مساجله شعريه .......

[فريج المرر]

يا بعد عمري يا حبيب المضانين ... يا منبع اشرافٍ وأصلٍ وسادات

يا تاج راسي نفتخر بك وراضين ... عساك دايم في وناسه وراحات

واحنا معاك وبالعهد دوم باقين ... نرقب خطاك وندِّعي بالمرَّات .

[عجميه الرس]

تدري ،، من اللي يبعد الضيق عنـي ... حضرة ،، سموك لاذكرني ،، برساله !

[فريج المرر]

هلا وغلا يا بعد روحي ... يا مرحبا يا بعد كل حي

طَلْعَتكْ تبعث لي شروحي ... يا نور عيني وسحر الضي

اشتاق لك وانت بِنْزُوحِيْ ... شوق الصحاري لشوق المي

يا ليت لي طيفك يلوحي ... لانَّك معي راحتي وكل شي .

[عجميه الرس]

يمكن إني ما فهمـــته **** و بجهل مني اتهمـــــته
بس هو شارك بظلمه **** يومه استسلم لصــمته

[سعود الفيصل]

هذي اللي غلاها مايبي قول قايل..
هذي اسباب غيضي والرضا والهيام..
هذي رسومها بين الضلوع النحايل..
هذي اللي على صدر القصيده وسام..

[عجميه الرس]

مُعقّدة ... عشانها ما تغازل !
ولانها .. ترفض جدار العوازل ..

ولأنها .. تخاف ربي وأهلها
ولأن .. ماهي سهم طالع ونازل !

إنسانة تحسْ انها شئ غالي ..
وعن هالقناعة ! .. مستحيل اتنازل ..

تنأى باسمها عن كلام الشماميت ..
وعن الملاحق .. والقصص .. والمهازل

تحيّتي للي مثلْهَا ..... ولــ اللي
تقدر تغازل ... بس ترفض تغازل !

[نبض العجمان]

لكــن خفوقـي لاهـوى مايهمـه
أغليك انـا برضـاي .. ولا بحسرات!

[سعود الفيصل]

تعبت اخفي دمعتي وان شفتها غصب بتطيح...
قمت اتثاوب كن عيني لاحق(ن)جفنها نعاس..

[عجميه الرس]

سألتك بالذي خلى غرامك داخلي خــــفاق
فراقي ليه يطري لك؟ وأنت اللي معلمــني
تعلمت الوفا منك كتبت الشعر بــــالاوراق
تعلمتك ضما وانهار وارض فيك تمتطرني
تعلمتك فجر باكي فجر مستوطن الاعماق
تعلمتك حضن دافي اذا سجيت يحضنــــي

[مايصح ألاالصحيح]

يأللي على شان معكازي تبين لي
رجلي على حالها وأنا على حالي