دكه المجآلس .. آرحبوآ آرحبوآ ..

[فهيد الكفيف]

المشاركة الأصلية كتبت بواسطة سمو^المشاعر

يالله نبي موضوع ثاني

شرايكم بالعادات الغذائيه بالخليج بشكل عام

هل تحتاج الى تنيظم وتعديل ام انها من الممكن ان تكون عادات صحيه



عن نفسي

ما اعتقد ان عاداتنا الغذائيه صحيه او صحيحه

من العيش الى الدهون الى الحلويات الى الوجبات السريعه و غيرها من امور

اعتقد انه يجب اعادة تثقيف المجتمع غذائيا

[على دروب الغانمين]

المشاركة الأصلية كتبت بواسطة فهيد الكفيف

منو المتواضع

يامرحبا يابومحمد

هذا طال عمرك كان ردي على الموضوع اللي طرحته:

المشاركة الأصلية كتبت بواسطة فهيد الكفيف

8
8

على طاري المقلب اللي انا شاربه بنفسي


شرايكم بالشخصيات اللي تكون مسويه لنفسها حجم اكبر من حجمها الحقيقي وتبين للناس انها ذات اهميه وهي حقيقة مجرد شخصية هامشيه في الحياه

يعني الناس اللي ماخذين بنفسهم مقلب


هل تعتقدون هالحاله نعتبرها مرض نفسي ام انها شئ اخر

وكان ردي على الشخصيات اللي تشوف نفسها اكبر من حجمها
وانا اقول يازين التواضع والبساطه ان كان الانسان مهم او صاحب منصب او كان شخص بسيط

وسلامتك طال عمرك

[على دروب الغانمين]

المشاركة الأصلية كتبت بواسطة فهيد الكفيف

شرايكم بالعادات الغذائيه بالخليج بشكل عام

هل تحتاج الى تنيظم وتعديل ام انها من الممكن ان تكون عادات صحيه



عن نفسي

ما اعتقد ان عاداتنا الغذائيه صحيه او صحيحه

من العيش الى الدهون الى الحلويات الى الوجبات السريعه و غيرها من امور

اعتقد انه يجب اعادة تثقيف المجتمع غذائيا

عاداتنا الغذائية مشكلة ويبي لها حل

ياخوك اذبحتنا العيوش والدهون والحلويات وخصوصاً الاطفال الصغار زاد وزنهم من الوجبات السريعه
والحلويات والكاكاوات>>مدري كذا تنكتب ولا لا

على العموم انا عندي حل والحل هذا خذيته من واحد من شيبانا
بعد مايصلي الفجر يرجع ويصلح له قهوة بنفسة بديوانيه وياكل 7 تمرات
ويتقهوى

ويقرا له شي مفيد
ويتابع الاخبار من الراديو

واول مايجهزون عياله للمدارس يوديهم

واذا جاء الضحى تريق خبز من البيت وعسل وحليب مايحط سكر في الحليب بس عسل

وبعد مايطلع اعياله من المدارس ينام ويقوم العصر يصلي ويتقهوى مع الشيبان


وبعد صلاة العشاء يتعشى ويقعد الي الساعه 10 وينام بعدها ويقوم الفجر وعلى هذا الموال

لونسوي مثلة كان حلينا المشكلة وزيادة الوزن عندنا


وديننا الحنيف ورسونا الكريم صلى الله عليةوسلم حذرنا من كثرته الاكل :

عن المقدام بن معد يكرب قال : سمعت رسول الله صلى الله عليه وسلم يقول : " ما ملأ ابن آدم وعاء شراً من بطن ، بحسب ابن آدم لقيمات يقمن صلبه ، فإن كان لا محالة فثلث لطعامه وثلث لشرابه وثلث لنفسه"( الترمذي وقال : حسن صحيح).



وفي الختام نشكرك يا بومحمد على مواضيعك المفيده في كل المجالات الاجتماعية وتسليطك الضوء عليها

بس اهم شي ابعدنا عن المواضيع السياسيه

[سمو^المشاعر]

فهيد

صحيح انا معاك باللي قلته .. بس شلون يتم تثقيف المجتمع غذائيا؟؟

لان ربعنا اذا ماتغدوا عيش ولحم ولادجاج وعقب الغدا حلا وعقب الحلا قهوه وعقب القهوه عشاوعقب العشا حلا مره ثانيه تتعب نفسيتهم

هذا شي متوارث مو شي جديد او دخيل على مجتمعنا ..

انسى يتثقفون غذائيا

[مليحة العجمان]

يسعدلي ظهركم

والله لكم وحشششه

[سمو^المشاعر]

عاش من شافش يامليحة العجمان ..

يالله عطينا موضوع نسولف فيه

[قمة طويق]

هلا وغلا مليحة اند سمووو ,,, حياك الله ,,,
منورة الحته يابت اتي وهي على قولة اخواننا المصرييييييين ’’ ,,



المهم ياطويلين / وطويلات العمر ,,, من اخوة واخوات ,,

بطرح موضوع اللي هووو ,,,


شرايكم لووو نستغني عن الخدم ,,, ونعتمد على انفسنا ,, ونرتب الادوار بين افراد الاسرة بتساوي ,,,
وهل الشئ هذا ايجابي ؟ ام سلبي ؟ ...

وهل الخدم وجودهم صار نوع من البرستيج اللي يكمل الواجه الاجتماعيه للفرد ,,,
,,,,




قمة طويق ,,


.
.

[قمة طويق]

ووووين العررررررررررررررررررررررررررررررررررررررررررب ؟!

[محمد بن ناصر الغفيلي]

العرب موجودين بس جو ولا لقوا عرب وراحوا ورجعوا العرب ولا لقوا عرب وراحوا
وجو العرب الاولين ولا لقوا العرب الي جو عقبهم ... وراحوا


اممم
مواضيعكم كثيرة وانا مبطي عن الدكة

وبالنسبة للثقافة الغذائية
المجتمع عانى كثير من غيابه عن هالثقافة
ودفع الثمن بزيادة حالات الإصابة بالسكر والبدانة والكلسترول والضعف الجسماني وحتى الضعف العقلي بسبب عدم الإهتمام بالغذاء المناسب


لكن اشوف الحين أن وزارة الصحة بالمملكة مو مقصرة وانا كل صباح استلم منهم رسالة مفيدة وفيها معلومات هامة عن الصحة والتغذية ... وهذا دور توعوي كبير ماقصرت فيه ... الظاهر مره ارسلوا رساله اذا حبيت استلم رسايلهم وارسلت رقم كودهم المجاني

وهي خدمة مفيدة واحيان اكتشف معلومات كنا نعتقد انها مفيده او العكس




*
*
*
وبالنسبة لموضوع الخادمات

فأنا أشوف ان فيه ناس يبالغون بعدد الخدامات
وفيه عوائل قليلة بالعدد وعندهم خدامة وظروفهم ما تتطلب وجودها
لكن هو من باب الترف والراحة وهذا حق لهم لكن اكيد ان للخدم اضرار كثيرة واكيد ان الاعتماد على النفس يقوي الإنسان

وبالنسبة للعوائل الي كثير عددهم وكثير ضيوفهم وعندهم احفاد فتواجد الخدم شي مفيد لتقوية روابطهم الأسرية لان الخدامه تساعدهم على إجتماعاتهم وعلى تجهيز السفرة وتهيئة الجو المناسب لجمعتهم

وعلى كل حال لازم تكون نيتنا مع الخدم نيه طيبة ونكسب منها أجر ونحبب الخدم بديننا ونعطي صورة طيبة عنا
رغم اني اشوف ان كثير من الناس ماتهتم بهالمسئلة وان جتهم الخدامة خلوها تكره حياتهم ودينهم وتصرفاتهم وكل شي له علاقه بهم وهذا يضر الدين ويضعف انتشاره بين الشعب الي منهم الخدامه

[سمو^المشاعر]

يامرحبا بقمة طويق

منوره

اذا مالقيتي احد يرد عليك تعودي لاتزعلين

الناس لاهين باشياء ثانيه وانا اختش ماهم صوبنا

شوفي يالغاليه انا وياش باللي تقولينه وانا عن نفسي ما احب اعتمد عالخدم باغلب الامور ولله الحمد اعتمد على نفسي بكل شي ولكن

زادت المسؤوليات في الوقت الحالي ولظروف انشغالنا بالوظيفه واعيالنا بالدراسه مانقدر نسوي هذا الشي

نبي نرجع من الدوام نلقى كل شي نظيف ومرتب والغدا جاهز وغيره من امور ..

الخدم يالغالية شر لابد منهم

انا اللي يضايقني في الخدم اعتماد الامهات على الخدم في العناية بالاطفال يقتلني هذا الشي

ولا غيره عادي عندي

حياه سعيده