خـاص لشعراء المنتدى..,,,

[فيصل العجمي]

العسر...

أنا ملحنها على لحن وطلعت موزونه...

وشكلك أنك ما عرفت لحنها...

حاول أنك تلحنها وشف...

[العـــسر]

إستلم

لا واهني اللي حياته سكينه=لاهوب .. لا غابط .. ولاهوب محسود
قانع إبما عنده ... ولو كثْر دينه=عطا الله المطلوب ... ثم جاله إبزود
قام .. ودعا اللي ما خذل مرتجينه=وبإذنه .. إمصخّرها له (سهود ومهود)
فقر ٍ يعز ... ولا غناة ٍ تهينه=وإلا التماني ... ما إتضوّي لها ... ذود
اللي بذل مجهود ... ربي يعينه=ولابه حصيل ... إلا ورا .. بذل مجهود
جاكم جزيل القول ... يا سامعينه = وإن ما فهمت إقرا ... التماثيل .. بركود
رجل ٍ معه بندق ... وقدمه ... سمينه=والذيب متشطّر .... ولاهوب مجحود
أما يدسّم شاربه من يمينه = وإلا يبرّزها .. إلى ذعذعت نود

[" مــــابه جديــــد "]

الله الله البيت لخير لحاله قصه

صح لسانك يالعسر

[الريمي 2009]

صح الله لسانك يامبدع

[العـــسر]

صحّت أبدانكم جميع ولاهنتوا



تقبّلوا تحيّاتي

[الريمي 2009]

استلم ياكابتن:
بقعا ورحاها دايم الدوم شينه ====ومن حافته قالوا له الخلق مقرود
يقوله اللي يفتخر في يمينه=====يعطي العطا من جود من هو بموجود
سبحانه اللي ماغفت يوم عينه====ومقسمن خلقه سعيدن ومقرود

[العـــسر]

الله الله

صح لسان يالريمي

ولا هنت

[الطرقــي]

السلام عليكم ورحمة الله وركاته

يسعدني ان اكون احد اعضاء منتدى العجمان

وسمحولي في مشاركتي المتواضعه

ولاهنت ياخوي العسر على الوضوع الطيب
استلم


يـوم المكــاين قـالـو انهـا ثمينـه .... وقـد سعـرها زايـد على سعـرها زود

رحت انشد الخياط عنـدك مكينه .... ثـم قــال يـا بـابــا نـعـم فيـه مــوجــود

شـريتـهـا مـنـه والاحـوال زينـه .... وماشـلت هـم افلـوسهـا دام بـه فــود

اثـره خبـر قد شاع وسط المدينـه .... يـحكيبــه اسعـيـد ويـنشـره مسعــود


الرزق ماياتي كـذا يامـدورينــه .... لازم نــقـود ارجـــيلـنـا للـشغــل قــود

وسوالم

[العـــسر]

الله الله

صح لسانك يالطرقي ولاهنت

والصفحه صفحة الجميع

وبإنتظار الإبداع

[الريمي 2009]

اخوي العسر ابطينا من ذالصفحه اللي جعل ماهي بعقب راعيها ولا يهونون اخواني اللي شاركوا في الصفحه جميعهم مبدعين
وهذي بويتات عشان ماتندثر هذي الصفحه اللي اغليتها وعزيتها من معزة راعيها وتخبر يالعسر ياخيك القلب ماهو بخالي

واقول.....

ياراكبن من عندنا فوق فكسار=ورَد على الساير بشرط الظمانه
امكيسن كشنه وعداده اصفار=محدن ركب كشنه بقسط او إعانه
وارد سبشل ومورد لنسل الاحرار=حراً تعلا في المراقيب شانه
اخترت انا شبلن ومن غيره اختار=هو النديب اللي مكانه مكانه
يلفي على اللي للمواجيب بيطار=(عسر) المعاني جعل يصفى زمانه
قله تراك ابطيت يامولع النار=وكثر البطى مثر على القلب عانه
يقوله اللي شاكياً وقت غدار=يشكي من الفرقى ويشكي الخيانه
(عسر) المعاني خلي اليوم لي بار=عقب الغلا قفى بحكم وإدانه
حكم علي واخطأ وحكمه علي جار=وعزاي من وقتي لوقتي (ميانه)
جاك الجواب اللي على متن فكسار=امورداً باسمك بشرط الظمانه
وارد سبشل ومورد لنسل الاحرار=حراً تعلا في المراقيب شانه