كم عدد اصدقائك المقربين ؟
اللي يعرفون وش في خجل من غير ما تتكلم 3 فقط لا غير

24-لو دعيت لحفله ورأيت شخص يرتدي نفس ملابسك تماما .. ماموقفك ؟
الاكيد اني بعرف من قبل لا اطلع للناس ان فيه وحده نفس لبسي
برجع للبيت وبلبس غيره وبرجع
25- هل فكرت يوما في تغيير شكلك وستايلك ؟

ايه

26-لو تراجع الزمن للوراء مالذي ستقوم بتغييره ؟
حلم ٍ
وعدني .. ( يكمل باقي سنيني )
واصبحت أشوفه بعيني .. يرجع أدراجه ..!
27- اسماء جديده لذكور واناث لم تعجبك عند سماعك لها لاول مرة ؟
ما اذكر

29- طفل تعلقت به كثيرا منذ ولادته ؟
بنيتي فديييييييت خشتها

30- ممثل او ممثله تقتنع بتمثيله واعماله ؟
ما اهتم كثير

31-تشعر بالوحده والفراغ وتجلس بمفردك ماذا تفعل ؟
ارسل مسج لوحده من خوياتي والا ادخل النت

32- متى تشعر بالاحراج ؟
لامن حد مدحني بوجهي .. والا مدحني قدام ناس واجد
صدق هذا بالنسبة لي قممممة الاحراج

33-كلمات اثرت فيك ولن تنساها ابدا ؟
واجد .. واجد .. واجد
بس اللي طرت علي الحين :-
" والله ان يقعد حزني على جدكم فـ كبدي لين الحقه " .. انسفتني هالكلمه
" والله اني استانست اني اعرفك "
" يا ليتني اقدر اغير مزاجك "
34-كم عدد الاشخاص المتصلين عندك بالمسن ؟
حاليا ً صفر !
35- عمل ما تفكر بتنفيذه ؟
عمل منعتني الظروف عنه فـ عطلة الصيف الا اني اعقد العزم على تنفيذه مع بداية الدوامات
وهو اهم مشروع في حياتي " دخول دورات تحفيظ القرآن "
36-اخر حفله قمت بحضورها ؟
آخر حفلة في ليلة 16 رمضان فـ بيت خالتي كان بمناسبة لبس اختي وبنت خالتي الحجاب
وخالتي جابت داعية والقت درس ديني .. وكانت حفلة وليلة ولا اروع !

37-مكان تكره الذهاب اليه ؟
الطبيب

38-قمه الراحه النفسيه لديك ؟
لامن سمعت القرآن والا قريته .. لامن شفت امي مرتاحة وراضية

39-احسن عطله مرت عليك ؟
عطلة الصيف 2008 .. اعششششقها
عطلة الربيع 2009 .. رحت فيها للوادي
عطلة 2005 .. سافرت مع خوالي لـ لندن .. وكانت شي شي

40 - فكره او نطريه عند الناس تود تغييرها ؟
ما يحضرني شي حاليا ً

41- اكثر الم جسمي متعب بالنسبه لك ؟
عيني

42- فتره تعتبرها ذكريات جميله بالنسبه لك ؟
من تاريخ تسجيلي للمجالس .. كانت فتره مشبعة بالذكريات

43- احلى صورة لك اين التقطتها ؟
بعطلة عيد ضحية اللي فات طلعنا البر وصورت هناك صورة عجبتني

44- كم تملك من المال في محفظتك ؟
4 دنانير فقط لا غير !
45- كيكتك المفضله ؟
كيكة من الخباز .. لذيذة

46- اين ذهبت امس ؟
ما رحت مكان .. بس جاتنا جدتي .. وخالتي من السعودية وافطروا عندنا

47- شخص انيق تعجب بملابسه الجميله ومظهره الانيق ؟
خالي .. فيه حب للكشخة .. مو طبيعي

48-هل تمتلك جهاز كمبيوتر خاص بك ؟
يس

49- هل تملك غرفه نوم خاصه بك ؟
نو .. حاليا ً مع اختي

50- اكله مميزة لن تنساها من شده لذتها ؟
ما اذكر

51- هل تخاف من القطط والحشرات ؟
اخاف وبس !؟
ما ادانيها تسبب لي رعب ..
52- شخص يحمل الكثير من صفاتك وشخصيته مقاربه لشخصيتك ؟
اختي ريانه

53- كم عدد الافراد الذي يسكنون معك ؟
8
54- شخص تتمنى مرافقته في رحله سياحيه ؟
ودي نطلع رحلة عائلية احنا وخوالي كلهم .. بس ما فيه شخص معين

55- هل تتصرف احيانا بطفوليه ؟
ايه

56-هل انت شخص غيور ؟
الله العالم
57-شخصيتك تميل للهدوء ام الانطلاق والمشاركه ؟
كذا وكذا

58-هل انت شخص متحدث ام مستمع ؟
على حسب الموضوع اللي قدامي اذا انا ثقافتي فيه ممتازة واقدر اعطي .. او لا !


تسلم الايادي .. طهر

[محمد الشباك]

السلام عليكم ورحمة الله وبركاته

[حسن بن صبيح الضاعني]

وعليكم السلام ورحمة الله وبركاته

[ناصر الحميداني]

اسمي هذا المكان

مخبأ الذئب

ووين الذيابه

[الريمي 2009]

1- صفه تحبها فيك ؟
اني ما احب اللف والدوران والكذب
2- صفه تكرهها فيك ؟
العصبيه الزايده
3- شي تحبه بشكلك ؟
كلي قبله

4-شي تكرهه بشكلك ؟
الحمد لله الي زين خلقي وخلقي
5-شخصيه تعجبك وتعتبرها قدوتك بالحياه ؟
الشايب جعله في الجنه
6- احلى مراحل حياتك الدراسيه ( ابتدائي - اعدادي - ثانوي - جامعه )
الثانوي
7- شخص تفتقده هالفترة ؟
شخص كل مايبعد احس انه يقرب اكثر
8- معلم مميز في حياتك الدراسيه ؟
مدرس التاريخ ايام المتوسط
9- جريمه قمت بارتكابها عندما كنت طفلا ؟
طفولتي كانت هاديه صدق
10- هل انت متشائم ؟ او متفائل؟
ما احب التشاؤم والتفائل دائما احرص على خوته
11- شي قديم لا زلت محتفظا به ؟
سر مايدري به الا انا وهو والله سبحانه
12- كم تقضي من الساعات على الانترنت ؟
لاقعدت قعدت لين يجيني النوم
13- اكثر شخص تسولف معه على المسن ؟
على حسب المزاج
14- كيف تعبر عن فرحتك الشديده ؟
بابتسامه
15- شي كنت تعتبره مستحيل .. وصار لك دون سابق انذار ؟
اني اكون من ربع نت وماسنجر لاني اعتبره مضيعه للوقت وحرام اضيعه عليه
16- لو فيه اختراع طاقيه الاخفاء اللي تلبسها ومايشوفونك الناس وين بتلبسها ؟
بلبسها عند شخص واحد بس بشوف وش يقول عني
17- فيلم سينيمائي اضحكك كثيرا ؟
ذاكرتي ضعيفه ما اذكر
19- فيلم سينيمائي ابكاك كثيرا ؟
ابكاني مافيه بس اعجبني فعلا فعلا التايتنك ولا مليت من شوفه
20-عمل منزلي تحب القيام به ؟
اسوي القهوه والشاهي في المجلس
21-ماذا لو طلب منك شخص السماح وقد اخطا بحقك كثيرا ؟
دائما اتبع سالفة العفو عند المقدره
22- صفه ما تبتعد عن الاخرين بسببها ؟
اعادة الحكي اللي امس يقولونه اليوم
23- كم عدد اصدقائك المقربين ؟
واحد
24-لو دعيت لحفله ورأيت شخص يرتدي نفس ملابسك تماما .. ماموقفك ؟
سقط سهوا الجواب
25- هل فكرت يوما في تغيير شكلك وستايلك ؟
الستايل اكيد اغير اما الشكل ودي امتن شوي
26-لو تراجع الزمن للوراء مالذي ستقوم بتغييره ؟
خطتي الدراسيه
27- اسماء جديده لذكور واناث لم تعجبك عند سماعك لها لاول مرة ؟
ما اذكر
29- طفل تعلقت به كثيرا منذ ولادته ؟
واحد من البزران
30- ممثل او ممثله تقتنع بتمثيله واعماله ؟
حسين عبدالرضا بلا منازع
31-تشعر بالوحده والفراغ وتجلس بمفردك ماذا تفعل ؟
العب بمسباحي
32- متى تشعر بالاحراج ؟
اذا عزمني شخص يقدرني ومنعتني الظروف لا اجيه انحرج جدا
33-كلمات اثرت فيك ولن تنساها ابدا ؟
((امانه لا تغير رقم تلفونك))
34-كم عدد الاشخاص المتصلين عندك بالمسن ؟
واحد
35- عمل ما تفكر بتنفيذه ؟
لا يتسع المجال لذكره
36-اخر حفله قمت بحضورها ؟
زواج يوم السبت اللي فات
37-مكان تكره الذهاب اليه ؟
صالة البلياردو
38-قمه الراحه النفسيه لديك ؟
لاصار مخباي مليان
39-احسن عطله مرت عليك ؟
صيف 2008
40 - فكره او نطريه عند الناس تود تغييرها ؟
ودي اغير وجهة نظر الناس من صوبي باني انسان شايف حالي والله انها شغله دابلتن كبدي
41- اكثر الم جسمي متعب بالنسبه لك ؟
وجع البطن
42- فتره تعتبرها ذكريات جميله بالنسبه لك ؟
من 21/6/2003 الى 14/1/2004
43- احلى صورة لك اين التقطتها ؟
ماني براعي صور ولا احب احد يصورني
44- كم تملك من المال في محفظتك ؟
الحمد لله ما اشيل محفظه للفلوس عشان كذا السؤال لغيري
45- كيكتك المفضله ؟
والله اني ما اعرف اسمها بس الوكاد انها زينه
46- اين ذهبت امس ؟
معزوم على تمايم
47- شخص انيق تعجب بملابسه الجميله ومظهره الانيق ؟
الامير سعود الفيصل
48-هل تمتلك جهاز كمبيوتر خاص بك ؟
الله الله
49- هل تملك غرفه نوم خاصه بك ؟
الله الله
50- اكله مميزة لن تنساها من شده لذتها ؟
الاكل الزين واجد لله الحمد والشكر
51- هل تخاف من القطط والحشرات ؟
ما اخاف منهم بس اكرهم
52- شخص يحمل الكثير من صفاتك وشخصيته مقاربه لشخصيتك ؟
مافيه والله انه ماهو بغرور ولا هو بمدح يمكن اكون كلي عيوب عشان كذا ما احد يشبهني
53- كم عدد الافراد الذي يسكنون معك ؟
15 شخص
54- شخص تتمنى مرافقته في رحله سياحيه ؟
واحد من الربع الله يذكره بالخير مع العلم اني ما اسافر الا انا وياه بس ما مليته لانه حفله
55- هل تتصرف احيانا بطفوليه ؟
لا
56-هل انت شخص غيور ؟
السؤال هذا له عدة اجابات ولكن بقول على حسب
57-شخصيتك تميل للهدوء ام الانطلاق والمشاركه ؟
الهدوء
58-هل انت شخص متحدث ام مستمع ؟
لكل مقام مقال



ومشكوره ياطهر على الاسئله

تحياتي

[أنفاسي عجميه]

آلسلآمـ عليكم ..

آخبآركم ؟ علومكم ؟